Dagblaðið Vísir - DV - 09.03.2007, Side 6

föstudagur 9. mars 20076 Fréttir DV
Magnús Stefánsson félagsmálaráðherra
varð að gera hlé að ræðu sinni á Alþingi í
gær vegna aðsvifs. Hann var á fundi fram
á nótt og hafði ekki gefið sér tíma til þess
að borða morgunmat. Hann ætlaði að
halda ræðunni áfram síðar um daginn en
teysti sér ekki þegar til þess kom.
Lauk ekki ræðunni
Magnús Stefánsson félagsmálaráð-
herra fékk aðsvif í ræðustól á Alþingi,
á ellefta tímanum í gærmorgunn, þeg-
ar hann var rétt ný hafinn við að mæla
fyrir þingsályktunartillögu um jafn-
réttismál. Magnús sagði forseta þings-
ins að hann þyrfti að gera hlé á ræðu
sinni og gekk úr ræðustól og þaðan í
hliðarsal Alþingishússins til að jafna
sig.
Magnús hresstist fljótt, aðsögn
Þórs Jónssonar, fjölmiðlafulltrúa fé-
lagsmálaráðuneytisins, og var hann
farinn að gera að gamni sínu fljótlega
eftir að hann þurfti að gera hlé á ræðu
sinni. Hann vildi ekki fá lækni á stað-
inn en að sjálfsögðu hafi verið kallað
til sjúkralið sem skoðaði hann í þing-
húsinu. Hann fór svo á spítala með
bílstjóra sínum í ráðherrabílnum þar
sem hann var til skoðunar í nokkra
klukkutíma.
Var að missa máttinn
„Þeir gerðu allskyns skoðanir og
tóku blóð. og þetta var líklega bara
sykurfall,“ sagði Magnús í viðtali við
DV áður en hann steig aftur í ræðustól.
Hlé var gert á þinginu, fyrst til klukkan
hálf tvö og síðan þegar í ljós kom að
Magnús yrði ekki komin í tæka tíð var
hléið lengt til klukkan fjögur. „Ég fann
að ég var að missa máttinn þar sem ég
stóð og var að velta því fyrir mér hvort
ég ætti að halda áfram eða gera hlé á
ræðunni,“ sagði Magnús. Hann seg-
ist hafa jafnað sig nokkuð fljótt og því
hafi honum ekki þótt þörf á að fara
með sjúkrabíl upp á spítala. Magn-
ús hafði verið fundi þingflokks Fram-
sóknarflokksins fram á nótt og hann
segir að sér hafi ekki hafa gefist tími
til þess að borða morgunmat eftir að
hann vaknaði en hann segist venju-
lega fá sér að borða á morgnanna og
þá oftast hafragraut. „Ég held að þetta
geti verið áminning fyrir alla að hvílast
og borða vel,“ segir Magnús sem ætlar
að nota helgina framundan til þess að
hvíla sig.
Treysti sér ekki til að klára
ræðuna
Til stóð að Magnús stigi aftur í
ræðustól klukkan fjögur til að halda
áfram ræðu sinni en þegar hann kom
aftur í þinghúsið fór honum að líða illa
á nýjan leik svo hann treysti sér ekki til
þess. „Ég er eitthvað veikur og ætla
heima að hvíla mig,“ sagði Magnús
áður enn hann fór af stað heim. Þing-
fundi var frestað um óákveðin tíma.
Katrín Júlíusdóttur, þingmanni Sam-
fylkingarinnar, var brugðið við frá-
hvarf Magnúsar úr ræðustól enda. „Ég
var önnum kafin við að undirbúa mig
undir þessa umræðu sem var að hefj-
ast. Ég var því ekki að horfa á Magnús
heldur bara að hlusta með örðu eyr-
anu. En krossbrá þegar hann sagðist
þurfa gera hlé á máli sínu,“ segir Katr-
ín. Hún bætti því við að það skipti öllu
máli fyrir fólk í annasömum störfum
að borða og sofa reglulega og það væri
gott veganesti fyrir þingmenn sem
væri að leggja af stað í kosningabar-
áttu. „Auðvitað stendur manni ekki á
sama um samstarfsfélaga sína.“
HjördíS ruT SigurjónSdóTTir
blaðamaður skrifar: hrs@dv.is
„Ég fann að ég var að missa máttinn þar sem ég
stóð og var að velta því fyrir mér hvort ég ætti að
halda áfram eða gera hlé á ræðunni.“
Magnús Stefánsson magnús hafði ekki
borðað morgunmat þegar hann steig í
ræðustól í gærmorgunn. Hann segist
venjulega fá sér morgunmat.
Katrín júlíusdóttir og
Sigríður Anna Þórðar-
dóttir áhyggjufullar í
þingsal Katrín segir atvikið
vera áminningu fyrir fólk í
annasömum störfum að
hugsa um heilsuna.
Staðsetning ráðstefnunnar eða fundarins er ekki síður mikilvæg en fyrsta
flokks aðbúnaður og þjónusta.Við bjóðum allt þetta; frábæra staðsetningu í
hjarta borgarinnar, þrjá glæsilega sali með öllum nauðsynlegum tæknibúnaði
og fyrirtaks veisluþjónustu.
Kynntu þér þjónustu okkar og skoðaðu matseðla á www.veislukompaniid.is
eða hringdu í síma 517 5020 og veislan er í höfn!
Fundur í miðborginni
Lækjargötu 2a 101 Reykjavík s 517 5020 www.veislukompaniid.is
F
í
t
o
n
/
S
Í
A