Bændablaðið - 17.10.2013, Síða 37
37Bændablaðið | Fimmtudagur 17. október 2013
Upplýsingatækni & fjarskipti
sviðsstjóri tölvudeildar
Bændasamtaka Íslands
jbl@bondi.is
Jón Baldur Lorange
Umfangsmikil hugbúnaðarþróun Bændasamtaka Íslands
Á þessu ári hafa komið út nýjar
útgáfur af öllum forritum
Bændasamtaka Íslands; FJARVIS.
IS, LAMB, Ófeigur, Vasafjárvís,
Veraldarfeng (www.world fengur.
com), SportFeng, HUPPU,
JÖRÐ, Snata, Landsmarkaskrá
og Bændatorginu. Að auki hafa
komið út útgáfur af forritum sem
upplýsingatæknisvið samtakanna
rekur og þróar fyrir aðra, en
þetta eru tölvukerfin www.
dyraaudkenni.is (miðlægur
gæludýragagnagrunnur) í eigu
Völustalls ehf., www.bustofn.is
(búfjáreftirlitskerfi, forðagæsla),
www.bufjarheilsa.is (sjúkdóma-
og lyfjaskráning búfjár) í eigu
Matvælastofnunar (MAST). Þetta
verður að kalla afrek út af fyrir sig
enda eru flest þessara tölvukerfa
umfangsmikil og flókin.
Áður en árið 2013 er liðið er
stefnt að því að nýjar útgáfur komi
út af sauðfjárkerfunum LAMB,
FJARVIS.IS, Ófeig og Vasafjárvísi.
Samhliða vinnunni við LAMB
á sér stað mikil þróunarvinna og
þekkingaröflun við hönnun vefkerfa
fyrir spjaldtölvur, snjallsíma og
möguleika á vinnslu án þess að vera
sítengdur við internetið. Þá er unnið
að nýrri útgáfu af Bændatorginu í
þeim tilgangi að auðvelda yfirsýn
yfir stöðuna á áskriftum bænda að
forritum Bændasamtakanna ásamt því
að tengja umsóknir um jarðabætur
betur við JÖRÐ, skýrsluhaldsforritið
í jarðrækt, þar sem m.a. skráning á
ástandi spilda hefur verið samræmd.
Þá hefur verið samþykkt styrkumsókn
Bændasamtakanna og RML um að
bæta garðyrkju við JÖRÐ sem mun
jafnframt auka notkunargildi fyrir
alla bændur í jarðrækt, og er hafin
vinna við greiningu. Í Vasafjárvísi er
verið að bæta við flokkunarkerfi til að
auðvelda bændum fjarrag og yfirsýn
yfir fjárstofnin á hverjum tíma. Áður
hefur verið fjallað um næstu útgáfu af
LAMB hér í Bændablaðinu þar sem
bætt hefur verið við heilsuskráningu
og samtengingu við sjúkdóma-
og lyfjaskráningu dýralækna í
tölvukerfi MAST, Búfjárheilsu.
Þessi útgáfa er í prófunum og fer
í loftið á næstu dögum. Í HUPPU,
skýrsluhaldskerfinu í nautgriparækt,
er stöðugt unnið að viðbótum og
endurbótum samkvæmt fyrirmælum
RML og óskum bænda. WorldFengur
tekur stöðugum framförum m.a. til
að styrkja kerfið sem upprunaættbók
íslenskra hestsins hérlendis og
erlendis. Evrópusambandið er með
endurbætur á reglugerð nr. 504/2008
um einstaklingsmerkingar á hrossum
og uppruna- og rekjanleikaskráningu í
rýniferli hjá aðildarríkjum en tilefnið
eru nýlegar krísur sem hafa komið upp
í Evrópu vegna hrossakjöts. Ljóst er
að þessi reglugerð kalla á breytingar
á útgáfu hrossavegabréfa. Þá má gera
ráð fyrir margvíslegar ábendingar
um nýjungar og endurbætur eiga
eftir að koma upp á vinnufundinum
um Veraldarfeng (WF) sem haldin
verður í Malmö síðar í þessum
mánuði, en skrásetjarar frá
eftirtöldum löndum hafa staðfest
þátttöku á skrifstofu FEIF í Vín:
Austurríki, Belgíu, Bretlandi,
Danmörku, Frakklandi, Hollandi,
Íslandi, Lúxemborg, Slóveníu, Sviss,
Svíþjóð og Þýskalandi. Á þessu ári
hefur Matvælastofnun lagt áherslu
á þróun á Búfjárheilsu til að gera
kerfið notendavænna, skráningu
á sjúkdómum og lyfjagjöf fyrir
sauðfé var bætt við og jafnt og
áhersla er lögð á að koma á öryggri
og auðveldri gagnatengingu við
dýralæknaforrit sem dýralæknar nota
í daglegum störfum.
Á upplýsinga tækni sviði Bænda-
samtakanna starfa tólf starfsmenn
en auk hugbúnaðargerðar og
reksturs gagnagrunna sinnir sviðið
útgáfu hestavegabréfa, þjónustar
ættbækur íslenska hestsins
erlendis, sér um rekstur innri
tölvukerfa Bændasamtakanna og
sinnir tölvuþjónustu við starfsfólk
samtakanna, Lífeyrissjóðs bænda,
búgreinasamtaka og RML.
Móttökustaðir fyrir ull og afhending umbúða.
Söfnunarstaður Flutningsaðili Sími Ullarpokar fást hjá Sími
Mosfellsbær Ístex hf. Völuteig 6. 566-6300 Ístex hf. Völuteig 6. 566-6300
Borgarnes Magnús Kristjánsson 434-1205 KB. Búrekstrardeild 430-5500
Snæfellsnes Velverk. Ystu Görðum 894-7257 Ragnar og Ásgeir Grundarfirði 430-8100
Búðardalur Áfangi ehf 892-3314 KM þjónustan Búðardal 434-1611
Saurbær Áfangi ehf 892-3314 KM þjónustan Búðardal 434-1611
Króksfjarðarnes Áfangi ehf 892-3314 KM þjónustan Búðardal 434-1611
Barðaströnd Barði Sveinsson / Nanna 456-2019 Barði Sveinsson Innri-Múla 456-2019
Þingeyri Akstur og löndun ehf 897-6733 Neðri Hjarðardalur 456-8137
Flateyri Akstur og löndun ehf 897-6733 Akstur og löndun ehf 897-6733
Ísafjarðardjúp Akstur og löndun ehf 897-6733 Akstur og löndun ehf 897-6733
Hólmavík Strandafrakt 892-4646 Strandafrakt. 892-4646
Bitrufjörður Strandafrakt 892-4646 Strandafrakt. 892-4646
Borðeyri Strandafrakt 892-4646 Þórarinn Ólafsson, Bæ 1 894-9468
Hvammstangi Ullarþvottastöð 483-4290 Kaupfélag V-Hún, pakkhús 455-2325
Blönduós Ullarþvottastöð 483-4290 N1 - Píparinn Blönduósi 452-4545
Sauðárkrókur Ullarþvottastöð 483-4290 Kaupfélag Skagf., Verslunin Eyri. 455-4610
Akureyri Rúnar Jóhannsson 847-6616 Bústólpi Oddeyrargötu 460-3350
Húsavík Rúnar Jóhannsson 847-6616 Úddi Fóðurvöruverslun. Trausti 464-3450
Mývatn Rúnar Jóhannsson 847-6616 Úddi Fóðurvöruverslun. Trausti 464-3450
Kópasker Vökvaþjónusta Eyþórs 893-1277 Vökvaþjónusta Eyþórs, Kópaskeri 893-1277
Þórshöfn Vökvaþjónusta Eyþórs 893-1277 Vökvaþjónusta Eyþórs, Kópaskeri 893-1277
Vopnafjörður Vökvaþjónusta Eyþórs 893-1277 Vökvaþjónusta Eyþórs, Kópaskeri 893-1277
Egilsstaðir Baldur Grétarsson 861-1961 Fóðurblandan, Egilsstöðum 570-9860
Höfn Sigurður Rúnar Magnússon 848-4505 KASK Höfn Hornafirði 470-8222
Kirkjubæjarklaustur Sigurður Rúnar Magnússon 848-4505 N1 - Kirkjubæjarklaustri 487-4628
Vík Sigurður Rúnar Magnússon 848-4505 Kjarval verslun 487-1325
Hvolsvöllur Þórður Jónsson 893-2932 Þórður Jónsson 893-2932
Flúðir Áfangi ehf 892-3314 Flúðaleið 486-1070
Selfoss Áfangi ehf 892-3314 Fóðurblandan 570-9840
SJÁUMST
Í VETUR!
VANDAÐUR VETRAR- OG
ENDURSKINSFATNAÐUR
KÍKTU Á DYNJANDI.IS!
Skeifunni 3 - Sími: 588 5080 - dynjandi.is
WorldFengur.