Fjarðarpósturinn


Fjarðarpósturinn - 18.05.1995, Blaðsíða 1

Fjarðarpósturinn - 18.05.1995, Blaðsíða 1
FRETTABLAÐ HAFNRRÐINGA 18. tbl. 13. árg. 1995 Fimmtudagur 18. maí Verðkr. 100, Aðalbjörg styður sig við Jóhann G. Reynisson blaðamann sem skrifað hefur sögu hennar í Vikuna og Fjarð- arpóstinn. Með þeim er Mogens Markússon starfsmaður Fálkans. Myndina tók Hreinn Hreinsson. Aðalbjörg fékk hjjól Greinar um Aðalbjörgu Gunn- ardóttur, ellefu ára fatlaða stúlku í Vikunni og Fjarðarpóstinum vöktu mikla athygli. Meðal þeirra sem heilluðust af Aðalbjörgu og lífsgleði hennar þrátt fyrir mikla fötlun voru forráðamenn Fálkans. Brugðu þeir skjótt við eftir að hafa lesið hina athyglisverðu sögu þessarar ungu stúlku og gáfu Að- albjörgu splunkunýtt reiðhjól af gerðinni Wheeler. Kostagrip mik- inn með fána og drykkjarbrúsa og svo mætti áfram telja fylgihluti en auk þess fylgdi skærgul derhúfa. Af Aðalbjörgu er það að frétta að hún hefur nú gengist undir aðgerð á bogna fætinum til þess að rétta úr honum. Aðgerðin tókst mjög vel og vonandi verður lóðið sem var á vin- stri fótstigum eldri hjóla Aðalbjargar óþarft í framtíðinni. Vikan, Fjarðar- pósturinn og Fálkinn óska Aðal- björgu og fjölskyldu hennar alls góðs og velfarnaðar í framtíðinni. Stjórn St Jósefsspítala gengur á fund heilbrigðisráðherra Sérgrein lögð niður ef úrbætur fást ekki Stjórn St Jósefsspítala mun ganga á fund heilbrigðisráðherra á mánudaginn til að ræða mjög erf- iða rekstrarstöðu spítalans. Árni Sverrisson framkvæmdastjóri spítalans segir alveg klárt mál að ef úrbætur fáist ekki þurfi að leggja niður einhverja af sérgreinum spít- lans og draga þannig úr þjónustu hans við bæjarbúa. Hinsvegar hafi ekki verið teknar neinar ákvarð- anir um hvaða sérgrein verði lögð niður. í máli Árna kemur fram að um er að ræða uppsafnaðan rekstrarvanda upp á um 40 milljónir króna á síðustu fjórum árum. Þar að auki þurfi að leiðrétta árlegan rekstrargrundvöll um 10-15 milljónir króna. "Það er of snemmt að tjá sig um til hvaða aðgerða stjórnin muni grípa ef lausn fjnnst ekki á þessu vandamáli," segir Árni. "Við höfum haldið uppi víðtækri þjónustu og fyrir liggur að öllu óbreyttu að við verðum að þrengja þessa þjónustu og skera nið- ur. Það á svo eftir að leggja mat á hvaða sérgrein verður fyrir valinu og hvort við leggjum niður tvær ódýrar sérgreinar en ekki eina dýra. Við munum forgangsraða þáttum í starf- semi okkar miðað við hve mikill fjöldi fólks nýtir sér einstaka þætti og taka ákvarðanir í samræmi við það." Hluti af stærri vanda Vandi St Jósefsspítala er hluti af rekstrarvanda sjúkrahúsa almennt en hann er talinn á bilinu 6-700 milljón- ir kr. Það er ljóst að ef St Jósefsspít- ali þarf að skera niður sinn rekstur geta önnur sjúkrahús ekki mætt þeim niðurskurði með því að auka sína þjónustu eins og staðan er í dag. I máli Árna kemur fram hvað niðurskurð á St Jósefsspítala varðar að hann komi ekki til framkvæmda fyrr en í fyrsta lagi næsta haust. Fram að þeim tíma verði leitað allra lausna og reynt að koma í veg fyrir að draga þurfi úr þjónustunni. 0 Mikið úrval af hinutn vinsælu Itölsku XAMPOX skóm Mikið jti ^ t úrval af Skov/erslun fatnaðiá _. sanna mmmi Ifi Hafnarfjarðar Herramenn EnnUMENN

x

Fjarðarpósturinn

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Fjarðarpósturinn
https://timarit.is/publication/945

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.