Bændablaðið - 17.10.2013, Qupperneq 22

22 Bændablaðið | Fimmtudagur 17. október 2013
Í bæjarfélaginu Langley í Bresku
Kólumbíu í Kanada er rekin lítil
víngerð sem framleiðir hágæða vín.
Víngerðin heitir Blackwood Lane
Vineyards & Winery og er annar
eigandinn af íslenskum ættum.
Hefur framleiðsla fyrirtækisins
verið efst á lista yfir tíu bestu vínin
í Bresku Kólumbíu um árabil.
Tíðindamaður Bændablaðsins
heimsótti víngerðina undir lok
júlímánaðar ásamt föruneyti og var
tekið vel á móti gestunum. Kim
Collins, sem er af íslenskum ættum,
er framkvæmdastjóri víngerðarinnar
en eiginmaðurinn Carlos Lee er
stjórnarformaður og vínsérfræðingur
hússins. Carlos bauð gestum að
smakka á framleiðslunni, sem
samanstendur af átta víntegundum.
Fyrts var boðið upp á Chardonnay
2012. Þá var dregið fram Merlot
2009, Cabernet France 2009, The
Rebel Syrah 2010, Alliánce 2007,
Merlot Canadian Port, Cabernet
Sauvignon Cdn. Port og síðan
stoltið þeirra The Referénce 2007.
Í síðasttalda vínið eru Cabernet
Sauvignon, Merlot, Cabernet Franc
og Malbec vínþrúgurnar sérvaldar
ásamt Petit Verdot og látnar gerjast
hver í sínu lagi við lágt hitastig.
Síðan er tegundunum blandað eftir
kúnstarinnar reglum og eru látnar
lagerast í glænýjum frönskum
eikartunnum í eitt ár. Sagði Carlos
að lykillinn á bak við gæði þeirra
vínframleiðslu væri einmitt notkunin
á glænýjum tunnum. Úr eikinni tæki
vínið eftirsóknarvert bragð sem ekki
næðist ef verið væri að nýta notaðar
víntunnur.
Nota engin aukaefni vegna
ofnæmis framleiðandans
Virðast þau hjón kunna sitthvað
í þessum fræðum, miðað við
gæðakannanir sem Carlos sýndi
gestunum þar sem vínin þeirra eru í
toppsætum. Þrátt fyrir góðan árangur
segist hann aðeins hafa hafa stundað
víngerð í átta og hálft ár.
„Ástæðan fyrir því að ég byrjaði
ekki fyrr í greininni er að ég er með
mikið ofnæmi fyrir ýmsum efnum
sem mikið eru notuð við víngerð.
Vínin sem við gerum innihalda hins
vegar engin aukaefni.“
Carlos sagði að fimm eða sex
litlar víngerðir væru í nágrenninu
en engin þeirra væri mjög gömul.
Þessar víngerðir væru aðallega að
framleiða hvítvín þar sem veðurfarið
væri ekki sérlega hagstætt til að
rækta þrúgur í rauðvín. Í rauðvín sem
hann framleiddi þyrft hann því að
kaupa þrúgurnar frá þurrari svæðum.
Sagði hann að á þeirra svæði yxi
Cabernet Franc þrúgan mjög vel á
meðan Cabernet Sauvignon gengi
betur í Kaliforníu. Mest af þrúgunum
sem þau keyptu kæmu frá Okanagan,
en þangað er um fjögurra tíma akstur
í austur frá Langley. Þrúgurnar taka
þau inn beint af vínekrunum á
tímabilinu frá september og jafnvel
fram í byrjun desember. Þá eru þau
að fá um 500 lítra af víni úr einu
tonni af þrúgum.
„Það þarf því um eitt og hálft kíló
af þrúgum til að framleiða vín í eina
flösku,“ sagði Carlos.
Selja víða um heim
Vínin frá Blackwood Lane
Vineyards & Winery eru greinilega
vinsæl þótt framleiðslan sé ekki
ýkja mikil, eða um 3.000 kassar á
ári þegar best lætur. Framleiðslan fer
líka víða, jafnvel alla leið til Hong
Kong. Fyrir utan sölu á nærsvæðinu
í kringum Vancouver-borg selja þau
líka vín austur fyrir Klettafjöllin til
Alberta og Ontario.
„Það er svo sem engin þörf á að
selja víðar, eins og til Bandaríkjanna,
Blackwood Lane Vineyards & Winery í Bresku Kólumbíu í Kanada:
Hágæða víngerð með íslenskri tengingu
Myndir / HKr.
Blackwood Lane Winery leggur tals-