Fjarðarpósturinn - 28.09.2006, Blaðsíða 7

www.fjardarposturinn.is 7Fimmtudagur 28. september 2006
HAUKAR
Blað barna- og unglingaráðs knattspyrnudeildar
Blaðamaður náði tali af Frey
og spurði hvernig það legðist í
hann að koma til starfa hjá
Haukum?
Það leggst vel í mig.
Hvað leggur þú áherslu á í
þinni þjálfun?
Að gera einstaklinginn betri í
fótbolta en hann er.
Hvað skiptir mestu máli í
þjálfun ungs knattspyrnufólks
að þínu mati?
Að fyrstu kynni af íþróttinni
séu jákvæð, börnin séu
ánægð og líði vel, æfingarnar
séu leikrænar og skemmti-
legar, að börnin taki framför-
um og síðast en ekki síst að
æfingarnar veiti gott uppeldi
á t.d. góðu sjálfstrausti, aga,
virðingu og hvatningu.
Hvernig finnst þér aðstaðan
til æfinga hjá Haukum?
Hún er nokkuð góð en versti
óvinurinn okkar verður veðrið
þar sem flestar æfingarnar
eru úti yfir veturinn.
Freyr Sverrisson yfirþjálfari yngri flokka í fótbolta
Unglingalandsliðsþjálfari
til Hauka
Útgefandi: Knattspyrnudeild Hauka • Ábyrgðarmaður: Rósa Guðbjartsdóttir • Ritnefnd:Guðmundur Jónsson, Kristjan Ómar Björnsson, Rósa Guðbjartsdóttir.
Knattspyrnudeild Hauka hefur ráðið til sín Frey Sverrisson í fullt
starf við þjálfun yngri flokka félagsins. Freyr er einn reyndasti þjálf-
ari landsins og hefur í rúman áratug verið í fullu starfi sem þjálfari
yngri flokka Njarðvíkur við mjög góðan orðstír. Jafnframt hefur
Freyr unnið í mörg ár við þjálfun yngri landsliða Íslands og sinnt
ýmsum verkefnum á vegum KSÍ. Freyr mun áfram starfa sem þjálfari
U16 ára landsliðs Íslands samhliða þjálfuninni hjá Haukum.
Það er mikil lyftistöng fyrir knattspyrnudeildina og iðkendur hjá
Haukum að fá Frey til starfa, enda hefur hann verið eftirsóttur sl. ár
af mörgum fjölmennustu liðum landsins. Yngri flokkastarf Hauka
hefur verið endurskipulagt og í vetur munu tveir þjálfarar verða í
fullu starfi hjá félaginu. Vonir eru bundnar við að það muni skila
enn markvissari og betri þjálfun en áður.