Dagblaðið Vísir - DV - 18.04.2007, Qupperneq 32

Hundrað kíló af frystu nýsjálensku
dilkakjöti hafa enn ekki fengist af-
greidd til innflytjandans nær tveim-
ur mánuðum eftir að þau komu til
landsins. Fylgiskjölin hafa þvælst um
kerfið vikum saman án þess að vera
afgreidd.
„Kjötið er í frysti eins og papp-
írarnir,“ segir Leifur Þórsson, fram-
kvæmdastjóri Ferskra kjötvara, sem
ásamt Aðföngum flutti hundrað kíló
af frystu dilkakjöti frá Nýja-Sjálandi
til landsins 23. febrúar síðast liðinn.
Kjötið er einungis ætlað sem prufu-
sending fyrir fyrirtækin enda ætluðu
þau að greiða fullan toll af vörunni.
„Ég er að reyna að fá upplýsingar
frá landbúnaðarráðuneytinu um
hvar málið er statt og af hverju,“
segir Leifur og furðar sig á þessum
vinnubrögðum. „Fyrst fór umsóknin
til Landbúnaðarstofnunar á
Selfossi og var þar í þrjár vikur.
Þar fór yfirdýralæknir yfir hana og
skilaði af sér umsögn á A4 blaði
aftur í landbúnaðarráðuneytið.
Eftir nokkurn tíma úrskurðaði
ráðuneytið að umsögnin hafi ekki
verið nægilega ítarleg og sendi hana
því aftur á Landbúnaðarstofnunina.
Þar eru hún líkast til í dag,“ segir
Leifur sem hefur eytt töluverðum
tíma í að fylgja málinu eftir án þess
að fá niðurstöðu. „Það er mjög
einfalt að reikna út tollinn af þessu
kjöti því það er byggt á upplýsingum
úr tollskrá, svo ekki er það að stoppa
þá,“ segir Leifur ennfremur.
Ferskar kjötvörur hafa um ára-
bil flutt inn nautakjöt frá sama ný-
sjálenska framleiðanda án nokkurra
vandkvæða. Nýsjálenskir framleið-
endur dilkakjöts eru þeir stærstu í
heiminum og selja þeir afurðir sínar
allflestra landa Evrópu og þar með
talið Grænlands og Færeyja. „Ég skil
ekki hvernig hægt er að banna inn-
flutning á kjöti sem er selt út um all-
an heim,“ segir Leifur. Hann fullyrðir
að hvorki ráðuneytið né Landbún-
aðarstofnunin hafi skoðað kjötið.
„Ég hef rætt við Guðmund B.
Helgason ráðuneytisstjóra, Eystein
Jónsson aðstoðarmann ráðherra og
Ólaf Friðriksson skrifstofustjóra og
þeir hafa gefið í skyn að umsóknin
gæti tekið marga mánuði,“ segir Leif-
ur sem ítrekað hefur reynt að ná í yf-
irdýralækni sem er erlendis og gefur
ekki færi á sér.
„Ég er mjög bjartsýn á að lausn á
málum Lalla verði fundin þegar hann
losnar út í nóvember og að hann fái
húsnæði,“ segir Herdís Hjörleifsdótt-
ir félagsráðgjafi. Hún hefur hitt Lárus
Björn Svavarsson, betur þekktan sem
Lalla Johns, reglulega í fimm mánuði.
Herdís segir Lalla hafa breyst mik-
ið síðan viðtalsmeðferð hófst og hún
komst inn fyrir þykka skel hans sem
varð til í fjögurra ára vistun hans á
Breiðavík. Nú er hægt að ræða við
Lalla eins og 56 ára gamlan mann en
ekki eins og trúð sem slær öllu upp í
grín. Til að Lalli komist á rétta braut
þarf hann að fá tækifæri sem hann
hefur aldrei fengið og þar skipta hús-
næði og aðhald mestu máli.
Vonast eftir hjáp borgarinnar
„Við erum að reyna að búa svo um
að hann komist í starfsþjálfun hjá okk-
ur á Ekron þegar afplánun lýkur. Hann
er með lögheimili í Reykjavík og því er
það velferðarsvið borgarinnar sem á
að sjá um hans mál þegar hann losn-
ar,“ segir Herdís. Hún bindur vonir við
að borgin aðstoði Lalla með húsnæði
og aðhald en sjálf telur hún best að
hann dveljist á áfangaheimili fyrst um
sinn. Þar sem Lalli er öryrki vonar hún
að Tryggingastofnun greiði fyrir hann
starfsþjálfunina en sjálf ætlar hún að
halda áfram við að aðstoða Lalla og
reyna að fylgja því eftir að hann fái þá
aðstoð sem hann þarf.
Þegar DV ræddi við Herdísi í gær
var hún nýkomin úr heimsókn frá
Lalla á Litla-Hrauni. „Hann er nokkuð
bjartsýnn að leyst verði úr hans mál-
um í þetta skipti en það kemur þó allt-
af upp tortryggni og vonleysi hjá hon-
um sem kannski er ekki skrýtið í ljósi
reynslunnar.“ Herdís segist fá góðar
móttökur fangavarðanna í hvert skipti
sem hún kemur og vilja þeir allt fyrir
þau gera.
Falla ekki í félagslegakerfið
„Ofsalega stór hluti fanga á ekki í
nein hús að venda þegar þeir losna úr
afplánun. Margir þeirra vita að þeir eru
á leið á götuna í sama félagsskapinn,“
segir Atli Helgason, talsmaður fanga.
Um fimmti hver fangi á ekkert fast
heimili eftir afplánun. Þá er viðkom-
andi ekki lengur í umsjá Fangelsis-
málastofnunar heldur félagsþjón-
ustu sveitarfélaganna. „Þarna verður
vart við þessi erfiðu mörk á milli ríkis
og sveitarfélaga. Sveitarfélögin setja
sjálf sínar reglur og ég veit að í mörg-
um þeirra njóta fangar ekki félagslegra
réttinda,“ segir Atli og segist hann nán-
ast geta fullyrt að almennt falli fangar
ekki inn í húsnæðisúrræði félagsþjón-
ustunnar í landinu. Þar sé stigakerfi og
þar sem fangar hafi bæði húsnæði og
fæði í fangelsinu fái þeir ekki stig fyrir
þá þætti, ekki fyrr en afplánun lýkur og
þeir standa allsslausir á götunni.
Atli tekur undir með Herdísi og seg-
ist bjartsýnn á að í þetta skipti fái Lalli
hjálp og telur hann síðustu helgar-
umfjöllun DV hjálpa þar til.
miðvikudagur 18. apríl 2007 n Dagblaðið vísir stofnað 1910
Fréttaskot
5 1 2 7 0 7 0
DV borgar 2.500 krónur fyrir fréttaskot sem leiðir til frétta.
Fyrir besta fréttaskot vikunnar greiðast 5.000 krónur.
Að auki eru greiddar 10.000 krónur fyrir besta fréttaskot hvers mánaðar.
Þannig er hægt að fá 15.000 krónur fyrir besta fréttaskot mánaðarins.
Laugavegur 53b • 101 Reykjavík • 5 11 3350 • www.hereford.is
HerefordBorðapantanir í síma 511 3350
2 fyri
r 1 á
drykk
jum
hússi
ns 17
-19
Íslenska nautakjötið
klikkar ekki.
Notum eingöngu sérvalið
íslenskt nautakjöt á
Hereford steikhúsi
Þeir eru ekkert að flýta sér
þessir í kerfinu...
BJARTSÝN Á AÐ BORGIN
KOMI LALLA TIL AÐSTOÐAR
Lalli Johns hefur yfirleitt verið heimilislaus að lokinni afplánun:
Wilson Muuga á flot Með góðum undirbúningi og hnökralausum vinnubrögðum tókst að draga Wilson Muuga af strandstað.
Nýsjálenskt dilkakjöt hefur ekki fengist afgreitt inn í landið:
100 kíló af kjöti eru föst í kerfinu
Notum stefnuljós
Lögreglan á Akureyri mun fram
að mánaðamótum áminna öku-
menn fyrir að nota ekki stefnuljós
með réttum hætti. Í fyrstu munu
ökumenn ekki fá sekt en eftir
mánaðarmót mun lögreglan halda
átakinu áfram og sekta þá öku-
menn sem ekki fara rétt að. Sekt
fyrir að nota ekki stefnuljós eru
fimm þúsund krónur.
Ríkisstjórnin
kolefnisjafnar
Allir bílar stjórnarráðsins verða
kolefnisjafnaðir og verða gróður-
sett tré til að stemma stigu við kol-
efnismengun bílanna, samkvæmt
ákvörðun ríkisstjórnarinnar.
Samþykkt var að öllum ráðu-
neytum og ríkisstofnunum verði
gert að kolefnisjafna vegna flug-
ferða ríkisstarfsmanna frá og með
næstu áramótum.
Samþykktin var gerð í framhaldi
af undirritun forsætisráðherra,
stjórnarformanns Orkuveitunnar og
forstjóra Kaupþings þar sem sam-
komulag var gert um stuðning við
kolefnissjóðinn Kolvið en hann ger-
ir landsmönnum keift að jafna kol-
efnislosun vegna samgangna með
því að beita skórækt í baráttunni.
Hægt er að greiða andvirði þeirra
trjáa í sjóðinn sem þarf til að jafna
kolefnismengun þeirra.
HJördís rut sigurJónsdóttir
blaðamaður skrifar: hrs@dv.is
Nítján ára dæmdir
Nítján ára piltur var, í Hér-
aðsdómi Reykjaness, dæmdur í
fjögurra mánaða skilorðsbund-
ið fangelsi fyrir þrjá þjófnaði og
eina tilraun til þjófnaðar. Hann
var einnig dæmdur til að greiða
eitt hundrað þúsund krónur í sekt
til ríkissjóðs en átta daga fangelsi
kemur í stað sektarinnar greiðist
hún ekki innan fjögurra vikna.
Annar nítján ára piltur var
sýknaður af ákæru vegna tveggja
innbrota en fundinn sekur um
líkamsárás gegn öryggisverði og
fyrir að hafa haft 0,17 grömm af
fíkniefnum í fórum sínum. Hon-
um var gert að greiða eitt hundr-
að þúsund krónur í ríkissjóð. Við
ákvörðun refsingar piltanna var
tekið tillit til ungs aldurs þeirra og
þess að rannsókn málanna dróst
á langinn.
Jakob Frímann
leiðir í Kraganum
Jakob Frímann Magnússon
tónlistarmaður skipar fyrsta sæti á
framboðslista Íslandshreyfingar-
innar í Suðvesturkjördæmi og Ásta
Þorleifsdóttir jarðfræðingur er í
fyrsta sæti á framboðslista flokksins
í Suðurkjördæmi.
Í öðru sæti í Suðurkjördæmi er
Ragnhildur Sigurðardóttir vistfræð-
ingur og Baldvin Nielsen, stýrimað-
ur og bílstjóri, í því þriðja. Annað
sætið í Suðvesturkjördæmi skipar
Svanlaug Jóhannsdóttir viðskipta-
fræðingur og í því þriðja er Lárus
Vilhjálmsson framkvæmdastjóri.
Lalli Johns Stór hluti fanga lendir alltaf
á sama stað því þeir hafa ekki í nein hús
að vernda.
Brann í þriðja sinn
Í nótt þurfti lögreglan á suð-
urnesjum að sinna útkalli vegna
bruna í bílhræi við Bakkastíg.
Þetta er í þriðja sinn sem kveikt er
í sama bílnum sem stendur niðri
við höfnina án númeraplatna. Að
sögn lögreglu er talið líklegt að
um sömu íkveikjuaðilana sé að
ræða í öll skiptin og lítið stendur
eftir af bílnum sem getur brunnið
til viðbótar.
Ók ölvaður í Kefla-
vík í gærkvöldi
Karlmaður á fertugsaldri var
tekinn ölvaður við akstur í Kefla-
vík í gærkvöldi. Reyndist hann
nokkuð undir áhrifum og var því
færður á lögreglustöð til mæling-
ar á vínmagni í blóði. Í kjölfarið
var bifreið hans kyrrsett og mað-
urinn bíður nú refsingar.