Læknablaðið - 01.01.1931, Síða 35
LÆKNABLAÐIÐ
29
5. — Formenn læknaráðs héraÖanna eiga sæti í landsráði lœkna. Það
hefir heimilisfang í Briissel. Það kýs sér forseta og varaforseta.
8. og 9. — Akvæöi um starfssvið læknaráða héraðanna og landsráðsins.
JTafa þau dómsvald í öllum brotum gegn codex ethicus og allri framkomu
lækna og skottulækna við almenning, — að fráskildum fjármálum.
10. — Ráðin hafa vald til þess að gefa læknum áminningu, fyrirskijja
hversu þeir skuli haga sér og ávíta þá, ef þörf gerist. Landsráðið hefir
vald til þess að svifta lækni lækningaleyfi í eitt ár og jafnvel að fullu
og öllu, ef miklar sakir eru.
11. — Hegningar þær, sem taldar eru í 10 gr., má ekki leggja á lækni,
nema honum hafi verið gefið tækifæri til þess að verja mál sitt, og mæti
hann ekki í fyrsta sinn, skal honum gefinn 15 daga frestur. Veita má hon-
um 15 daga frest, til þess að semja málsvörn, og heimilt skal honum að
njóta aðstoðar ráðunauts.
13. — Afrýja má áminningum og öðrum hegningarákvæðum, ef gert er
innan 8 d. Landsráðið dæmir um ávítur, „Court of Appeal“ um sviftingu
á læknisleyfi.
Þetta eru þá meginatriðin. Heilbrigðisstjórn Belga hefir óskað þess, að
koma á fót föstu eftirliti með læknum (o. fl.), en sér, sem rétt er, að
það er ekki á annara færi en lækna. Eins og hér er búið um hnútana,
má gera ráð fyrir því, að eftirlitið verði bæði gott og réttlátt, því Belgir
hafa mörgum góðum og reyndum mönnum á aö skipa.
Þessi hugsunarháttur er svo gagnólíkur því, sem hér gerist hjá heil-
brigðisstjórninni, að öll ástæða er til þess að veita honum eftirtekt. (J. Am.
med. Ass. Oct. 4. '30). G. H.
P. S. Til fróðleiks má geta þess, að drotning Belga er læknir.
Yafningarnir við alþýðutryggingarnar.
Englendingar hafa nú gert sér það ljóst, að læknar geta ekki reist rönd
við allskonar misbrúkun á tryggingarlögunum. Þeir hafa því skipað eftir-
litslækna utn land alt. Hefir það reynst svo, að 2/ af sumum tegundum
styrkþega eiga engan styrk skilið! (J. Am. med. Ass. Oct. 10. '30). 1
Stethoscopia milli heimsálfa
var reynd nýlega (milli Buenos Aires og Madrid), bæði með talsíma
og þráðlaust. Sjúkl. var í Buenos Aires, en Madridarlæknar heyrðu bæði
hjartahljóö og öndun og ákváðu sjúkdóminn hárrétt. — Þetta hefði ein-
hvera tíma þótt lýginni líkast. (J. Am. med. Ass. Oct. 25. '30).
Skipulag á læknakenslu í Iíína.
Kínverjar eru teknir aö aðhyllast nútíma læknavísindi, og leita á síðari
árum frekar þeirra lækna, sem hlotið hafa mentun sína í erlendum há-
skólum, heldur en heimalærðu skottulæknanna. íhúar landsins eru um 400
miljónir, en lærðir læknar aðeins um 4 þúsund. Svo má heita, að allir vís-
indalega mentaðir læknar hafi lært í Evrópu eða Ameriku.
Nú vill stjórnin í Kína koma á fót heima fyrir læknakenslu með Ev-
rópusniði, og hefir farið þess á leit við Alþjóðabandalagið, að þeim yrði
vísað á ráðunaut í þessum efnum. Á hann að leiðbeina nefnd, er kínverska
stjórnin hefir skipað, til þess að gera tillögur um læknamentunina. Alþjóða-