Fjarðarpósturinn - 30.03.1995, Blaðsíða 2
2 FJARÐARPÓSTURINN
Gildir frá fimmtudegi 29 mars
til miðvikudags 5. apríl
Vatnsberinn (20. jan. - 18. feb.)
Lang auðveldast er að lifa í vananum. Það
kanntu best. En lífið er breytingum háð og
best væri að fá þær í smáum skömmtum
svo þægilegra sé að aðlagast. Ef þú ert í
jafnvægi, þá ertu tilbúinn.
Fiskarnir (19. feb. - 20. mars)
Það er fólk nálægt þér sem er langt frá því
að vera vinsamlegt. Láttu reiði þeirra sem
vind um eyru þjóta. Reiðin er þeirra og þú
gerir þitt besta. Skjöl sem berast þurfa end-
urskoðunar við.
Hrúturinn (21. mars - 19. apr.)
“Svona er það og þannig vil ég hafa það”.
Mottó vikunnar! En það er ekki svona auð-
velt. Farðu hinn gullnameðalveg og þá
færðu þitt fram. Mánudagurinn verður
ógleymanlegur.
Nautið (20. apr. - 20. maí)
Ef þú fjárfestir í einhverju í vikunni vertu
viss um að það sé peninganna virði.
Leggðu ríka áherslu á gæðin. Helgin verð-
ur í einu orði sagt “skrýtin”. Samband sem
byggist ekki á traustum grunni og heiðar-
leik er lítils virði.
Tvíburinn (21. maí - 20. júní)
Það er til lítils að vera metast um lífsins
gæðin. Leyfðu öðrum að öfundast út í þinn
innri mann því þú ert í góðu jafnvægi og
óheft(ur). Ánægja, rómantík og gleði
dreifast til allra átta. Fólki finnst gott að
vera í návist þinni.
Krabbinn (21. júní - 22. júlí)
Skilaboðin sem þú færð reynast réttar og þú
veist alveg hvaðan þau koma. Það verður
ekki bara þessi vika sem einkennist af and-
legum málefnum, heldur allur mánuðurinn.
Hafðu tjáningarásina vel opna en gættu
þess að vera ekki auðtrúa.
Ljónið (23. júlí - 22. ágúst)
Það má segja að vikan verði fjarstýrð.
Margt framandi og margt í fjarlægðinni
vekur áhuga og nýjar hugmyndir fæðast
sem framkvæma á í framtíðinni. Það virðist
allt svo óralangt í burtu. Kannski er bara
best að bíða þar til þetta kemur aðeins nær.
Meyjan (23. ágúst - 22. sept.)
Sparnaðarátak í gang og það strax í dag.
Það eru stríðnispúkar í kringum þig og þú
ekki beint í skapi til að taka þeim með bros
á vör. Reyndu samt. Hugur þinn er á reiki
og erfitt að skipuleggja nokkum skapaðan
hlut. En hvað er til ráða?
Vogin (23. sept. - 22. okt.)
Einhver í hrútsmerkinu kemur inn í mynd-
ina og vill samstarf við þig. Það er jákvætt.
En gæta ber að lagalegu hliðinni og lesa
litla letrið. Ef þú kemst í burtu í 1-2 daga
yrði það vel varinn tími til að huga að vænt-
anlegum verkefnum og nýjum fjáröflunar-
leiðum.
Sporðdrekinn (23. okt. - 21. nóv.)
Þú gefur lítið fyrir fólk sem flýr undan skít-
verkunum og láttu álit þitt bara í ljós. Kjör-
in vika til að semja um hvað sem er, vega
og meta, leita sátta, bæta og kæta, og sam-
nýta. Ræddu peningamálin þegar færi
gefst.
Bogmaðurinn (22. nóv. - 21. des.)
Þér hættir til að vera aðeins of vísinda-
leg(ur) í vinnunni, en einbeitingin leynir sér
ekki og er bráðsmitandi. Góðar umræður í
gangi um hverju sé hægt að breyta og hvað
sé hægt að sætta sig við. Bæði ytri og innri
fegurð heillar þig.
Steingeitin (22. des. - 19. jan.)
Það sem þú varst í óvissu með í byrjun
mars er nú að skýrast. Þér er óhætt að vera
stolt(ur) af sérstökum eiginleikum þínum
og jafnvel hæla þér svolítið af þeim. Þér
tekst fyrir rest að koma réttlætinu í gegn.
Ekki gefast upp þótt það virðist vonlaust.
Bros er góð
afmælisgjöf
Lionsklúbbarnir á svæöi 6
Frá afhendingu tækisins. Á myndinni eru Laufey Jóhannsdóttir
svæðisstjóri, Jóhannes Pálmason framkvæmdadstjóri Borgarspít-
alans, Sverrir Haraldsson yfirlæknir og Albert Kemp fjölumdæm-
isstjóri Lions á Islandi.
Sameig-
inleg
gjöf til
Borgar-
spítala
Lionsklúbbarnir á svæði 6
sameinuðust nýlega um gjöf til
Borgarspítalans. Um var að ræða
ómskoðunartæki til blöðruskoð-
unar og að sögn forráðamanna
spítalns var um kærkomið tæki
að ræða. Lionsklúbbarnir sem
hér um ræðir eru Lionsklúbbur-
inn Kaldá, Lionsklúbbur Hafn-
arfjarðar og Lionsklúbburinn
Ásbjörn í Hafnarfirði og Lions-
klúbbur Bessastaðahrcpps,
Lionsklúbburinn Eik og Lions-
klúbbur Garðabæjar.
Sverrir Haraldsson yfirlæknir
tók við tækinu fyrir hönd Borgar-
spítalans og greindi hann frá að
tækið væri langþráð fyrir sjúk-
linga spítalans og létti mjög með-
ferð sjúklinga. Tækið er létt og
fyrirferðarlítið og auðvelt að flyt-
ja það milli staða til notkunar.
Jóhannes Pálmason fram-
kvæmdastjóri Borgarspítalans
þakkaði Lionsfélögum fyrir kom-
una og bað þá að koma sem oftast
í heimsókn. Lionsklúbbarnir hafa
aflað fjár til tækjakaupanna með
ýmsum hætti og segja forráða-
menn þeirra að það sé sérlega
ánægjulegt að standa saman að
verkefnum sem þessu.
Svipmyndir frá
bryggjuballinu
Bryggjuball Sjálfstæðisflokksins var haldið með
pomp og parkt í veitingahúsinu Kænunni um síðustu
helgi. Fjölmenni var á ballinu og bekkurinn þéttset-
inn en frambjóðendur flokksins í kjördæminu notuðu
tækifærið til að ræða málin við stuðningsmenn. Það
var svo hljómsveitin Jón forseti sem lék fyrir dansi
langt fram á nótt.
Hér sjást tveir af frambjóðendunum, Kristján
Pálsson og Sigríður Anna Þórðardóttir á tali við
gesti.
Á myndinni má sjá þau Oddfríði Steindórsdóttur,
Steinunni K. Friðjónsdóttur, Magnús Þórðarson,
Þórarinn Jón Magnússon og Þorbjörn Eiríksson.
Hluti gesta á bryggjuballinu.
Æringi
meinlegur og miskunn-
arlaus skrifar án
ábyrgðar
Nú er gaman!
Jóhann G. Bergþórsson, sjálfstæðismað-
ur í orðsins fyllstu merkingu, sneri aftur
með glans um daginn. Margir urðtt veru-
lega undrandi þegar Jói kom askvaðandi
inn í hafnfirsk stjórnmál, ekki síst sam-
flokksmenn hans! En mörgum hefur þótt
Fjörðurinn dapurlegur síðan Jói Begg fór í
frí og að því leytinu komi hann „fagnandi":
Braut af sér böndin og kom sér á legg,
bölsýnin ofbauð og stjórnmálahnegg.
Nú fjör er á ný,
með ferlegum gný,
er feykist á sjónarsvið JóhannGéBegg.
Spáð var asahláku snemma í vikunni og
þá varð þetta til:
Veðurfræðingur viðrar sitt rabb,
voða hann spáir um mannanna labb.
Frostið það fór,
svo fótanna sjór,
flæðir í skóna - það helvítis slabb!
Nú hafa aldeilis verið í gangi skælingar,
maður! Bæjarstjómarmeirihlutinn grætur
vegna þess að Kratarnir eyddu öllum pen-
ingunum. Kratamir gráta vegna þess að
Bæjarstjórnarmeirihlutinn er alltaf að
stríða þeim. Og bæjarbúar gráta af hlátri að
öllu saman!
Ekki skortir oss glamúrinn,
eðal er Hafnarfjörðurinn.
Gaurar þó skæla,
gaula og væla,
gott vær’að fá hingað Grátmúrinn!
limra
Margt er huga minn að hræra
og heilmikið af því má læra
ef lítið ég hlotni
lán hjá Drottni
mundu Magnús Jón og Magnús hinn
kæra?
Sofus
CAFUaH VIKUNNAR ■»
Fæðingardagur? 8.7.1970.
Fjölskylduhagir? Kvæntur Sigrúnu
Hafsteinsdóttur og eigum óskírðan
dreng (tveggja vikna).
Bifreið? Toyota Corolla árg. ‘92.
Starf? Minjavörður.
Fyrri störf? Sagnfræðinám.
Helsti veikleiki? Veikleiki í vinstra
hné varð til þess að ég hætti að
keppa í hlaupum.
Helsti kostur? Hægra hnéð!
Eftirlætismatur? Jólarjúpan.
Versti matur? Hrogn og lifur.
Eftirlætistónlist? Allt nema hip-
hop og rapp.
Eftirlætisíþróttamaður? Magnús
Haraldsson!
Á hvaða stjórnmálamanni hefur
þú mestar mætur? Jóni Baldvin
Hannibalssyni.
Eftirlætissjónvarpsefni? Fréttir og
iþróttir.
Leiðinlegasta sjónvarpsefni?
Strandverðir - dýpra verður ekki
sokkið.
Besta bók sem þú hefur lesið? Nótt
yfir hafið (Ken Follett).
Hvaða bók ertu að lesa núna?
Hringadróttinssögu (J.R.R.
Tolkien).
Uppáhaldsleikari? Steven Seagal.
Besta kvikmynd sem þú hefur
séð? Ys og þys út af engu.
Hvað gerirðu í frístundum þín-
um? Leik golf (á sumrin).
Fallegasti staður sem þú hefur
komið til? Heidelberg í Þýskalandi.
Hvað meturðu mest í fari ann-
arra? Heiðarleika og stundvísi.
Hvað meturðu síst í fari annarra?
Oheiðarleika og óstundvísi.
Hvern vildirðu helst hitta? Það
hefði verið gaman að fá að spjalla
við Bjama heitinn Sívertsen.
Hvað vildirðu helst í afmælis-
gjöf? „Flug og bfl” til Evrópu.
Hvað myndirðu gera ef þú ynnir
2 millj. í happadrætti? Kaupa
stærri íbúð.
Hvað myndirðu gera ef þú værir
bæjarstjóri í einn dag? Láta reisa
sómasamlega frjálsíþróttaaðstöðu.
Uppáhalds Hafnarfjarðarbrand-
arinn þinn? Góðkunningjar lög-
reglunnar í Hafnarfirði ákváðu að
ræna banka í Reykjavík. Þeir settu
upp grímur og ruddust með offorsi
og látum inní bankann, hvor með
sína haglabyssuna. - “Upp með
hendur, þetta er rán!”
O...., hafnfirðingar einu sinni enn.”
“Nú hvernig sjáið þið það?” spurði
annar ræninginn undrandi. “Þið sag-
ið alltaf vitlausan enda af haglabyss-
unum!”