Kraftur - 01.05.2011, Blaðsíða 17
KRAFTUR 17
SVÖLURNAR GÁFU 300.000 KR.
Svölurnar er félag fyrrverandi og núverandi flugfreyja og flugþjóna en tilgangur þess er
að viðhalda tengslum sín á milli. Það er þó einnig markmið félagsins að vinna að auknum
skilningi á málefnum þeirra sem minna mega sín í þjóðfélaginu og reyna að aðstoða þá með
fjárframlögum eða á annan hátt eftir því sem fjárhagur félagsins leyfir. Í ár veittu þær Krafti
300.000 kr. styrk. Þakkar Kraftur hlýhug Svalanna.
HUGARFAR SIGUR-
VEGARANS
Sigurður Ragnar Eyjólfsson, landsliðsþjálfari kvenna í knattspyrnu,
kom í heimsókn til Krafts og sagði frá mikilvægi þess að eiga sér
draum. Hann sagði að það þyrfti að búa sér leið til að ná markmiðum
sínum og fylgja leiðinni eftir til þess að ná árangri. Til þess þyrfti að
nálgast verkefni á ákveðinn hátt og lýsti hann meðal annars hugarfari
afreksfólks og sigurvegarans.
LÆKNANEMAR
STYÐJA KRAFT
Lýðheilsufélag læknanema hefur það markmið að stuðla að bættri
lýðheilsu og heilsuvitund Íslendinga með áherslu á háskólasamfélagið.
Það stendur árlega fyrir blóðgjafamánuði í mars í Háskóla Íslands en
tilgangur átaksins er að fá nýja blóðgjafa í Blóðbankann. Í ár ákvað
Vodafone að hjálpa stúdentum að gera tvöfalt góðverk en fyrir hverja
blóðgjöf styrkti fyrirtækið Kraft um 500 kr. Alls safnaðist 160.000
kr. Kraftur þakkar bæði Lýðheilsufélagi læknanema og Vodafone
fyrir stuðninginn.
FRÆÐANDI
VÍSINDAFERÐIR
Kraftur hefur undanfarin ár boðið háskólanemum í svokallaðar
vísindaferðir og hafa þær ávallt verið vel sóttar. Lögð hefur verið
áhersla á að bjóða nemendum í heilbrigðisfræðum en á síðasta ári
komu sálfræðinemar, nemar í sjúkraþjálfun og hjúkrunarfræðinemar.
Í haust munu svo heimsækja Kraft læknanemar á lokaári en
hugmyndin er einmitt að fá nema í þessum fræðum til okkar til
skiptis.
Tilgangurinn með þessum vísindaferður er að fræða þau um gildi og
áhrif stuðnings við fólk með krabbamein. Þau fá að heyra frá fyrstu
hendi hvernig Kraftsfélagi nýtti sér stuðning og hvaða áhrif hann
hafði. Einnig fáum við fagmannesku úr þeirra röðum eins og Gyðu,
sem er okkar sálfræðingur, og með Phd í sálfræði og Lukku sem er
sjúkraþjálfari með reynslu af umönnun krabbameinssjúklinga. Þá
höfum við við kallað til fagaðila sem vinna með krabbameinsgreindum
úr þeirra atvinnugrein en sem dæmi má nefna þá fengum við
Berglindi frá Karitas þegar hjúkrunarfræðinemarnir komu til okkar.
FÓLK