Bændablaðið - 03.10.2013, Síða 50

50 Bændablaðið | Fimmtudagur 3. október 2013
Líf og lyst
BÆRINN OKKAR
Hægeldaður lambabógur og ljúffengur ábætir
Hægelduð pottsteik
› ½ lambaframpartur á beini
› salt
› nýmalaður pipar
› 5 greinar af garðablóðbergi
› 5 greinar af rósmaríni
› 10-15 hvítlauksgeirar
Aðferð:
Hitið ofninn í 60 °C. Kryddið
lambaframpartinn með salti og pipar
og setjið í ofnpott. Leggið helminginn
af kryddjurtunum og hvítlauknum
undir frampartinn og afganginn ofan
á. Setjið í ofninn og bakið í 24 klst.
Takið þá kjötið úr ofninum og hækkið
hitann í 200 °C. Setjið frampartinn
aftur í ofninn í 5 mín. eða þar til hann
er orðinn fallega brúnaður. Það má
gjarnan hafa fjölbreyttara grænmeti
í pottinum, t.d. gulrætur, blómkál,
chili, papriku eða lauk. Berið fram
með nýjum kartöflum.
Bakaður hvítmygluostur með
hindberjum
› 1 stk. Gullostur, Auður eða annar
hvítmygluostur
› nokkur hvítlauksrif
› 50 ml góð ólífuolía
› 1 msk. hindberjasulta
› 1 askja hindber
› stökkt kex eða brauð
Aðferð:
Gatið ostinn og hellið nokkrum
dropum af ólífuolíu yfir. Stráið
fínt sneiddum hvítlauk yfir ásamt
nýmuldum pipar. Þá er osturinn
bakaður við 170 °C gráður í 5-10
mín. Setjið sultu ofan á ostinn eftir
eldun ásamt ferskum hindberjum.
Framreiðið í bréfinu með brauði eða
stökku kexi að eigin vali. Gott er að
nota bakaða ostinn sem ídýfu með
brauði, hindberjum og hunangi.
Ásmundur og Matthildur hófu
árið 1995 búskap á Hlemmiskeiði
í Skeiða- og Gnúpverjahreppi
með 20 kýr, nokkrar kindur og
hross. Árið 1999 fluttu þau að
Norðurgarði í sömu sveit og hafa
verið að bæta jafnt og þétt við
bústofninn og framleiðslurétt í
mjólk.
Býli? Norðurgarður.
Staðsett í sveit? Skeiða- og
Gnúpverjahreppi í Árnessýslu.
Ábúendur? Ásmundur
Lárusson og Matthildur Elísa
Vilhjálmsdóttir.
Fjölskyldustærð (og gæludýra)?
Börnin eru fjögur. Árný
Fjóla Ásmundsdóttir, 22 ára,
leikskólastarfsmaður í Reykjavík,
Hannes Orri, að verða 17 ára,
nemi í Fjölbrautaskóla Suðurlands,
Bergsveinn Vilhjálmur 12 ára og
Elín Ásta 9 ára.
Stærð jarðar? 185 hektarar.
Gerð bús? Kúabú, grísauppeldi og
jólatrjáarækt á byrjunarstigi.
Fjöldi búfjár og tegundir?
Um 120 nautgripir, þar af um
56 mjólkurkýr, 17 hross, þrjár
læður sem hver um sig á sitt
umráðasvæði, 320 grísir í húsi og
tveir gælugrísir sem hafa gengið
frjálsir um hlaðið í sumar ásamt
fimm íslenskum hænum, einum
sperrtum hana og kanínunni
Dropa.
Hvernig gengur hefðbundinn
vinnudagur fyrir sig á bænum?
Vinnudagarnir eiga það til að
verða langir og fjölbreyttir en
viðfangs efnin miðast við árs tíma
og hvað liggur fyrir hverju sinni.
Venjulega hefst vinnudagurinn á
mjöltum og umhirðu kálfa. Síðan
taka við verkefni eins og gjafir,
skít mokstur, þrif, viðhald á húsum,
ýmsar lagfæringar og snúningar
– en í mismunandi hlut föllum
eftir þörf og aðstæðum hverju
sinni. Oftast lýkur vinnu deginum
á mjöltum yfir vetrar tímann en
sumar kvöldin eru gjarnan nýtt til
ýmissa verka sem ekki hafa rúmast
innan vinnu ramma dagsins.
Skemmtilegustu/leiðinlegustu
bústörfin? Í sjálfu sér eru engin
bústörf leiðinleg, þau eru bara
misskemmtileg, en ætli sláttur
á góðum sumardegi, þegar
uppskeran er góð, sé ekki meðal
skemmtilegustu bústarfanna. Það
er reyndar alltaf dapurlegt að fást
við veikar skeppnur og missa
bústofn.
Hvernig sjáið þið búskapinn
fyrir ykkur á jörðinni eftir
fimm ár? Það eru svo sem
engar stórkostlegar breytinagar á
dagskránni en ætli búskapurinn
verði ekki bara svipaður og nú en
vonandi þó einhverjar endurbætur
að mjaltaaðstöðu.
Hvaða skoðun hafið þið á félags-
málum bænda? Þar sem bændum
hefur fækkað mikið undanfarin
ár er mikilvægt að þeir sem eftir
standa séu virkir í félagsmálum
bænda, en það þarf virkilega að
stækka hóp bænda sem eru sýni-
legir og virkir.
Hvernig mun íslenskum land-
búnaði vegna í fram tíðinni? Við
erum bjartsýn og höfum þá trú að
íslenskum landbúnaði muni vegna
vel í framtíðinni ef bændur og
þjóðin spila rétt og hjálpast að við
að standa vörð um hann.
Hvar teljið þið helstu tækifærin í
útflutningi íslenskra búvara? Við
teljum að stefna ætti á úflutning í
sem flestum búvörum um 10-20%
umfram innanlandsframleiðslu en
jafnframt passa upp á að sinna vel
innanlandsmarkaði sem fer stækk-
andi með aukningu erlendra ferða-
manna.
Hvað er alltaf til í ísskápnum?
Ísskápurinn er alltaf fullur af mat
því ef einhvers staðar glittir í
auðan blett er húsmóðirin rokin
í kaupstað, en allra síst má vanta
ost, smjörva og grænmeti.
Hver er vinsælasti maturinn á
heimilinu? Hér ætti líklega að
standa nautakjöt og svínakjöt
úr eigin framleiðslu. Um þessar
mundir er það reyndar nauta-
carpaccio og humar sem nýtur
mestra vinsælda hjá eldra fólkinu
á heimilinu og lasagna hjá þeim
yngri – sem og flest sem gert er úr
nautahakki.
Eftirminnilegasta atvikið við
bústörfin? Fyrsta stóra flóðið sem
við fengum yfir okkur eftir að við
hófum búskap hér í Norðurgarði,
en það var árið 2006 og fjölmargir
bæir á Skeiðum urðu umflotnir
vatni. Við þurftum að flytja hross á
öruggt landsvæði, rúllur flutu burt,
girðingar skemmdust og vatn flaut
inn í byggingar.
Norðurgarður
Fjölskyldan öll saman komin.
MATARKRÓKURINN - BJARNI GUNNAR KRISTINSSON MATREIÐSLUMEISTARI
Gamli steikarpotturinn hefur ekki misst sjarmann, hvorki í ofni
eða á útigrilli. Á haustin er tilvalið að útbúa kraftmikla kjötrétti
og leyfa nýju rótargrænmeti að njóta sín með. Nú ætlum við
að hægelda lambabóg. Grænmetið og kjötsafinn samlagast í
fullkomna sósu og svo skemmir ekki að gefa þessu góðan tíma á
lágum hita, þá verður kjötið meyrt og gómsætt. Við útbúum síðan
einfaldan eftirrétt úr íslenskum osti sem ljúffengt er að gæða sér
á eftir vel heppnaða máltíð.