Fréttatíminn - 16.11.2012, Síða 81

 Bíódómur Argo
Látlaus stórmynd af
gamla skólanum
Árið 1979 fékk almenningur í Íran
sig fullsaddan af gjálífi keisarans
Reza Pahlavi sem lifði, sem leppur
stjórnvalda í Bandaríkjunum, í
vellystingum á meðan þjóðin svalt.
Fólkið gerði byltingu og réðist
til inngöngu í sendiráð Banda-
ríkjanna. Í Argo segir leikstjórinn,
Ben Affleck, frá djarfri tilraun CIA
til þess að koma sex starfsmönn-
um sendiráðsins úr landi en fólkið
slapp úr sendiráðinu og fór huldu
höfði á heimili sendiherra Kanada.
Eftir mikið japl, jamm og fuður
var ákveðið að senda einn mann til
Írans undir því yfirskyni að hann
væri að leita að tökustöðum fyrir
geimmynd í anda Star Wars og
hann tæki síðan sexmenningana
með sér heim með flugi sem hluta
af framleiðsluliðinu.
Ben Affleck sýndi með mynd-
unum Gone Baby Gone og The
Town að hann er flinkur leikstjóri
og með Argo festir hann sig í sessi
sem einn vandvirkasti leikstjóri
sinnar kynslóðar. Hann rekur
söguna um björgunarleiðangur-
inn af mikilli natni og virðingu
fyrir öllum smáatriðum þannig að
áhorfandanum er kippt aftur til
ársins 1979.
Argo er spennumynd af
gamla skólanum. Hér er ekkert
um byssugelt, sprengingar og
slíkan hasar en jafnt og þétt hleðst
spennan upp og Affleck stígur
hvergi feilspor í markvissri upp-
byggingu myndarinnar sem ríg-
heldur fram á síðustu mínútu.
Frábær leikur þungavigtar-
manna í bransanum geirneglir síð-
an þessa öndvegismynd. Affleck,
sem er æði mistækur leikari,
stendur sig með prýði í hlutverki
útsendarans sem gerður er út af
örkinni. Til þess að gera lygasög-
una um kvikmyndaleiðangurinn
trúverðuga þurfti CIA beinlínis að
fjármagna kvikmynd sem aldrei
yrði gerð og Affleck fær því til liðs
við sig reyndan förðunarmeistara
sem John Goodman leikur og
sjóaðan framleiðanda sem Alan
Arkin túlkar. Þessir tveir eru í
fantaformi og eiga margar dásam-
legustu senur myndarinnar. Unun
að horfa á þessar kempur í slíku
stuði.
Bryan Cranston (Breaking Bad)
klikkar svo ekki frekar en fyrri
daginn og er fantagóður sem yfir-
maður Afflecks.
Argo er ein af þessum sjaldséðu
myndum þar sem allt smellur
saman þannig að maður getur
ekki annað en fyllst þakklæti fyrir
að í Hollywood leggi menn sig enn
fram við kvikmyndagerð af jafn
miklum metnaði og raun ber vitni
hér.
Þórarinn Þórarinsson
toti@frettatiminn.is
bíó 81Helgin 16.-18. nóvember 2012
Frábær leikur
þungavigtarmanna
í bransanum geir-
neglir síðna þessa
öndvegismynd.
69%
... kvenna á
höfuðborgar-
svæðinu
lesa Fréttatímann*
*konur 25 – 80 ára
á höfuðborgarsvæðinu.
Capacent júlí-sept. 2012