Læknablaðið - 15.03.1985, Qupperneq 44

66
LÆKNABLADID
Reikningar voru síðan samþykktir ein-
róma.
Gjaldkeri lagði síðan fram fjárhagshorfur
1984 og fjárhagsáætlun 1985. Reiknað er með
25% verðbólgu milli áranna 1984 og 1985.
Lagt var til, að árgjöld 1985 hækki í kr.
12.000.00eðaum 15% fráþví, semnúer, enda
gert ráð fyrir tekjuafgangi á þessu ári. Gjald
til svæðafélaga verður óbreytt, kr. 1.500.00.
Árgjaldið kr. 12.000.00 var síðan samþykkt
einróma.
Næst bauð formaður Láru M. Ragnarsdótt-
ur velkomna. Lára hélt síðan framsöguerindi
sitt um kostnað við heilbrigðisþjónustu á
íslandi og tók fyrir 2 efni:
1. Fjárfestingar í heilbrigðisþjónustu.
2. Áætlunargerð.
í fyrra efninu rakti Lára m.a. þróun og
fjárfestingarkostnað á síðustu 3 árum. Hún
taldi kostnað vera orðinn slíkan, að fólk væri
varla reiðubúið að greiða meira fyrir heil-
brigðisþjónustu. Kostnaður við heilbrigðis-
þjónustu hefði verið 3% af þjóðartekjum árið
1950 og árið 1983 10%. Lagði hún áherslu á
það, hve mikilvægt væri að nýta það fjár-
magn, sem fyrir hendi væri, sem bezt.
Síðan rakti hún þróun og kostnað við
fjárfestingar á síðustu 3 árum. Athyglisvert
var, hve erfitt hafði verið að safna upplýs-
ingum og sumum tilvikum nánast ómögulegt.
í umræðum um fyrra efni erindisins þakk-
aði Páll Sigurðsson Láru sérstaklega fyrir gott
erindi. Páll sagði fjárfestingu reyndar vera
aðeins brot af kostnaði við heilbrigðismál
og reksturinn væri það dýrasta. Þetta hafði
reyndar komið fram í erindi Láru áður.
Lára sagði fjárfestingu í húsnæði og tækj-
um auðvitað vera grunn að þeim rekstrar-
kostnaði, sem síðar kæmi.
Ólafur Ólafsson, landlæknir, sagði íslend-
inga lítið hrifna af langtímaáætlunum, sem
Lára síðan lagði áherzlu á, þyrftu að vera
sveigjanlegar.
Páll Sigurðsson sagði síðan erfiðleika vera
á að taka í notkun nýjar sjúkrastofnanir,
vegna þess að rekstrarfé vantaði.
Pétur Pétursson taldi, að þar sem við
hefðum engin útgjöld til hermála, mættu
útgjöld til heilbrigðismála alveg hækka úr
10% þjóðartekna, sem nú er, í 16%.
í síðari hluta framsöguerindis síns um
áætlunargerð sagði Lára frá áætlana- og
hagsýsludeild ríkisspítalanna. Kom hún þar
inn á, að tölvuvinnslan auðveldaði mjög
úrvinnslu upplýsinga, sem síðan er grunnur
að markvissari áætlunargerð. Talaði hún um
kostnaðartegundaráætlun, kostnaðarstaðal-
áætlun, markmiðsáætlun og afkastaáætlun.
Síðan ræddi hún um þjónustueiningakerfi,
sem notað hefur verið til að reikna út nýtingu
og kostnað á sjúkrastofnunum. Þar kom i
ljós, að þjónustueiningar hafa aukist um 8%
frá 1981, en kostnaður á einingu hefur lækkað
um 12%á sama tíma.
Síðan lagði Lára áherzlu á það, að ef bæta
eigi heilbrigðisþj ónustu án þess að auka hlut
hennar af þjóðarútgjöldum, þarf að bæta
áætlunargerð og fylgjast stöðugt með.
Að loknum stuttum umræðum, þar sem
m.a. kom fram mikil ánægja með þessi tvö
efni framsöguerindis Láru, var henni þakkað
með góðu lófataki.
Þá var tekið fyrir stjórnarkjör. Stjórn L.í.
bar fram tillögu um kjör eftirtalinna, en engin
móttillaga barst, og voru þeir því allir
sjálfkjörnir:
Varaformaður til 2ja ára: Halldór Steinsen
Ritari til 2ja ára: Kristján Eyjólfsson
Meðstjórnandi til 1 árs: Arnór Egilsson,
Finnbogi Jakobsson, Haukur Þórðarson
Ólafur Z. Ólafsson.
Endurskoðandi: Einar Jónmundsson.
Varamaður: Þorkell Bjarnason.
í Gerðardóm til 2ja ára; Sigursteinn
Guðmundsson.
Varamaður: Pálmi Frímannsson.
í Siðanefnd til 2ja ára: Guðmundur Péturs-
son, Þorgeir Gestsson.
Varamenn: Hannes Finnbogason, Ólafur
Bjarnason.
Önnur mál.
Jón Bjarni Þorsteinsson minntist á avinnu-
leysistryggingasjóð. Fyrr eða síðar yrði að
gera eitthvað í því máli. Þessi sjóður er orð-
inn sterkur í Svíþjóð og Danmörku. Atvinnu-
leysi fer að verða yfirvofandi hér á landi.
Þorvaldur Veigar minnist á Styrktarsjóð
Iækna, sem varð til 1966 eftir launadeilu
lækna, sem þá var. Gerð var reglugerð um
sjóðinn. Eina læknafélagið, sem samþykkti
reglugerðina, var L.R. Tillaga um að leggja
sjóðinn niður hefur nú verið samþykkt tvisvar
á aðalfundi L.R., og er hann nú til ráðstöfun-
ar.
Þorvaldur Veigar þakkaði Kristófer Þor-