Fréttatíminn - 16.08.2013, Blaðsíða 26

R annsóknir sýna að andar-dráttur og hjartsláttur er jafnari þegar börn finna fyr-
ir nærveru foreldra sinna,“ segir
Eyrún Eggertsdóttir, tveggja barna
móðir og frumkvöðull með B.A. í
sálfræði sem hefur stofnað fyrir-
tækið Róró. Framleiðsla er hafin
á dúkkum sem gefa frá sér andar-
dráttar- og hjartsláttarhljóð sem
hafa róandi áhrif á ungbörn, hjálpar
þeim með svefn og veitir þeim ör-
yggi. Hugmyndina hafði hún verið
með í mörg ár en fór ekki að vinna
með hana fyrr en hún hafði sett sér
það markmið að verða frumkvöðull.
Eyrún segir að niðurstöður rann-
sókna bendi til þess að ungbörnum
með jafnari andardrátt og hjartslátt
líði almennt betur, þau hvílist betur
og sofi lengur og allur taugaþroski
eflist. Þessir þættir hafa aftur góð
áhrif á móður og föður. „Ég hef
áhuga á að auka vellíðan fólks. Það
er mjög mikilvægt að við látum
börnum okkar líða vel og látum okk-
ur sjálfum líða vel en móðir náttúra
veit best,“ segir Eyrún.
Markmiðið að verða frumkvöðull
„Ég var með lítið barn, maðurinn
minn nýbyrjaður í námi og mig
vantaði eitthvað markmið. Síðar var
ég stödd í brúðkaupi og sá mann
sem mér fannst ótrúlega heillandi,
glaður, skapandi og frjáls. Síðar
kom í ljós að hann var frumkvöð-
ull. Þá ákvað ég að ég ætlaði að vera
frumkvöðull,“ segir Eyrún.
„Ég fæ oft alls konar hugmyndir
en ég fann að það var eitthvað við
þessa. Ég hafði lært um þessi mál
í þroskasálfræði, lesið fjöldi rann-
sókna um áhrif hjartsláttar og and-
ardráttar á börn, og þá spurði ég
sjálfa mig, af hverju bý ég ekki eitt-
hvað svona til?“ segir Eyrún.
Eyrún segir að margir mismun-
andi þættir hafi komið saman sem
hvöttu hana til þess að láta hug-
myndina verða að veruleika. „Og
það síðasta sem ýtti þessu af stað
var þegar vinkona mín eignaðist
fyrirbura, og ég varð vitni að því
hversu erfið upplifun það getur
verið og fékk þá mjög mikla þörf
fyrir því að koma þessari hugmynd
í framkvæmd,“ segir Eyrún.
Eyrún gerði sér grein fyrir því að
hana vantaði ýmsa praktíska þekk-
ingu eins og hvernig ætti að mark-
aðssetja vöru, búa til viðskiptaáætl-
un, hanna vöruna og fleira. En hún
lét það ekki stoppa sig og fór á nám-
skeið hjá Hugmyndahúsi háskól-
anna. „Ég var með pínulítið barn
með mér bundið utan á mér og tal-
aði um það hvað nærvera hafði góð
áhrif á lítil börn og það gekk vel að
sannfæra alla um það,“ segir Eyrún
og hlær. Eyrún segir það hafi verið
mikill styrkur í því að geta farið í
Hugmyndahúsið en í framhaldinu
af því tók hún þátt í Gullegginu 2011
sem hún vann. „Þegar maður er að
stíga sín fyrstu skref í frumkvöðla-
starfi skiptir mjög miklu máli að efla
sjálfstraustið,“ segir Eyrún.
Nærveran mikilvæg
Óformlegar prófanir hjá foreldrum
með ungabörn eru byrjaðar og segir
Eyrún að þær gangi vel og að við-
brögð foreldra séu jákvæð. Hug-
myndin hafi alltaf verið sú að hanna
litla dúkku og seinna stærri dúkku
fyrir eldri börn. „Hjá þeim sem hafa
verið að prófa frumgerðina verður
það oft þannig að eldra systkinið
vill prófa og hafa dúkkuna. Ég hef
líka fengið margar fyrirspurnir um
dúkkuna frá foreldrum eldri barna,
en mörg börn á leikskólaaldri þurfa
að takast á við nýjar áskoranir í
tengslum við svefn eins og að læra
að sofna sjálf, fara í eigið herbergi,
fara í næturpössun og fleira. Einn-
ig hafi foreldrar barna sem greind
eru með ADHD og einhverfu sýnt
dúkkunni mikinn áhuga en börn
með slíkar greiningar eiga oft erfitt
með svefn og að róa sig sjálf,“ seg-
ir Eyrún. Segir hún að ef foreldrar
skynja að barninu sínu líði betur og
þeim líður vel með að nota dúkkuna
sé eitthvað raunverulega jákvætt að
gerast.
Eyrún ráðfærði sig við sér-
fræðinga á Landspítalanum og nú
er rannsókn í undirbúningi til að
kanna þær innri breytur sem ekki
eru sýnilegar, hjartslátt og andar-
drátt ungabarna. Áætlað er að rann-
sóknin fari fram á vökudeildinni
og verði dúkkan lögð hjá stærstu
fyrir burunum og þeim börnum sem
koma inn á vökudeildina. Þá munu
ungbörn sofa með dúkkuna í eina
nótt og svo án hennar næstu nótt
og kannað hvort einhver munur sé
á andardrætti og hjartslætti. „Hug-
myndin er að gera þessa forrann-
sókn og endurtaka svo rannsóknina
í öðrum löndum,“ segir Eyrún.
Langt farið á jákvæðninni
Eyrún stefnir á að byrja að selja
dúkkurnar heima á Íslandi og fara
svo í markaðssetningu á netinu og
einbeita sér þá að Evrópumarkaði
og síðar Bandaríkjunum. Segir hún
að því miður ekki hafi verið raun-
hæft að láta framleiða dúkkurnar
á Íslandi á þessu stigi. „Svo er ég æ
betur að komast að því að ég þarf
að takmarka mig við þá getu sem
ég hef núna og hvað er raunhæft að
gera,“ segir Eyrún. „Ég hef mjög
gaman af því að vera í fjölbreyttri
vinnu, taka vinnutarnir og hitta
mikið af fólki en stundum getur
frumkvöðlavinna líka verið erfið.
Ég var mjög bjartsýn þegar ég fékk
hugmyndina en ég vissi ekki að ferl-
ið myndi taka svona langan tíma.
Maður fer rosalega langt á jákvæðn-
inni og bjartsýninni,“ segir Eyrún.
María Elísabet Pallé
maria@frettatiminn.is
Ung móðir varð frumkvöðull þegar hún ákvað að láta hugmynd sem hún fékk í sálfræðinámi sínu
verða að veruleika. Eyrún Eggertsdóttir hefur hafið framleiðslu á dúkkum sem gefa frá sér hjart-
sláttar- og öndunarhljóð og hafa róandi áhrif á ungbörn. Prófanir hafa gengið vel og innan tíðar
verður dúkkan til sölu á Íslandi og á netinu.
Hannar dúkkur
sem róa ungbörn
Galieve Cool Mint mixtúra, dreifa /skammtapoki / Galieve Peppermint tuggutöflur.. Innihaldslýsing:
Hver 10 ml skammtur af Galieve Cool Mint inniheldur 500 mg af natríumalgínati, 267 mg af
natríumhýdrógenkarbónati og 160 mg af kalsíumkarbónati. Hver tafla Galieve Peppermint
inniheldur: 250 mg af natríumalgínati, 133,5 mg af natríumhýdrógenkarbónati og 80 mg af
kalsíumkarbónati. Ábendingar: Meðferð við einkennum maga- og vélindabakflæðis, svo sem nábít
(sýrubakflæði), brjóstsviða og meltingartruflunum (tengdum bakflæði), t.d. eftir máltíðir eða á
meðgöngu. Skammtar og lyfjagjöf: Galieve Cool Mint mixtúra: Til inntöku. Fullorðnir og börn 12 ára
og eldri: 10-20 ml (eða 1-2 skammtapokar) eftir máltíðir og þegar farið er að sofa (allt að fjórum
sinnum á dag). Galieve Peppermint tuggutöflur: Til inntöku, eftir að hafa verið tuggin vandlega.
Fullorðnir og börn 12 ára og eldri: Tvær til fjórar töflur eftir máltíðir og þegar farið er að sofa (allt að
fjórum sinnum á sólarhring). Frábendingar: Ekki má nota lyfið hjá sjúklingum með þekkt ofnæmi fyrir
virku efnunum eða einhverju hjálparefnanna, eða ef grunur er um slíkt. Sérstök varnaðarorð og
varúðarreglur við notkun: Galieve inniheldur natríum. Þetta þarf að hafa í huga þegar þörf er á mjög
saltsnauðu fæði, t.d. í sumum tilvikum hjartabilunar og skerðingar á nýrnastarfsemi. Galieve
inniheldur kalsíumkarbónat. Gæta þarf varúðar við meðferð sjúklinga með blóðkalsíumhækkun,
nýrnakölkun og endurtekna nýrnasteina sem innihalda kalsíum. Verkun er hugsanlega skert hjá
sjúklingum með mjög lága þéttni magasýru. Ef einkenni batna ekki eftir sjö daga, skal endurmeta
klínískt ástand. Yfirleitt er ekki mælt með meðferð hjá börnum yngri en 12 ára, nema samkvæmt
læknisráði. Galieve Cool Mint mixtúra/skammtapokar inniheldur metýlparahýdroxýbenzóat (E218)
og própýlparahýdroxýbenzóat (E216) sem geta valdið ofnæmisviðbrögðum (hugsanlega
síðbúnum). Galieve Peppermint tuggutöflur má ekki gefa sjúklingum með fenýlketónmigu, þar sem
þær innihalda aspartam.. Lesið leiðbeiningar á umbúðum og í fylgiseðli fyrir notkun. Geymið þar
sem börn hvorki ná til né sjá. Markaðsleyfishafi: Reckitt Benckiser Healthcare A/S. Umboð á Íslandi:
Artasan ehf., Suðurhrauni 12a, 210 Garðabæ.
1. V Strugala er. Al. The journal of international medical research, vol 38 (2010) A randomized,
Controlled, Crossover trial to Investigae Times of onset of the perception of soothing and cooling
by Over-the-Counter Heartburn Treatments.
2. B.Chevrel, MD. Journal of International Medical Research, vol 8 (1980) A comparative Cross-over
Study on the Treatment of heartburn and Epigastric Pain; Liquid Gaviscone and Magnesium-
Aluminum Antacid Gel.
Ert þú með
brjóstsviða?
• Dregur úr brjóstsviða á 3 mínútum 1
• Virkar í allt að 4 tíma 2
Mixtúra Cool Mint 300 ml
Mixtúra með Cool Mint bragði og lykt.
Galieve Peppermint
Tuggutöflur með piparmintu bragði
26 viðtal Helgin 16.-18. ágúst 2013