Fjarðarpósturinn - 05.10.1995, Blaðsíða 3

FJARÐARPÓSTURINN 3
Ríkið segir upp sjúkraflutningum á höfuðborgarsvæðinu
Kippir grundvellinum und-
an rekstri slökkviliðsins
-segir Ingvar Viktorsson bæjarstjóri
Á hefðbundnum samráðsfundi
framkvæmdastjóra sveitarfélag-
anna á höfuðborgarsvæðinu sem
haldinn var í upphafi vikunnar á
A. Hansen var meðal annars rætt
um uppsögn ríkisins á samningum
um sjúkraflutninga á höfuðborg-
arsvæðinu. Ingvar Viktorsson
bæjarstjóri Hafnarfjarðar segir
að nái ætlun ríkisvaldsins fram að
ganga sé grundvellinum kippt
undan rekstri slökkviliðsins í
Hafnarfirði.
Fundir sem þessir eru haldnir í
hverjum mánuði en auk sjúkraflutn-
inga var m.a. fjallað um skattskil
borgaranna í kjölfar mikillar um-
ræðu um þau mál í Kópavogi, flutn-
ing grunnskóla frá ríki til sveitarfé-
laga og aðalfund Samtaka sveitarfé-
laga á höfuðborgarsvæðinu sem
haldinn verður um næstu helgi.
Ingvar Viktorsson segir að með
uppsögn samningsins um sjúkra-
flutninga ætli ríkisvaldið að reyna að
lækka kostnað sinn af þeim. Ríkið
greiðir nú um 100 milljónir króna
fyrir þessa flutninga til Reykjavíkur
og um 25 milljónir kr. til Hafnar-
fjarðar. “Á þessari spýtu hangir að
geta boðið upp á þjónustu hér í bæn-
um sem telst mjög góð. Þannig eru
fimm menn á vakt hjá slökkviliðinu
hér í Hafnarfirði til að annast þessi
mál,” segir Ingvar. “Ef ríkisvaldið
dregur úr fjárveitingu sinni verður
að fækka þeim. Það er ekki hægt að
ræða um sjúkraflutningana eina og
sér í þessu dæmi heldur verður að
taka slökkviliðið inn í þá mynd.”
í máli bæjarstjóra kemur einnig
fram að viðræður hafa verið í gangi
milli Hafnarfjarðar og Reykjavíkur
um sameiningu slökkviliðanna á
báðum stöðum eða aukið samstarf
þeirra í millum. Ingvar telur að þar
verði einnig að taka með þriðja
slökkviliðið, það er á Reykjavíkur-
fiugvelli.
Ríkisvaldið mun ætla að leggja
fram tillögur sínar í þessu máli á
næstunni en Ingvar segir ljóst að
ekkert verði gert á þessu ári og mál-
inu frestað fram á næsta ár. “Við telj-
um að þessi mál séu í ágætum far-
vegi eins og þau eru en sjálfsagt er
að skoða alla möguleika á samein-
ingu eða aukinni samvinnu milli
Hafnarfjarðar og Reykjavíkur,” seg-
ir Ingvar.
Fríður hópur framkvæmdastjóra sveitarfélaga af höfuðborgarsvæðinu ásamt bæjarriturum.
Aðalfundur SSH haldinn á laugardaginn
Flutningur grunnskólans
verður aðalmál fundarins
Aðalfundur Samtaka sveitarfé-
laga á höfuðborgarsvæðinu (SSH)
verður haldinn í Garðabæ á laug-
ardaginn 7. október. Aðalmál
fundarins að þessu sinni er fyrir-
hugaður flutningur grunnskólans
frá ríkinu og til sveitarfélaganna.
Af þessum sökutrt mun Björn
lijarnason menntamálaráðherra
ávarpa fundarmenn og alls verða
flutt fimm erindi um þetta málefni
á fundinum.
Önnur mál sem fjallað verður um
eru ferðaþjónusta fatlaðra, álögur
ríkisvaldsins á almenningssamgöng-
ur og fjárveitingar til löggæslu á höf-
uðborgarsvæðinu.
Fyrir fundinum liggur tillaga um
samstarf sveitarfélaga um verkefni
grunnskólans þar sem fram kemur að
vinnu við tillagna gerð á þessu vett-
vangi haldi áfram og nefnd sú sem
unnið hefur á vegum SSH á þessu ári
haldi þeirri vinnu áfram og skili af
sér hið fyrsta.
í greinargerð með tillögunni kem-
ur m.a. fram að fyrrgreind nefnd hef-
ur lagt fram drög að tillögum um fag-
legt samstarf sveitarfélagas á höfuð-
borgarsvæðinu og að þau drög hafa
verið send aðildarsveitarfélögum til
umsagnar.
Þeir sem flytja erindi á fundinum
um grunnskólann eru Hrólfur Kjart-
ansson formaður verkefnisstjómar
um flutning grunnskóla, Karl Bjöms-
son frá Sambandi íslenskra sveitarfé-
laga um tekjustofna og mat á kostn-
aði við flutninginn, Garðar Jónsson
einnig frá Sambandi íslenskra sveit-
arfélaga um hlutverk jöfnunarsjóðs,
Halldóra Magnúsdóttir fulltrúi
Skólastjórafélags íslands og Viktor
A. Guðlaugsson sem fjallar um nið-
urstöðu samráðshóps SSH um sam-
starf sveitarfélaga á höfuðborgar-
svæðinu.
Löggæsla
Fyrir aðalfundinum liggur tillaga
þess efnis að SSH skorar á alþingis-
menn Reykjavíkur- og Reykjanes-
kjördæma að beita sér fyrir auknum
fjárveitingum til löggæslu á höfuð-
borgarsvæðinu. Frá árinu 1989 hafi
íbúum á höfuðborgarsvæðinu fjölgað
um 8% en á sama tímabili hafa fjár-
veitingar til löggæslu dregist saman
um 15% að raungildi. Samhliða eru
svo gerðar auknar kröfur til lögreglu-
manna, verksvið þeirra víkkað og
tíðni afbrota hefur farið vaxandi.
í greinargerð með þessari tillögu
segir m.a.: “Tíðni afbrota, sérstak-
lega innbrota og þjófnaða hefur auk-
ist mikið á undanfömum árum. Sam-
kvæmt upplýsingum lögreglunnar
hefur tíðni innbrota aukist um 14%
og tíðni þjófnaða um 44% frá árinu
1989. Þessi mál em oft tengd vímu-
efnamálum sem gerir vandamálið
enn stærra en þessar tölur segja til
um. Þessi aukna tíðni afbrota hefur
leitt til þess að öryggiskennd al-
mennings á höfuðborgarsvæðinu
hefur farið minnkandi undanfarið.
Það er skylda stjómmálamanna að
halda þannig á málum að ekki sé
grafið undan öryggiskennd almenn-
ings og því ber þeim að bæta úr
þessu rnáli.
Fjárveitingar til löggæslu á höfuð-
borgarsvæðinu hafa lækkað að raun-
gildi um 100 milljónir kr. frá árinu
1989, úr tæpum 1,2 milljöðrum
króna í um 1,1 milljarð króna. Þetta
gerist á sama tíma og íbúum svæðis-
ins hefur fjölgað úr rúmlega 143 þús-
undum og í tæplega 157 þúsund.
Framlög til löggæslu pr. íbúa hafa
lækkað um 50% og starfandi lög-
reglumönnum hefur fækkað á undan-
fömum árum.”
Secret skútur Þyts
Siglingaklúbburinn
Þytur fær loks
land undir aðstöðu
Þytur, sem stofnaður var fyrir
tuttugu árum hefur undanfarin ár
ekki haft neina aðstöðu í bænum.
Klúbburinn hefur nokkru sinn-
um, í gegnum tíðina, fengið land
undir aðstöðu til bráðabirgða en
aldrei varanlega lóð og hefur það
háð honum mjög.
Nú hefur þó ræst úr, því nú nýver-
ið var siglingaklúbbnum Þyt úthlut-
uð lóð austan við Flensborgarhöfn-
ina, lóð sem að sögn Þytsmanna
hentar þeim mjög vel. Þytur telur nú
um 60 virka félagsmenn og í eigu
klúbbsins eru tvær 26 feta Secret
skútur, ein 21 feta Fönn og 17 feta
Way farer en auk þeirra eru fleiri
skútur í einkaeign félagsmanna.
Siglingaklúbburinn Þytur hefur átt
fulltrúa á flestum siglingamótum
sumarsins og hafa þeir staðið sig
mjög vel.
KERTA OG
GJAFAGALLERÍ
Kæru viðskiptavinir!
Við erum fluttar nokkra metra,
í stærra og bjartara húsnæði í Miðbæ.
Verið velkomin.
Miðbæ s. 565-0675
AKAI
FULLKOMIN ÞRIGGJA DISKA
SURROUND-HLJÓMTÆKI
Á AÐEINS KR. 49.900, "STGR
ÁÐUR KR. 64.900,-