Fjarðarpósturinn - 11.10.2007, Blaðsíða 7

Hafnarfjarðarkirkja 1Fimmtudagur 11. október 2007
HAFNARFJARÐARKIRKJA
ÞJÓÐKIRKJA Í ÞÍNA ÞÁGU
2. tbl. 2007, 28. árg. – Útgefandi: Hafnarfjarðarkirkja – Ritstjóri: Anna Ólafsdóttir – Ábm.: Gunnþór Þ. Ingason – Upplag: 5.000 eintök.
Með þessu fréttabréfi haustmisseris senda prestar, starfsfólk
og sóknarnefnd Hafnarfjarðarkirkju sóknarbörnum hennar
og öllum sem það lesa óskir um góðan vetur og Guðs ljós
og leiðsögn veginn fram.
Hafnarfjarðarkirkja endurnýjuð að innanverðu
Þeim sem líta inn í Hafnarfjarðarkirkju bregður óneitanlega
við það að sjá hvernig þar er nú umhorfs. Altari, kórgólf
prédikunarstóll, bekkir og gólf og Walcker orgelið stóra eru
horfin úr kirkjunni og grafið hefur verið niður í steyptan
grunn hennar. Jafnframt hefur lágreist bygging verið reist
aftan við kirkjuna. Þessar framkvæmdir vísa þó til góðs eins
því að þær fela í sér mikla og tímabæra endurnýjun innan
dyra í kirkjunni. Þessum framkvæmdum mun ljúka fyrir
fermingar á komandi vori.
Ný orgel
Svo sem kynnt hefur verið eru nú tvö orgel í smíðum fyrir
Hafnarfjarðarkirkju í Þýskalandi. 25 radda,,rómantískt”
orgel verður á orgellofti, sem heimsþekktur orgelsmiður
Christian Scheffler smíðar eftir forskrift höfuðsmiðs 19.
aldar orgela W. Sauer og 11 radda Barokk orgel verður
norðan megin innst í kirkjuskipinu sem Kristian Wegs­
cheider smíðar sem einnig er heimsþekktur sérfræðingur á
sínu sviði. Walcker orgelið sem var í kirkjunni er nú komið
til Póllands þar sem það verður endurbyggt og nýtt í pólsk­
um helgidómi. Þess er vænst að stærra hljóðfærið verði
komið í Hafnarfjarðarkirkju fyrir lok komandi árs og minna
hljóðfærið vorið eftir.
Sauer orgel 25 radda í þýskri kirkju.
Christian Scheffler sýnir Hirti Howser og Guðmundi Sigurðssyni
kantor hljómborð Sauer orgels.
Kantor, prestar og pólskur orgelsmiður sem vann að því að taka niður
Walcker orgel Hafnarfjarðarkirkju og flytja til Póllands.
Orgelsmiðirnir Kristian Wegscheider og Christian Scheffler handsala
við Sigurjón Pétursson formann sóknarnefndar samning um smíði
tveggja orgela í Hafnarfjarðarkirkju.