Læknablaðið - 15.05.1986, Side 8

120
1986; 72; 120-5 LÆKNABLAÐIÐ
HEIÐURSFÉLAGAR LÆKNAFÉLAGS REYKJAVÍKUR
Á fundi stjórnar Læknafélags Reykjavíkur þann 13. febrúar 1986 voru
Snorri Páll Snorrason og Þórarinn Guðnason kjörnir heiðursféiagar
L.R. Kjörið var kynnt á aðalfundi félagsins 12. mars eins og félagslög
gera ráð fyrir. Þeim voru afhent heiðursskjöl kjörinu til staðfestingar
við athöfn í Domus Medica 14. mars síðastliðinn. Formaður L.R.,
Kristján Baldvinsson flutti ávarp og Örn Bjarnason og Guðmundur I.
Eyjólfsson ávörpuðu hina nýkjörnu heiðursfélaga. Fara ávörp þeirra hér
á eftir.
ÁVARP KRISTJÁNS BALDVINSSONAR
Góðir gestir. Fyrir hönd stjórnar L.R. býð ég
ykkur öll hjartanlega velkomin.
Tilefni þessarar samkomu er það, að á
fundi stjórnar og meðstjórnar L.R. þann 13.
febrúar sl., var einróma samþykkt að gera
læknana Snorra Pál Snorrason og Þórarin
Guðnason að heiðursfélögum L.R. fyrir
frábært framlag til félagsmála lækna og ís-
lenskrar læknisfræði á undanförnum ára-
tugum.
Ég átti því láni að fagna að kynnast þeim
báðum á stúdentsárum mínum og hefi síðan
talið þá einhverja mestu heiðursmenn ís-
lenskrar læknastéttar. Báðir eru þeir
gæddir þeim fágæta hæfileika að geta kennt,
leiðrétt og jafnvel sett ofan í við menn án þess
að særa þá. Af framkomu þeirra mátti ekki
síður læra en orðum.
Mér kemur í hug setning frá Laó tse:
»Hinn virtri starfar án strits og kennir án
orða.«
Hér á eftir verða hinir nýju heiðursfélagar
ávarpaðir, hvor fyrir sig og afhent heiðurs-
skjöl. Örn Bjarnason mun ávarpa Snorra
Páll Snorrason og Guðmundur Eyjólfsson
Þórarin Guðnason.