Læknablaðið - 01.02.1968, Side 39

LÆKNABLAÐIÐ
15
um það bil IV2 ár. Rafleiðslan, sem einnig er plasthúðuð, er gerð
úr mörgum örfínum, sveigjanlegum stálþráðum, sem fléttaðir
eru saman. Leiðslan, sem notuð er fyrir intracardial P-g, er miög
fíngerð og sveigjanleg, og það, sem er mest virði, hún er encl-
ingargóð.
P-M tækin eru frekar dýr, og er því leitazt við að skipta
sem sjaldnast um, en oft er erfitt að segja með vissu, hvort rai'-
hlöðurnar séu að verða búnar, því að ending þeirra er nokkuð
misjöfn. Ekki er heldur hægt að mæla, hvað mikið er eftir í þeim,
án þess að taka þær út, en slíkt verður að gera með skurðaðgerð.
Eitt af helztu einkennum þess, að straumurinn sé farinn að
dvína, er það, að ertingatíðnin breytist, hækkar eða lækkar.
Sjúklingarnir eru því látnir telja æðaslögin tvisvar á dag og færa
þau inn í bók, sem þeir bera ávallt á sér. Ef breyting verður um
5—10 slög frá þeirri ertingatíðni, sem þeir höfðu í fyrstu, verða
þeir að koma í athugun þegar í stað. Með því að taka röntgen-
myndir af rafhlöðunum má sjá ákveðnar breytingar, sem álitið
hefur verið, að komi, þegar rafhlöðurnar fara að eldast og
straumurinn að dvína (Lillehei et al.).5 Þetta á við um P-M aí
Medtronic gerð. Mörg sjúkrahús, meðal annars hér, hafa stuðzt
mikið við þessar breytingar. En samkvæmt rannsókn, sem við
höfum gert hér og er nýlega lokið, er því miður ekki hægt að
treysta þessu. Hefur meðal annars komið í ljós, að margar raf-
hlöður með litlum röntgenbreytingum hafa verið tómar sam-
kvæmt mælingum (electronic testing), sem gerðar hafa veriö
eftir skiptingu.7
Lokaorð
Ég hef í þessari ritgerð leitazt við að gera grein fyrir helztu
ástæðum P-M meðferðar og á hvaða hátt hún hefur bætt sjúk-
dómshorfur þeirra sjúklinga, sem hennar þurfa með.
Einnig hefur verið skýrt frá þremur mismunandi gerðum
P-g. Að lokum var farið nokkrum orðum um P-M af Medtronic-
og' Elema-gerð og reynslu okkar af notkun þeirra hér á sjúkra-
húsinu í Malmö.
Heimildaskrá:
1. Zoll, P. M.: Resuscitation of the heart in ventricular standstill
by external electrical stimulation. New England J. Med., 247:
768, 1952.
2. Johansson, B. W.: Complete Heart Block. Acta Med. Scand., suppl.
to vol. 180, 1966.