Dagblaðið Vísir - DV - 09.03.2007, Qupperneq 24

Djöfull líður mér vel í dag og það besta er að það er
engin sérstök ástæða fyrir því. Þá er maður held ég
hamingjusamur í raun þegar maður þarf ekki tilefni
til að vera glaður. Það er svo gott veður og gaman að
vera til að ég ætla að vera svaka ánægður með allt
í dag. Á svona dögum
horfir maður til fram-
tíðar. Þegar maður er
slakur þá horfir maður bara á stystu leiðina að næsta
bar. En núna ætla ég út að ganga með hundinn og
hugsa um hvað það verður gaman að verða gam-
all, fá sér sixpensara, khakigalla og drekka kúbanska
kokteila með börnunum sínum sextíu sem verða öll
skríðandi á manni. Þau fá náttúrulega ekki kokteila,
frekar bara safa úr góðum ávexti. Ókei þarna gekk
ég yfir strikið, ”safa úr góðum ávexti”. Ég sagði þetta
ekki. Ömurlegt. Maður verður að passa sig að láta
ekki hamingjuna henda sér fram af klettum. ”Safi
úr góðum ávexti”... Guð minn almáttugur. Hommar
eru toppmenn en kannski óþarfi að hljóma þannig
nema maður sé slíkur. En ég ætla að eiga börn, ég sé
fyrir mér að byrja að dæla út þessu liði kringum 35.
Það er fínt, það er ekki eins og sæðið í karlmönnum
súrni með árunum. Framleiðslan er sífelld ólíkt eggj-
um kvenna sem verða víst að eggjapúns með tíman-
um. Ég mun eiga nokkur en ættleiða meiripartinn.
Kynið skiptir engu máli þótt í textanum fyrir neðan
noti ég karlkyn í samræmi við það að börn fyrir vest-
an eru iðulega kölluð ”púkar”.
Asíubarnið:
Ég ætla að ættleiða eitt barn frá Asíu sem verður sam-
stundis sett í pössun í Shaolinklaustri þar sem það
tekur eðlilega Búddatrú. Þar lærir púkinn bardaga-
listir og lærir að standa á haus í marga daga. Hann
borðar tælenskan og víetnamskan mat, ósoðnar og
ferskar vorrúllur.
Westurstrandabarn:
Svo ættleiði ég frá öðru vanþróuðu ríki, Californiu.
Hann verður alltaf í víðum khakífötum með tóbaks-
klút hangandi upp úr rassvasanum. Hann kann að
sýna nafnið sitt með fingrunum sem gengismerki.
Hann dansar cribwalk en er að sjálfsögðu hluti af
þeirri nýju hreyfingu í Bandaríkjunum sem kenn-
ir sig við ”revolutionary but gangsta”. Hann talar
grimmt slang sem ég skil ekki frekar en aðrir, ”repp-
ar hoodið” og ”leggur niður smakkið”. Hann væri
blökkubarn af rómönskum ættum.
Miðausturlandabarn:
Arababarnið er af líbönskum ættum, reykir ávaxtató-
bak en snertir ekki áfengi. Ef þetta er stelpa þá dans-
ar hún magadans. Hann borðar grimmt af döðlum
og kebab. Hann gerir allt til að rétta hlut miðaustur-
landa og heldur reglulegar tombólur til styrktar ein-
hverjum barnaskóla á Ramallah.
Íslendingabarn:
Sigurrósarbarnið gengur bara í fötum úr náttúruleg-
um íslenskum efnum, borðar bara grænmeti, er allt-
af upp á hálendi að týna fjallagrös og er í mjög góðu
jafnvægi almennt. Hann spilar með fiðluboga á allt.
Vestur-Evrópubarn:
Straightedge pönkarabarnið étur bara eitthvað sem
ekki hreyfist. Hann hlustar á ska, kastar bensíns-
prengjum og slæst við nýnasista. Hann er með sterka
réttlætiskennd og er alveg trylltur. Hann er feministi,
viðurkennir ekki feðraveldið né neitt annað veldi.
Hann er anarkisti út í eitt. Strýkur af leikskólanum og
tekur upp hanskann fyrir þá sem eru lagðir í einelti
með. Með grjótkasti.
Austur Evrópubarn:
Klassíska barnið er tékkneskt og dansar ballet.
Hlustar á Shostokovitsj og er alltaf heima að æfa sig
á sembal í tékknéskt innréttuðu aðstöðunni sinni.
Hann verður að vera með gleraugu og helst freknur
og svoleiðis. Hann er alveg sáttur en virkar samt frek-
ar þungur og segir ekki mikið.
Vestur Indíubarn:
Kúbanski púkinn spilar hafnabolta, boxar og spilar
dómínó. Talar hátt, nefmælt og baðar út höndun-
um á meðan. Hann er mjög tilfinningaríkur, vanda-
málin eru rædd dramatískt í 5 mínútur og síðan er
hann byrjaður að dansa salsa, merengue o.s.frv. Er
mjög lífsglaður og byrjar ungur að reykja Cohiba
Esplendido.
Gyðingabarn:
Svo ættleiði ég einn úr leiðindunum í Ísrael og bjarga
honum þannig frá þeim örlögum að vera skipað að
skjóta arababörn sem kasta grjóti. Fyrirmyndin
er Einstein, Karl Jung, Freud, Karl Marx og Noam
Chomsky. Hann er grimmur í vísindunum, mjög
einbeittur og klæðir sig í föt eingöngu upp á regluna.
Hann er velmenntaður og víðsýnn. Er öfgagóður í
skák, lúnkinn í backgammon og fleiri nördasportum
sem munu sennilega aldrei fá uppreist æru.
Keltabarn:
Ég er að sjá eitt barnið vera frá Írlandi, írskasta
partinum sem er reyndar enn undir Bretum. Hann
talar með grimmum hreim og dettur í Gaelisku þeg-
ar hann er i stuði. Hann er kaþólskur að nafninu til
en finnst páfagarður vera helslakur og gagnslaus.
Hann spilar gamlar írskar boltaíþróttir og er grimmt
rauðhærður. Hann hefur mikinn áhuga á fótbolta en
kann takmarkað að spila hann.
Ég mun síðan ala alla þessa félaga upp í mikilli
vinsemd þar sem menn geta trúað og gert allt sem
þeir vilja svo lengi sem þeir angra ekki næsta mann.
Til að bæta um betur myndu þeir lagfæra heiminn
með allri sinni hegðan. Svo bíð ég í nokkra áratugi,
held ættarmót og skoða afkvæmin. Þar mun ég sitja
í hásæti með kúbanskan vindil og romm og horfa á
heiminn eins og hann gengur upp.
föstudagur 9. mars 200724 Umræða DV
Rússar vilja ekki vestrænt lýðræði. Þeir telja sig ekki vera Evrópumenn,
heldur Evrasíumenn. Meirihlutinn vill harðstjórn eða sovét. Þeir hafa
engan áhuga á vestrænum mannréttindum á borð við skoðanafrelsi og
félagafrelsi. Þeir vilja sterka stjórn, sem sinnir öryggi ríkisins. Og húsnæð-
ismálum.
Við skulum líta á tölurnar: Aðeins 16% Rússa vilja vestrænt lýðræði
í landi sínu. 35% vilja sovétið og 26% vilja harðstjórn Pútíns. 18% Rússa
telja skoðanafrelsi mikilvægt og aðeins 4% þeirra telja félagafrelsi mikil-
vægt. Aðeins 10% Rússa telja land sitt vera hluta af vestrinu.
Svo segir í nýútgefinni könnun frá EU-Russia Center í Bruxelles. Willi-
am Pfaff skrifaði í Herald Tribune um forsendur niðurstöðunnar, sem
hefur komið Evrópusambandinu í opna skjöldu. Við þessu var ekki búizt,
þegar kalda stríðinu lauk og Jeltsín galopnaði Rússland fyrir vestrænum
áhrifum.
Einfeldningar markaðshyggju og nýíhalds ráðlögðu Rússum að brjóta
niður sovézku fjötrana í vetfangi. Stofnanir sovétsins hrundu og ekkert
kom í staðinn. Róttæk einkavæðing frjálshyggju rústaði þjóðareignir og
nokkrir auðjöfrar eignuðust allan þjóðarauðinn fyrir skít og kanil.
Þetta er sú reynsla, sem Rússar hafa af vestrinu. Það innleiddi auðjöfra,
sem stálu öllu steini léttara. Það rýrði velferðina, gerði ellistyrki verðlausa
og setti almenning á kaldan klaka. Fólki leið betur á tímum Krústjovs en
Jeltsíns. Þriðjungur þess vill afturhvarf til sovétsins.
Fyllirafturinn Jeltsín rústaði Rússland með aðstoð vestrænna hagfræð-
inga af Chicago-skólanum. Það er svipað og gerðist eftir innrás Bandaríkj-
anna í Írak, þegar innviðir ríkisins voru lagðir niður og óöld hinna sterku
hófst. Takmarkalaust einstaklingsfrelsi er ávísun á stjórnlausar öfgar.
Eftir Jeltsín voru Rússar undir Pútín búnir. Með honum hófst aftur-
hvarf til fyrri stjórnarhátta með ívafi af stjórnarfari að hætti vestrænna
bófa. Morðsveitir Pútíns halda andstöðu í skefjum, hvort sem hún er á
götum Sankti Pétursborgar eða í Tsjetsjenínu, þar sem Pútín fremur
þjóðarmorð.
Örvænting Rússa út af afleiðingum Chicago-hagfræðinnar kallaði
á Pútín og gerði þennan nýja Stalín að vinsælasta manni ríkisins. Pút-
ín skammtar alþýðunni húsnæði og ríkisstyrki og fær í staðinn stuðning
við að efla það, sem hann kallar öryggi ríksins, en ætti fremur að heita
grimmt þjófræði.
Menn Pútíns drápu njósnarann Alexander Litvinenko á eitri, skutu
blaðamanninn Önnu Politkovskaya til bana og reyndu að drepa Jegor
Gaidar, fyrrverandi forsætisráðherra. Öll verkin bera merki stofnunar,
sem Felix Dzershinky veitti fyrst forustu og lengst var fræg undir bókstöf-
unum KGB.
Rússland er alræðisríki undir stjórn arftaka KGB. Hún hefur náð öll-
um öngum ríkisvaldsins í sínar hendur, nánast öllum fjölmiðlum lands-
ins og beinir gamalkunnum ógnunum gegn nágrannaríkjum alræðisins.
Enginn er óhultur fyrir Pútín, ekki einu sinni á veitingahúsi í London eða
Washington.
Rússar nútímans eru nokkurn veginn sammála um, að vestrænt frels-
isskeið Jeltsíns hafi verið myrkasta tímabilið í sögu Rússlands. Það var
tímabil fátæktar, atvinnuleysis og ójafnaðar. Rússar vilja engan Jeltsín
aftur, þeir vilja enga Chicago-hagfræði, þeir vilja frið í stælingu á stalín-
isma.
Rússar eru almennt hræddir við vestrið. Þeir óttast, að Evrópusam-
bandið leggi stund á efnahagslegt samsæri gegn Rússlandi. Þeir óttast, að
Nató hyggi á landvinninga á rússnesku sléttunum. Þeir telja Bandaríkin
seilast til áhrifa í Úkraínu, næst séu Hvíta-Rússland og Georgía á mat-
seðlinum. Jónas Kristjánsson.
Umbrot: dV. Prentvinnsla: Prentsmiðja morgunblaðsins. Dreifing: Árvakur. dV áskilur sér rétt til að
birta aðsent efni blaðsins á stafrænu formi og í gagnabönkum án endurgjalds. öll viðtöl blaðsins eru hljóðrituð.
Rússar fara austur
Útgáfufélag: Dagblaðið-Vísir útgáfufélag ehf.
StjóRnaRfoRmaðuR: Hreinn loftsson fRamkVæmDaStjóRi: Hjálmar Blöndal
RitStjóRi og áByRgðaRmaðuR: Sigurjón m. Egilsson
fRéttaStjóRi: Þröstur Emilsson RitStjóRnaRfulltRÚi: janus Sigurjónsson
Erpur Eyvindarson tónlistarmaður skrifar:
Púkarnir mínir
Kjallari
Erpur Þ. EyVIndArson
tónlistarmaður skrifar