Dagblaðið Vísir - DV - 13.03.2007, Qupperneq 16

„Stemningin er mjög góð og mikil til-
hlökkun fyrir komandi tímabili,“ seg-
ir Gunnar Guðmundsson, þjálfari
knattspyrnuliðs HK í Kópavogi. Það
er spennandi sumar framundan hjá
HK-ingum sem eru að fara að leika í
fyrsta sinn í sögu félagsins í efstu deild
á komandi sumri.
„Það sem hefur einkennt HK í
gegnum tíðina er mikil samheldni og
góður andi í félaginu. Þó það sé búið
að ná þessu skrefi að koma félaginu
í úrvalsdeild þá er mikilvægt að það
breytist ekkert og haldið verður áfram
að vinna í þessum anda.“
Gunnar er fæddur 1969 og tók við
meistaraflokki karla hjá HK haustið
2003. Hann náði að stýra liðinu í ann-
að sætið í 1. deildinni í fyrra og koma
því þar með upp. Gunnar er mennt-
aður íþróttafræðingur frá Universität
Hamburg í Þýskalandi með knatt-
spyrnu, frjálsíþróttir, handbolta og
kraftþjálfun sem aðalgreinar og sál-
fræði sem aukafag. Sem leikmaður
þá hóf Gunnar feril sinn hjá ÍK (sem
er HK í dag) en lék með ýmsum lið-
um í öllum deildum Íslandsmótsins
auk þess að leika í neðri deildunum í
Þýskalandi.
Menn vilja ólmir sanna sig
Gunnar segir það að markmið HK
fyrir sumarið sé einfaldlega að halda
sér uppi. „Við stefnum á að halda okk-
ur meðal þessara tólf liða sem skipa
efstu deild. Þetta verður erfitt tíma-
bil fyrir okkur en það er mikill hugur
í okkur að ná þessu markmiði,“ segir
Gunnar en hann segist búast við því
að sparkspekingar muni flestir spá
liðinu falli. „Ég reikna fastlega með því
og það er í sjálfu sér ekkert óeðlilegt
við það að nýliðarnir séu ekkert hátt
skrifaðir. Fyrir utan það höfum við
ekkert verið að bæta mikið við okk-
ur og það kemur ekkert á óvart að við
séum dæmdir strax niður. Það mun
hinsvegar aðeins koma til með að efla
okkur. Þó að fáir af leikmönnum okkar
hafi reynslu af efstu deild þá vilja þeir
ólmir sanna sig og það er plús.“
HK hefur ekki bætt við sig mörg-
um mönnum en hefur þó m.a. feng-
ið miðjumanninn Almir Cosic sem
komst í fréttirnar fyrir tveimur árum
þegar hann gekk til liðs við Leikni Fá-
skrúðsfirði. Cosic er þrítugur og á sín-
um tíma vildi enska úrvalsdeildarliðið
Newcastle United fá hann í sínar rað-
ir. „Ég er gríðarlega sáttur við að hafa
fengið hann til liðs við okkur. Hann er
góður liðsmaður og vinnur mjög vel
fyrir liðið,“ segir Gunnar.
Þá hefur HK verið orðað við fyrr-
um landsliðsmanninn Helga Kolviðs-
son sem hóf feril sinn hjá félaginu en
er nú að spila í 3. deildinni í Þýska-
landi. „Það mál er enn í vinnslu. Helgi
er samningsbundinn sínu liði í Þýska-
landi, Pfullendord, og við höfum átt
í viðræðum við hann. Ég reikna með
því að það skýrist í þessum mánuði
hvort hann spili með okkur eða ekki.
Hann þarf að ganga frá sínum málum
við þýska félagið og sjá síðan hvernig
hans staða er gagnvart því. Það velt-
ur eiginlega allt á því hvernig viðræð-
ur hans við félagið ganga hvort hann
snúi heim. Ég tel alveg góðar líkur á
því að hann muni spila með okkur,“
segir Gunnar en Helgi er víst mjög op-
inn fyrir því að snúa heim.
„Við erum alltaf með augun opin á
leikmannamarkaðnum og höfum ver-
ið að leita okkur að varnamanni. Ég
reikna með því að við fáum til okkar
svissneska sóknarmanninn Oliver Ja-
eger sem var til reynslu hjá okkur fyrr í
vetur. Annars reikna ég ekki með fleiri
breytingum þó það velti á því hvern-
ig þetta mál með Helga endar,“ segir
Gunnar.
Fjölskyldustemning
Það vakti mikla athygli þegar Jón
Þorgrímur Stefánsson gekk til liðs við
HK fyrir síðasta tímabil eftir að hafa
verið hjá Íslandsmeisturum FH. Hann
ákvað að snúa aftur á heimaslóð-
ir í Kópavoginum og taka þátt í upp-
ganginum þar. „Það er ekki spurning
að þetta er það sem maður stefndi á.
Það er rosaleg fjölskyldustemning í
kringum HK en stærstur hluti leik-
manna eru uppaldir þar. Flestir sem
eru að starfa í kringum þetta eiga börn
hjá félaginu og stemningin því alveg
einstök,“ segir Jón Þorgrímur, sem er
þekktasti leikmaður HK ásamt mark-
verðinum Gunnleifi Gunnleifssyni.
HK hefur verið að ná fínum úrslit-
um á undirbúningstímabilinu en í síð-
asta leik gerði liðið markalaust jafntefli
við Fylki. Jón fór úr axlarlið í þeim leik.
„Það er ekki búið að skoða liðböndin
en annars held ég að þetta séu bara
einhverjar tvær vikur sem ég verð frá.
Ég er helvíti þjáður eins og er en lækn-
irinn sagði að ég muni finna vel fyrir
þessu í einhverja nokkra daga,“ segir
Jón. Honum lýst vel á sumarið.
„Við höfum unga og spræka stráka
og ég vona að íþróttafréttamenn muni
dæma okkur niður sem allra hraðast.
Við munum njóta þess að vera van-
metnir. Ef HK ætlar ekkert að bæta við
sig þá treystum við leikmönnum okk-
ur algjörlega í þetta verkefni. Ég held
að það sé alveg ljóst að við verðum í
fantaformi í sumar enda erum við að
æfa alveg rosalega vel. Við erum með
púlsklukku á öllum æfingum og í leikj-
um. Gunni er ótrúlega skipulagður og
gerir þetta mjög vísindalega. Hann er
hálfur Þjóðverji svo skipulagið er al-
veg 100% hjá honum,“ segir Jón Þor-
grímur. elvargeir@dv.is
þriðjudagur 13. mars 200716 Sport DV
ÍÞRÓTTAMOLAR
Bernie Eccelstone er farinn að huga að breytingum fyrir árið 2008:
Vill breyta stigakerfinu
Bernie Eccelstone sagði í viðtali
við ítalska íþróttablaðið La Gazzetta
dello sport að hann vilji breyta núver-
andi stigakerfi.
„Mér finnst það ekki nægileg verð-
laun að sigurvegari kappaksturs fái
aðeins tíu stig þegar annað sætið fær
átta,“ sagði þessi 76 ára gamli Breti.
„Ég mun leggja fram tillögur að
breytingum þess efnis fyrir árið 2008.“
Stigakerfinu var breytt árið 2002,
eftir að Michael Schumacher var
nánast ósigrandi á brautunum, ann-
að sætið fékk þá átta stig til að minnka
muninn á fyrsta og öðru sætinu.
Hann benti einnig á að hugsanlega
fengi sigurvegari fleiri móta heims-
meistaratitilinn, ekki sá sem fær flest
stigin. „Það hvetur ökumenn að reyna
við efsta sætið. Það yrði einfaldara og
rökréttara að sá sem vinnur flest mót
fái heimsmeistaratitilinn.“
Eccelstone veðjaði á Felipe Massa
sem heimsmeistara.
„Ferrari hefur æft vel og lagt mikið
á sig. Schumacher mun hjálpa Massa
mikið og það kæmi mér ekki á óvart
ef Massa endaði sem sigurvegari í lok
tímabilsins.“
Hann sagði einnig að Þjóðverjarn-
ir Ralf Schumacher og Nick Heidfeld
gætu átt erfitt tímabil fyrir höndum.
„Málið með Ralf er að hann er
hraður, en gæti verið á röngum bíl.
Kannski passar hann betur hjá Ren-
ault. BMW eru með góðan bíl en síð-
ustu ár hefur Heidfeld aldrei keppt
meðal þeirra fremstu, af hverju ætti
það eitthvað að breytast á þessu
ári?“
Þrátt fyrir að Eccelstone sé orðinn
76 ára hefur hann engin áform um
að hætta afskiptum sínum af formúl-
unni. „Þegar ég verð 100 ára mun ég
hugsa um að hætta. Þá gæti ég hætt
afskiptum á rólegri nótum. Það er enn
mikið verk framundan,“ sagði hinn
umdeildi Eccelstone. Fyrsta formúlu
keppnin fer fram í Ástralíu um næstu
helgi og hefur spennan sjaldan verið
meiri. benni@dv.is
Yrði hEiður að þjálFa
rEal Madrid
jose mourinho
stjóri Chelsea
sagði í viðtali við
marca að hann
myndi gjarnan
vilja þjálfa real
madrid einhvern
daginn. Hann sé
hins vegar með
samning við
Chelsea til 2010
og hann ætli sér að virða hann. „Enskur
fótbolti heillar mig. Ég er með
samning við Chelsea til ársins 2010 en
ég myndi gjarnan þjálfa real madrid
einhvern daginn, það yrði mikill heiður
en það er ekki að fara gerast í bráð.“
mourinho sagði einnig að real væru í
góðum höndum undir stjórn Fabio
Cappello.
„madrid gætu ekki haft betri þálfara.“
Kanu áKvEður sig í júní
Nígeríski framherjinn Kanu hjá
Portsmouth mun ekki ákveða framtíð
sína fyrr en í júní.
Honum hefur
verið boðið eins
árs framlengingu
á samningi sínum
og sagði Peter
storrie stjórnarfor-
maður Port-
smouth að
boltinn væri hjá
Kanu. „Við höfum
boðið Kanu eins árs framlengingu á
samningi sínum. mjög rausnarlegt
boð en hann vill ekki ákveða sig fyrr
en í lok tímabilsins. Hann er enn í
áætlunum Harry redknapp og boltinn
er því hjá honum.“
dEnilson vill Borgað
Eitt sinn dýrasti knattspynumaður
heims denilson hefur óskað eftir því
við félagið sitt, al-
Nasr, að það borgi
sér vangoldin
laun. Hins vegar
neitar félagið að
borga honum því
það trúir ekki að
hann sé meiddur.
sjúkraþjálfarar
félagsins sögðu
að hann væri heill
heilsu en engu að síður ákvað
denilson að betra væri að liggja í
sólinni en að spila fótbolta. denilson
spilaði 63 landsleiki fyrir Brasilíu en er
flestum kunnur fyrir magnaðar
boltakúnstir sem sómuðu sér vel í aug-
lýsingum en ekki á knattspyrnuvelli.
MatErazzi vill viðurKEnningu
Varnarmaðurinn, sem allir elska að
hata, marco materazzi neitar því að
mark ronaldo í
grannaslagnum á
sunnudag hafi
kveikt á
leikmönnum inter
milan.
„Við vorum
tilbúnir í slaginn
frá byrjun. Við
áttum sigurinn
skilin og það sást
hverjir leiða deildina. það eru við og
mér finnst að við ættum meira hrós
skilið.“
BoatEng Brjálaður
george Boateng leikmaður middles-
brough er brjálaður útí rob styles
dómara
viðureignar
middlesbrough
og man utd í
enska bikarnum.
styles dæmdi víta-
spyrnu á Boateng
sem leiddi til
jöfnunarmarks
man utd.
„þetta er í annað
sinn sem þessi dómari eyðileggur leik
fyrir mér. Hann gjörsamlega eyðilagði
kvöldið fyrir okkur. Ég er nánast
orðlaus að eithvað eins og þetta geti
gerst. með einni ákvörðun tók hann
drauminn okkar frá okkur. Ég
viðurkenni að hafa tekið boltan með
hendinni en þegar boltinn er að
nálgast andlitið af svona stuttu færi
þá er það eðlileg viðbrögð að grípa
fyrir það. aldrei nokkurn tíman mundi
man utd fá svona víti á sig á Old
Trafford. Ef svona atvik gerist í seinni
hálfleik þori ég að veðja um að það
verði ekki dæmt víti,“ sagði Boateng
ekki sáttur.
Bernie Eccelstone Einráður í formúlu 1
og boðar breytingar árið 2008 þrátt fyrir
að tímabilið 2007 sé ekki hafið.
Enginn schumacher skærasta stjarna
Formúlunar michael schumacher er
hættur að keppa.
MunuM njÓTA Þess
Að veRA vAnMeTniR
HK-ingar æfa nú af
krafti fyrir sumarið
en liðið mun leika í
fyrsta sinn í sögu
þess í efstu deild
karla. Mikil til-
hlökkun er fyrir
sumarið í herbúðum
liðsins sem hefur
bætt við sig fáum
leikmönnum fyrir
komandi tímabil.
þýskar æfingar gunnar guðmunds-
son, þjálfari HK, er menntaður í
þýskalandi og er mjög skipulagður að
sögn jóns þorgríms stefánssonar.
dv MYndir stEFán