Fjarðarpósturinn - 10.06.1993, Qupperneq 3

Stórviðburður í Firðinum á föstudags- og laugardagskvöld:
Hin eina sanna Randver á
fjalirnar eftir 15 ára hlé
SÖNG- gleði- og hljómsveitin Randver, skipuð úrvalsliði hafnfirskra
kennara og skólastjóra, kemur saman í Hafnarfirði um helgina eft-
ir fímmtán ára hlé. Alloft hefur verið reynt að fá þá Jón Jónasson,
Ellert Borgar Porvaldsson, Guðmund Sveinsson og Ragnar Gísla-
son saman á ný en ekki tekist fyrr en nú. Þeir troða upp aðeins tvö
kvöld, n.k. föstudags- og laugardagskvöld, 11. og 12. júní, í Firðin-
um við Strandgötu.
Randver gaf á sínum tíma út
þrjár hljómplötur sem eiga það
sammerkt að hafa verið og vera
enn, einar vinsælustu „partf‘-plöt-
umar. A þeim er gleðipopp í þjóð-
lagastíl og þekkja velflestir lög
eins og „Bjössi on the milk-car“,
„Grímstunguheiðin“, „Góðhjörtuð
kona“ (sem elskar sinn ótrúa
mann), „Ofurmennið Randver" og
„Flakkarann“.
Þeir félagar hittust íyrir
skömmu, tóku nokkrar léttar æf-
ingar og að þeirra sögn þá virðast
þeir fremur hafa batnað með aldr-
inum, en hitt: „Við þroskumst
vel“, segja þeir kankvísir, enda
fjörkálfar miklir, þó komnir séu í
ábyrgðarstöður í þjóðfélaginu.
Það má einnig geta þess, að á
sínum tíma þótti sumum ekki til-
hlýðilegt að kennarar væm að
syngja lífmiklar drykkjuvísur og
fara með tvíræð gamanmál. Þeir
héldu þó ótrauðir áfram og eítir þá
liggja nú hljómplötumar: „Rand-
ver“, „Aftur og nýbúnir“ og „Það
stendur mikið til“.
'68-kynslóðin ætti sérstaklega
að gleðjast, auk þess eldri og yngri
bæjarbúar, því þessi eðalsveit, sem
í dag er skipuð kennara, tveimur
skólastjómm og einum forstöðu-
manni kennsludeildar, ætlar að
rifja upp öll gömlu, góðu lögin í
Firðinum um helgina.
500 börn á leikja- og
íþróttanámskeiðunum
Þátttaka hefur aldrei verið meiri á íþrótta- og leikjanámskeið-
um bæjarins, að sögn Geirs Hallsteinssonar umsjónarmanns
námskeiðanna. Um 500 börn eru nú á námskciðunum.
Geir sagði í samtali við Fjarðarpóstinn, að námskeiðaltaldið
veitti um 40 ungmennum vinnu við leiðbeinendastörf. Hann sagði
einnig, að þessi góða þátttaka tryggði það, að íþrótta- og leikjanám-
skeiðin stæðu alfarið undir sér sjálf peningalega að þessu sinni.
Félagarnir íRandver íupptöku í„den tid“, taliðfrá vinstri: EllertBorg-
ar Þorvaldsson, skólastjóri, Guðmundur Sveinsson, kennari, Ragnar
Gíslason, skólastjóri, og Jón Jónasson, forstöðumaður kennsludeildar,
en þeir voru allir kennarar í Hafnaijirði þegar Randver var stofnuð.
Slysagildra eða aukið öryggi?
- Óánægja íbúa með umferðarmannvirki á Norðurbraut
íbúar í nágrenni gatnamóta Norðurbrautar og Hraunbrúar hafa
hringt ítrekað á ritstjórn Fjarðarpóstsins síðustu daga til að kvarta
yfir stórri umferðareyju sem búið er að koma upp á Norðurbrautinni
þar sem ekið er inn á hana af Hraunbrún. Ómar Smári Armanns-
son, formaður umferðarnefndar, sagði, er Fjarðarpósturinn leitaði á-
lits hans, að þetta væri gert til að ná niður umferðarhraðanum, sem
mikið hefur verið kvartað yfir af foreldrum ungra barna á svæðinu.
Hann sagði einnig, að í framhaldi af þessari framkvæmd yrði sett
upphækkun, þ.e. bunga, við Hraunkambinn, einnig á milli húsanna
nr. 11 og 13 á Norðurbautinni.
Reykjanesbrautar í sumar. Reikn-
að er með að þeim framkvæmdum
ljúki fyrir haustið, en með þeim
ætti að komast skikk á þungaum-
ferð af höfninni, sem hefur verið
alltof mikil í gegnum miðbæinn.
Ómar Smári gerði sér ferð á
staðinn og skoðaði umferðareyj-
una, eítir að Fjarðarpósturinn leit-
að álits hans. Hann sagði, að upp-
haflega hefði verið ætlunin að
setja þama upp hringtorg, en pláss-
ið ekki verið nægt. Tilgangurinn
væri að draga úr hraða og því hefði
þetta umferðarmannvirki verið sett
þama niður. Hann sagði einnig að
fleiri upphækkanir, þ.e. bungur,
yrðu settar á götur í nágrenninu, en
menn hefðu verulega áhyggjur af
gangandi bömum á leið á Víði-
staðatún í þeim umferðarhraða
sem orðinn væri á götum bæjarins.
Ómar bætti því við, að auðvitað
væri það alltaf neyðarúrræði að
hamla bflaumferð á þennan hátt,
en því miður væri umferðarmenn-
ing okkar ekki á hærra stigi.
Af fyrirhuguðum upphækkun-
um, þ.e. bungum, í bænum má
nefna að ein verður sett á stútinn
við Garðaveg, þá verða gatnamót
Hraunbrúar, Hellisgötu þrengd.
Framkvæmdir hefjast einnig fjót-
lega, að sögn Ómars, við gang-
braut á aflíðandi upphækkun á
Suðurbraut við Þúfubarð. Þá hefj-
ast framkvæmdir við mislæg
gatnamót á mótum Ásbrautar
Eins og sjá má á myndinni hefur innakstur og útakstur afNorðurbraut-
inni verið þrengdur verulega.
T K O
Tónleikar í Kaplakrika
Laugardaginn12. júní kl. 20:30
rage against
the machine
Rage against the Machine / Jet Black Joe.
Þessi kraftmikla bandaríska rokk/rapp hljómsveit
sem skyndilega hefur brotist fram í heimsfrægðina
spilar hér ásamt hafnfirsku hljómsveitinni Jet Black
Joe.
Pantið miða tímanlega!
Upplýsingar og miðapantanir (síma 65 49 86.
Aðgöngumiðasala:
Bókaverslun Eymundsson i Borgarkringlunni og við Austurvöll.
Hafnarborg, Strandgötu 6, Hafnarfirði. Myndlistarskólinn í
Hafnarfiröi, Strandgötu 50.
ALÞJÓÐLEC
LISTAHATIP
I HAFNARFIIUM
4.-30. JUNI
LI5TIN ERFYRIRALLA!
3