Dagblaðið Vísir - DV - 09.03.2007, Qupperneq 34
Föstudagur 9. FEBrÚar 200734 Sport DV
Síldarævintýri
í Laugardal
Siglfirðingurinn Þórir Hákonarson tók til starfa sem framkvæmdastjóri Knattspyrnusambands Íslands í
byrjun mánaðarins. Það má segja að Þórir sé kominn í draumastarf sitt en hann hefur verið viðriðinn fót-
bolta síðan hann man eftir sér.
Á fundi sínum í síðasta mánuði
ákvað stjórn KSÍ að veita nýkjörn-
um formanni sambandsins Geir
Þorsteinssyni heimild til að ráða
Þóri Hákonarson frá Siglufirði í
stöðu framkvæmdastjóra KSÍ. Geir
var sjálfur framkvæmdastjóri en
þegar Eggert Magnússon eignaðist
enska liðið West Ham bauð Geir sig
fram til formanns og vann kosning-
una með miklum yfirburðum.Nýi
framkvæmdastjórinn er spennt-
ur fyrir komandi verkefnum í nýja
starfinu.
„Ég er fæddur og uppalinn á
Siglufirði. Ég hef verið í námi bæði
í Reykjavík og einnig erlendis, ég
kláraði Menntaskólann á Laugar-
vatni og hér í Reykjavík var ég síð-
an í Tækniskólanum og Háskóla Ís-
lands, þaðan sem ég lauk BA-prófi
í stjórnmálafræði. Síðan var ég við
nám í alþjóðasamskiptum í London
í eitt ár og 1998 flutti ég síðan beint
heim þaðan til Siglufjarðar. Ég hef
verið viðriðinn fótbolta síðan ég var
gutti og fór beint inn í stjórn Knatt-
spyrnufélags Siglufjarðar þegar ég
hafði lokið námi. Þar hef ég verið
formaður síðan 2001 og var einnig
framkvæmdastjóri Pæjumótsins frá
2002,“ segir Þórir en hann er fædd-
ur 1969.
Hans fyrsta fótboltaminning
nær langt aftur. „Það var þegar ég
var að fara á æfingar á malarvellin-
um á Siglufirði kornungur. Þá voru
æfingarnar með öðrum hætti en
þær eru núna, það var ekkert skipt
í aldursflokka á æfingum heldur
mættu bara margir flokkar á sama
tíma og léku sér í fótbolta. Maður
var því að æfa með strákum sem
sumir voru helmingi eldri en mað-
ur sjálfur. Þarna var Haraldur Er-
lingsson, íþróttakennari í Kópa-
vogi, við stjórnvölinn.“
Gengur inn í gott umhverfi
„Það má segja að ég sé kominn í
draumastarfið. Ég hef verið viðrið-
inn fótbolta síðan ég man eftir mér.
Sem formaður KS hef ég síðan haft
mikil samskipti við starfsfólk KSÍ.
Ég geri mér samt alveg grein fyrir
því að þetta er býsna krefjandi starf
og umfangið í kringum það í raun-
inni alltaf að aukast. Það eru fjöl-
mörg verkefni sem bíða úrlausnar á
næstunni og er ég spenntur fyrir því
að takast á við þau.“
Þórir þurfti ekki að hugsa sig
lengi um þegar honum var boð-
ið þetta starf hjá KSÍ. „Ég hætti í
starfi mínu sem skrifstofustjóri
Siglufjarðarkaupstaðar síðasta
sumar og hef síðan þá sinnt hin-
um og þessum verkefnum. Ég
sýndi þessu framkvæmdastjóra-
starfi mikinn áhuga strax í upp-
hafi enda vissi ég að hér gengi ég
inn í gott umhverfi. Geir þekki ég
ágætlega og vissi að hann væri
góður kostur í formannsstöðuna.
Margir starfsmenn hafa verið hér
lengi og allir eru með á hreinu
við hvað þeir starfa,“ segir Þórir.
„Er ekki rétt að ég beiti mér
fyrir því að liðum í efstu deild
verði fjölgað í 30 svo KS komist
þangað?“ segir Þórir og hlær þeg-
ar hann var spurður út í áherslu-
mál sín í þessu nýja starfi. „En í
alvöru talað þá er ekki eitthvað
eitt sérstakt sem ég ætla að beita
mér fyrir eins og staðan er núna.
Ég er að kynna mér starfið hérna.
Knattspyrnusambandið er nú
að flytja í nýtt húsnæði og hér er
starfsemin alltaf að aukast eins
og ég hef sagt. Það fyrsta sem ég
mun líta á er skipulag starfsem-
innar sem þarf að breyta að ein-
hverju leyti. Kröfurnar aukast
bæði hér heima og erlendis frá.
Við viljum veita eins góða þjón-
ustu og möguleiki er á. Sá þáttur
er það fyrsta sem ég mun líta á
en ég mun ekki koma með nein-
ar byltingarkenndar breytingar í
þeim efnum,“ segir Þórir.
Hröð þróun
Þórir tók til starfa þann 1.
mars og er að koma sér inn í þau
verkefni sem framkvæmdastjóri
KSÍ hefur sinnt. „Fyrstu dagarn-
ir hafa verið ágætir og þetta lofar
allt góðu. Töluvert hefur verið af
fundahöldum og ég hef reynt að
kynnast öllu þessu fólki sem hér
starfar. Svo er nóg að gera varð-
andi flutninga en við erum að flytja
í ný húsakynni sem eru fyrir neð-
an nýju stúkuna á Laugardalsvell-
inum. Aðstæðurnar á vellinum eru
alltaf að verða betri og ég vona að
sú þróun haldi áfram. Þetta er eng-
inn lokapunktur á framkvæmdum
í Laugardalnum og það á sjálfsagt
eftir að bæta aðstöðuna enn meira,
bæði fyrir leikmenn og áhorfend-
ur,“ segir Þórir.
Hvað varðar aðstöðu aðildarfé-
laga KSÍ segir Þórir hana vera mjög
misjafna. „Það er þó ljóst að þró-
unin hefur verið hröð síðustu ár,
aðstaðan er öll að breytast til hins
betra. Fjöldi liða er til dæmis kom-
inn með hús sem hægt er að æfa í
allt árið um kring. Svo er gaman að
félögin hafa sýnt mikinn metnað í
að bæta aðstöðu áhorfenda á leik-
vöngum sínum. Kröfurnar varð-
andi það eru alltaf að aukast og það
heldur mönnum á tánum.“
Hvað varðar umgjörðina í kring-
um Landsbankadeildina næsta
sumar segir Þórir að engar stór-
vægilegar breytingar verði gerðar.
„Það standa yfir viðræður við full-
trúa Landsbankans um umgjörð-
ina næsta sumar. Mér fannst þetta
takast mjög vel síðasta sumar þótt
alltaf séu ákveðin atriði sem má
bæta. Það eru viðræður í gangi út af
þessu og ég hef enga trú á öðru en
að þetta verði gert með glæsilegum
hætti. Landsbankinn hefur alltaf
staðið vel að þessu,“ segir Þórir.
Fleiri félög munu sameinast
Hann fær ekki mjög langan tíma
til að koma sér inn í nýja starfið.
„Enginn stekkur inn í þetta full-
skapaður en fram undan eru næg
verkefni. Það er landsleikur eftir
nokkrar vikur og Íslandsmótið að
hefjast svo ég þarf að vinna hratt
en skipulega,“ segir Þórir. Á næsta
ári verður fjölgað í landsdeildum
Íslandsmóts karla og verða tólf lið
í hverri af þremur efstu deildun-
um. Þóri lýst ágætlega á þessa fjölg-
un þótt hún hafi sína kosti og galla.
„Aðaláhyggjuefnið verður hvernig
eigi að koma leikjafjöldanum fyr-
ir í hverri deild. Ég treysti á að það
verði leyst og fólkið sem hér starfar
er vant því að koma Íslandsmótinu í
öllum flokkum fyrir með góðu móti.
Það er oft flókið að koma þessu fyrir
svo allir verði sáttir. Annars lýst mér
ágætlega á þessa breytingu.“
Talað hefur verið um að með
ráðningu Þóris sé KSÍ að færa sig
nær aðildarfélögum sínum. „Full-
trúi af landsbyggðinni hefur ekki
verið í þessu starfi og ég vona að ég
standi undir því. Ég held að það sé
hollt fyrir KSÍ að fá menn sem koma
úr smærri félögum utan af landi.“
Að mörgu leyti er ólíkt að vera
formaður knattspyrnufélags á
landsbyggðinni en á höfuðborgar-
svæðinu. „Vandamálin við að starfa
í kringum félög sem eru á lands-
byggðinni eru augljós. Það eru færri
möguleikar á að afla fjármagns,
færri aðilar sem standa undir
rekstrinum og eins og gefur auga-
leið úr færri leikmönnum að spila
í öllum flokkum. Þetta er vandamál
sem þarf að grandskoða. Ýmis félög
hafa brugðist við með því að reyna
að sameinast nágrannaliðum til að
halda úti félögum í öllum flokkum.
Ég held að það eigi eftir að aukast
á næstunni og er ekkert nema gott
um það að segja ef það tekst sæmi-
lega,“ segir Þórir Hákonarson að
lokum.
elvargeir@dv.is
Tekinn til starfa
Þórir Hákonarson, nýr framkvæmdastjóri KsÍ, á sjálfum þjóðarleikvangi
Íslands en sambandið hefur aðstöðu undir annarri stúku vallarins.