Bræðrabandið - 01.07.1974, Blaðsíða 4
Bls. 4 -BRÆÐRABANDIÐ -6.-7.tbl.
flRSmDT /974
Ársmótið 1 ár verður haldió að Hlíðardalsskóla dagana
2.-5. ágúst n.k. en það er verzlunarmannahelgin. MÓtið
hefst með inngangssamkomu föstudagskvöldið 2. ágúst kl. 20.
Ferð er á föstudögum til Þorlákshafnar kl. 17:30 frá
Umferðamiðstöðinni í sambandi við ferð Herjólfs frá
Þorlákshöfn til Vestmannaeyja og er systkinum bent á þá
ferð, en tryggara er að panta far tímanlega á Umferöa-
miðstöðinni. Þáttöku í mótinu verður að tilkynna skrif-
stofunni Ingólfsstræti 21 fyrir 27. júlí.
Gestur mótsins verður J. T. Knopper frá London og
verður hann aðalræðumaður en innlendir starfsmenn munu
líka koma fram. Á hvíldardaginn verða fjölbreyttar samkomur.
Hvíldardagsskóli hefst kl. 9:45 og guðsþjónusta kl. 11.
Síðdegis veða tvær samkomur og ungmennasamkoma um kvökdið.
Allan sunnudaginn verða samkomur og kvöldvaka um kvöldið.
Samkomur verða einnig á mánudeginum. Lokasamkoman verður
þann dag kl. 4.
Þeir, sem gista þurfa að muna að skólinn leggur til
rúm og dýnur, en gestir verða að koma með lök, sængurver
og koddaver. Er þetta með sama hætti og veriö hefur.
Það er alltaf margt í þessum heimi sem rífur niður
og þvi megum við ekki láta þær stundir fram hjá okkur
fara ónýttar, þar sem við vitum að við getum uppbyggzt
andlega. Ársmótin eru undursamlegt tækifæri til and-.
legrar uppbyggingar, til að styrkjast fyrir baráttuna,
sem fram undan er. Systkinin eru því hvött til að
sækja vel allt mótið.
(framhald á næstu blaðsíöu.)
Ritstjóri og ábyrgðarmaður: Sigurður Bjarnason
Útgefendur: Aðventistar á íslandi