Kraftur - 01.05.2011, Blaðsíða 7
KRAFTUR 7
Ég verð að viðurkenna að ég var nokkuð stressuð í upphafi enda mikið búin
að breytast bæði líkamlega og hvað varðar sjálfsöryggi mitt eftir að hafa farið
í gegnum lyfjameðferðina. Ég er búin að bæta á mig mörgum kílóum og finnst
ég ekkert voðalega kvenleg. En ákvað samt sem áður að láta slag standa,
enda ekkert nema fagmenn sem komu að þessu verkefni og ekki amalegt að
fá stílista til þess að segja manni til og ég gæti án efa lært eitthvað. Jafnvel
rekist á kvenleika minn í einhverri búðinni :)
Það sem kom mér hvað mest á óvart var hvað þetta var ótrúlega skemmtilegt verkefni og hvað ég get í raun gert sjálf
til þess að vera kvenlegri í klæðnaði og hvernig ég get málað mig og „sett“ á mig augabrúnir og laðað fram mína
andlitsdrætti. Eins verð ég að taka fram hvað það var ótrúleg upplifun hvað allir voru að nostra við mann og hvað allir
voru fúsir til þess að hjálpa og gleðja mig. Ég fékk að „eiga“ daginn. Minn eigin prinsessudag. Haffi var algjörlega
meiriháttar og kenndi mér margt og gaf mér fullt af frábærum ábendingum um hvað færi mér vel og hvað ég ætti
að forðast þegar kæmi að því að velja mér klæðnað. Svo lagði hann sig ótrúlega mikið fram við að láta mér líða vel
og upplifa daginn til hins ítrasta, byggja upp sjálfstraust mitt og laða fram mínar sterku hliðar. Vil ég koma á framfæri
kærum þökkum fyrir tækifærið fyrir að fá að vera með í þessu verkefni og fyrir magnaðan dag sem ég á í hjarta mér
sem dásamlega minningu og í huga mér lærdómur sem ég get nýtt mér áfram í framtíðinni.
BREYTT ÚTLIT
Bara glæsileg hún Nilla. Bara flott hjá honum Haffa.
Ný sköpuð fyrirsæta.
Pínulítið rokk.Brugðið á leik.Náttúrulegfegurð.
Bolur, 1.790 kr. Vera Moda
Hálsmen, 7.490 kr. Friis & Company
Hálsmen, 7.490 kr. Friis & Company Leðurjakki, 54.991 kr. Kello
Buxur, 8.995 kr. Evans
Skór, 24.995 kr. Kaupfélagið
Nilsína:
Nilsína: