Fréttatíminn - 16.11.2012, Qupperneq 68

68 bjór Helgin 16.-18. nóvember 2012
Jólabjórarnir þrettán
Hjá börnunum byrja jólin fyrir alvöru þegar Stekkjarstaur staulast í bæinn; sá fyrsti af þrettán
bræðrum. Hjá bjórþyrstum foreldrum þeirra (líklega þó mest hjá bjórþyrstum pöbbum) byrja
jólin hins vegar þegar jólabjórinn kemur í sölu sem er orðinn árviss viðburður 15. nóvember. Það
er líka orðinn árviss viðburður í Fréttatímanum að sjálfskipaðir bjórnördar og félagar í Fágun,
félagi áhugamanna um gerjun, setjist á háan hest og dæmir hvur þeirra 13 jólabjóra sem keppa
í ár um það hver hljóti titilinn Besti jólabjórinn.
Giljagaur Barley wine
nr. 14
10%
33 cl. 636 kr.
Ummæli dómnefndar:
Þetta er partí í einni flösku,
Þótt hann sé 10% er lítið
alkóhól í bragði og lykt.
Þetta er bjórperraparadís
enda kannski meiri bjór
fyrir áhugamenn um bjór
en hinn almenna neytanda
og enginn drekkur marga svona í röð en
hann kallar á ísbjarnarfeld við arineld. Ekta
jólastemning með villibráðapaté-inu.
95%
DómnefnD
einstök Icelandic
Doppelbock
6,7%
33 cl. 429 kr
Ummæli dómnefndar:
Einstök jólastemning í þessum.
Hann er fallegur með ferskri
en þó lítilli lykt með keim af
citrus eða greipi. Sætur og
skemmtilegur og mjúkur í
munni. Spennandi maltbragð
og mikil fylling í flottu jafnvægi
sem passar alveg við stílinn. Hann er það sem
hann reynir að vera. Líklega besti bjórinn frá
Einstök.
93%
DómnefnD
Viking Jóla Bock
6,2%
33 cl. 409 kr
Ummæli dómnefndar:
Mikil og drungaleg lykt
með sætum keim. Fal-
legur á litinn og bragðið
fyllir út í allan munninn.
Það er hellingur af jólum
í þessum. Léttari og þar
af leiðandi þægilegri
og mýkri en í fyrra sem
hentar betur fyrir hinn almenna neytanda.
90%
DómnefnD
mikkeller Hoppy
Lovin' Christmas
7,8%
33 cl. 889 kr
Ummæli dómnefndar:
Þetta er bjór fyrir alvöru
bjórnörda sérstaklega þá
sem elska IPA bjóra og
eru með humlablæti. Ekki
sérlega jólalegur, eiginlega
meira sumarlegur., vel
gerður og sérstæður, góður
fyrir unnendur sérstakra bjóra.
Hann er ljós með væminni lykt sem minnir
á frómas með ananas. Mjúkur í fínu jafn-
vægi og mikið engifer í bragði.
84%
DómnefnD
Steðji Jólabjór
5,3%
33 cl. 357 kr
Ummæli dómnefndar:
Mikil lakkríslykt og jafnvel
smá fjósalykt. Mikill lakkrís í
bragði sem er betra en lyktin
gefur til kynna. Hann sker
sig úr og það er öðruvísi að
fá svona mikinn lakkrís sem
hentar kannski best þeim
sem vilja fá sér sætan mola
eftir jólamatinn. Bjórinn vinnur á eftir því
sem meira er drukkið en er samt svona eins
og krakki með athyglisbrest og fer sínar
eigin leiðir.
82%
DómnefnD
Kaldi Jólabjór
5,4%
33 cl. 388 kr
Ummæli dómnefndar:
Appelsín í lykt sem þarf
aðeins að rembast við að
finna. Bragðið er ljúft með
smá appelsínukenndri
beiskju og eins og við var
að búast af Kalda eru engin
læti eða byltingar í gangi.
Þessi keppir í fjöldasölu og
er kannski ekki beint fyrir bjórnördana en
er jólalegur og það er stemning að drekka
hann. Hentar vel í jólaboðin
og á eftir að hitta í mark.
82%
DómnefnD
Gæðingur Jólabjór
5%
33 cl. 398 kr
Ummæli dómnefndar:
Appelsín og eilítið alkóhól
í lyktinni sem og negull
og jafnvel engifer. Brennt
bragð eins og brenndur
jólagrautur sem dregur
hann niður en hann kemur
þó á óvart og er meira en
maður á von á og greinilega
metnaðarfullur bjór.
77%
DómnefnD
föroya Bjór Jóla-
bryggj
5,8%
33 cl. 368 kr
Ummæli dómnefndar:
Hann er voðalega ljós og
það er ger í lyktinni. Hann
er kannski fullmikið eins
og venjulegur lager og
það vantar smá jól í hann.
Hann hefur þó smá sætu
og er auðdrekkanlegur og
bragðgóður. Bjór fyrir þá sem vilja vera
með jólabjór í hendi en ekki í munni.
77%
DómnefnD
Ölvisholt Brugghús
Jólabjór
5%
33 cl. 439 kr
Ummæli dómnefndar:
Mikið kryddaður í lyktinni
eins og appelsína skreytt
með negulnöglum. Bragðið
bregst þó lyktinni sem skilar
ekki kryddinu en er þó alls
ekki slæmt. Hér eru þó engar
öfgar á ferð og bjórinn er léttur með ristuðu
eftirbragði. Þetta er bjór fyrir þá sem vilja
prófa að vera með í jólastemningunni en
kjósa léttan bjór.
74%
DómnefnD
egils malt Jólabjór
5,6%
33 cl. 349 kr
Ummæli dómnefndar:
Sæta og maís í lyktinni og
eðlilega smá malt extrakt
líka. Það er minna bragð af
honum en venjulegu Malti
sem er jákvætt fyrir bjórinn.
Hann er mjúkur og rennur
vel. Hann vinnur á en vantar
eitthvað afgerandi, sætur
enn ekki um of. Það er vel hægt að sötra
þennan.
70%
DómnefnD
Tuborg Christmas
Brew
5,6%
33 cl. 379 kr
Ummæli dómnefndar:
Bragðið er skemmtilegra en
lyktin og með pínu kaffikeim
og beiskju auk karamellu.
Eftirbragðið er gott og
bragðmikið. Það er þó örlítið
málmbragð af gerinu í honum
sem dregur hann niður en þetta er samt
sami gamli góði Tuborg jólabjórinn, afi
jólabjóranna, og það er svo sannarlega
stemning af hafa hann í ríkinu.
63%
DómnefnD
Víking Jólabjór
5%
33 cl. 309 kr
Ummæli dómnefndar:
Smá karamella og jafnvel
korn í mildri lyktinni. Hann
ryðst ekkert inn á sviðið
en er þó fallegur á litinn,
rafgullinn eins og þeir segja
í ríkinu. Ekkert sem tengir
sérstaklega við jólin, í mesta
lagi litlu jólin. Bjór fyrir fjöldann.
60%
DómnefnD
Jólagull
5,2%
33 cl. 339 kr
Ummæli dómnefndar:
Lyktin er döpur og bjórinn er
vatnskenndur. Það jákvæða
við þennan bjór er að hann
lítur ágætlega út, liturinn er
fallegur en það er ekki hægt
að bæta miklu við það. Það
er ekki mjög freistandi að fá
sé annan sopa en þegar allt kemur til alls
sleppur þetta fyrir horn en það er ekki hægt
að segja að jólin séu komin.
50%
DómnefnD
Hrafnkell
Freyr Magnússon
30 ára eigandi brugg-
verslunarinnar brew.is.
Meðlimur í Fágun í rúm 2 ár en
hefur bruggað sjálfur í 3 ár.
Vel súrir belgískir La mbic
bjórar eru í uppáhaldi
þessa dagana.
Viðar
Hrafn Stein-
grímsson 39 ára
kennari úr Hafnarfirði.
Hefur bruggað í rúm 2 ár
og verið meðlimur í Fágun
jafnlengi. Viðar heldur
mest upp á bitter-
bjóra.
Bjarki
Þór Hauks-
son 23 ára nemi.
Hefur bruggað í 3 ár
en verið í Fágun í 2 ár.
Uppáhaldsbjórstíll
Bjarka er Imperial
IPA.
Rúnar Ingi
Hannah 42 ára
úrsmiður og starfsmaður
Isavia. Hefur verið með-
limur í Fágun í tæp 2 ár og
hefur bruggað jafnlengi.
Skoskt öl er uppáhalds
bjórstíll Rúnars.
SIGURVEGARI
BESTUR FYRIR FJÖLDANN
Teitur Jónasson og Kristinn Grétarsson
matur@frettatiminn.is