Bændablaðið - 03.10.2013, Síða 1

19. tölublað 2013 Fimmtudagur 3. október Blað nr. 404 19. árg. Upplag 65.000
Sauðfé á Íslandi hefur fækkað
um ríflega 350 þúsund á rúmlega
þrjátíu árum, frá 1980, samkvæmt
tölum Hagstofu Íslands. Hrossum
hefur aftur á móti fjölgað um
25 þúsund á sama tímabili og
nautgripum hefur fjölgað um
nærri 11.500.
Íslendingar álíka margir og
hænurnar í landinu

Alifuglar eru hins vegar álíka margir
nú og árið 1980, um 322 þúsund. Á
sama tímabili hefur íbúum landsins
fjölgað um nærri 95 þúsund, úr
226.948 árið 1980 í 321.857 í janúar
2013, sem er þá svipaður fjöldi og
hænsnastofninn í landinu.
Þá hefur svínastofninn tvöfaldast
og hefur gyltum og göltum fjölgað
úr 1.553 dýrum árið 1980 í 3.643
dýr í fyrra.
Á árinu 1980 taldist sauðfé á
Íslandi vera samtals 827.927, en
fækkaði mikið fram til 1990 þegar
talan var komin í 548.508. Sauðfé hélt
enn áfram að fækka fram til ársins
2000, eða í 465.777. Síðan hefur
fjöldinn haldist nokkuð í horfinu en
með einhverjum sveiflum á milli ára.
Þannig var sauðfé 479.841 í árslok
2010. Samkvæmt nýjustu tölum sem
nú liggja fyrir frá Matvælastofnun
(MAST) fyrir árið 2012 var sauðfé
í fyrra 476.262 talsins. Það er ríflega
350 þúsund færra en árið 1980.
Hrossastofninn stækkaði
um þriðjung
Þróunin hefur verið þveröfug hvað
hrossaeign varðar, en mesta stökkið
var á milli áranna 1980 til 1990. Þá
fjölgaði hrossum úr 52.346 í 71.693.
Síðan hefur heldur fjölgað í stofninum
og voru 77.380 hross á Íslandi árið
2012, eða um 25 þúsund fleiri en
árið 1980. Undanfarin misseri hafa
verið talsvert háværar raddir meðal
forystumanna í hrossarækt um að
nauðsynlegt væri að fækka verulega
í stofninum.
Heildarfjöldi búfjár í fyrra
var nærri ein milljón
Búfé á Íslandi samkvæmt tölum
Matvælastofnunar var samtal
991.258 á árinu 2012 til 2013. Þar
af var sauðfé flest, samtals 476.262.
Þar á eftir komu alifuglar að með-
töldum varphænsnum, sem voru
322.021 talsins.
Hross voru eins og fyrrr segir
77.380 talsins og nautgripir töldust
vera samtals 71.513. Auk þessa voru
40.439 loðdýr og samkvæmt sam-
tölum MAST voru samtals 26.110
svín í landinu að öllum grísum með-
töldum.
Flestir nautgripir á Suðurlandi
Suðurland ber höfuð og herðar yfir
aðra landshluta í nautgriparæktinni.
Þar voru samkvæmt tölum MAST.
samtals 27.677 nautgripir í fyrra,
þar af 9.345 mjólkurkýr.
Norðurland vestra er stærst í
sauðfárræktinni
Þegar litið er á sauðfjárræktina er
Norðurland vestra langmesta sauð-
fjárræktarsvæði landsins og telst
sauðfé þar vera samtals 106.755.
Suðurland er í öðru sæti með 82.408.
Flest hross eru á Suðurlandi
Þó að Skagfirðingar og fleiri
Norðlendingar séu taldir miklir
hestamenn hefur Suðurland vinn-
inginn í fjölda hrossa. Þar eru hross
28.313 talsins. Norðurland vestra og
þar með talinn Skagafjörður kemur
svo þar á eftir með 18.497 hross.
Suðurland og Norðurland vestra
stærst í loðdýraræktinni
Sú búfjárgrein sem hefur verið í
hvað örustum vexti á síðustu árum
er loðdýraræktin. Inni í samtölum
MAST er langmest af mink, eða
40.178 minkalæður og högnar
af 40.439 loðdýrum í heildina.
Suðurland hefur vinninginn í
loðdýra ræktinni með 16.974 dýr en
Norðurland vestra fylgir þar fast á
eftir með 16.376 dýr. /HKr.
- Sjá nánar tölur MAST um búfjár-
eign Íslendinga í fyrra á bls. 34
Töluverðar breytingar hafa orðið á búfjáreign Íslendinga frá árinu 1980:
Sauðfé hefur fækkað um 350 þúsund
– Hrossum hefur aftur á móti fjölgað um þriðjung eða um 25 þúsund hross og Íslendingar eru nú álíka margir og hænurnar í landinu
Mynd / smh
Lambakjöt eins og það
gerist best
16 18 26