Læknablaðið - 15.05.1986, Blaðsíða 53

LÆKNABLAÐIÐ
149
SKÝRSLA ORLOFSNEFNDAR
íbúð læknafélaganna á Akureyri og or-
lofshúsin í Brekkuskógi í Biskupstungum
njóta vaxandi vinsælda meðal lækna. Þótt
leigugjöld hafi hækkað verulega, voru þau
þó mun lægri en hjá BHM. Þar sem leigu-
gjöldin standa ekki undir kostnaði, hefur
verið ákveðið, að í Brekkuskógi verði lín
framvegis ekki innifalið leigunni, en hægt
verði að fá það leigt gegn sérstöku gjaldi.
Nú i febrúar var gengið frá kaupum á
orlofsíbúð í Reykjavík, en það er í samræmi
við ályktanir aðalfunda L.í. Um er að ræða
4ra herbergja íbúð í fjölbýlishúsi í Ljós-
heimum 22. íbúðin verður afhent í sumar
og verður tilbúin til útleigu í haust.
Útleiga íbúðarinnar verður með svipuðu
sniði og útleiga íbúðarinnar á Akureyri.
Einnig er hugsanlegt að hýsa þar erlenda
gesti, sem hingað koma á vegum læknaféla-
ganna eða annarra aðila í þágu lækna. Þá er
einnig hugsanlegt að halda þar fundi og
minni háttar ráðstefnur.
Læknafélögunum hefur boðist til kaups
sumarbústaður við Hreðavatn í Borgarfirði.
Landfræðilega er staðsetning hans heppileg,
en athugun málsins er enn á frumstigi og
engar skuldbindingar hafa verið gerðar.
(J.S.)
SKÝRSLA SAMNINGANEFNDAR
SÉRFRÆÐINGA UTAN SJÚKRAHÚSA
Þann 1. júní sl. tók gildi nýr samningur um
sérfræðilæknishjálp utan sjúkrahúsa, sem
gildir til 1. maí 1987.
í nóvember sl. taldi samninganefnd
sjúkratrygginga, að hækkun vegna nýrrar
gjaldskrár hefði orðið mun meiri en forsend-
ur þeirra hefðu gert ráð fyrir. Þetta átti við
um háls-, nef- og eyrnarlækna, augnlækna,
húðlækna, endurhæfingarlækna, svæfingar-
lækna, taugasjúkdómalækna og síðar bætti
T.R. rannsóknarlæknum í þennan hóp. í
framhaldi af þessu ákvað T.R. einhliða að
greiða þessum sérfræðingum reikninga
þeirra með ákveðnu »þaki«.
Vegna þessa sögðu flestir sérfræðingar í
ofangreindum hópum upp samningum við
sjúkratryggingarnar frá og með 1. maí n.k.
Fjölmennur fundur sérfræðinga fordæmdi
þessar aðgerðir T.R., en fól samninganefnd
að ganga til samninga um að samræma betur
kjör sérfræðinga hinna ýmsu greina, lækka
þá, sem að mati nefndarinnar hefði óeðlilega
háar tekjur, en hækka aðra (t.d. barna-
lækna), sem ekki hefðu einu sinni náð þeirri
hækkun, sem T.R. gerði ráð fyrir. Samn-
ingar hafa síðan staðið yfir og miðað nokk-
uð, þótt ekki sé séð fyrir endann á þeim
þegar þetta er ritað.
(T.Á.)
í lok síðasta árs lögðu samninganefndir fram
kröfugerðir um nýja samninga sjúkrahús-
lækna, fastráðinna lækna og heimilislækna
utan heilugæzlustöðva, en samningavið-
ræður eru ekki hafnar að neinu marki.
(P.Þ.).
SKÝRSLA NÁMSKEIÐS- OG
FRÆÐSLUNEFNDAR
Helztu störf nefndarinnar voru, eins og und-
anfarin ár, undirbúningur haustnámskeiðs,
sem haldið var dagana 23. til 27. september
1985. Að þessu sinni voru aðalefni þingsins
öldrunarlækningar og barnalækningar.Tveir
erlendir fyrirlesarar héldu erindi á þessum
hluta námskeiðsins í boði fræðslunefndar.
Þá voru á námskeiðinu flutt á þriðja tug
frjálsra erinda og tekin var upp sú nýbreytni
að gefa mönnum kost á spjaldsýningum
(posters). Gafst það mjög vel og bárust 12
spjöld til sýningar.
Námskeiðið var vel sótt af læknum, en
einnig virðist það færast í vöxt, að hjúkr-
unarfræðingar og aðrar heilbrigðisstéttir
sæki haustnámskeiðið.
Af öðrum störfum fræðslunefndar má
nefna fjárstuðning við sérgreina- og svæða-
félög vegna fyrirlestra og námskeiðahalda
eins og áður hefur verið.
Fræðslunefnd hefur einnig í vaxandi mæli
á þessu ári haft samvinnu við endurmennt-
unarnefnd Háskóla íslands um námskeiða-
hald. Á árinu voru í samvinnu við endur-
menntunarnefnd H.í. haldin þrjú námskeið
ætluð læknum, tvö um tölfræði og eitt um
grundvallaratriði ónæmisfræði, einnig í sam-
vinnu við Ónæmisfræðifélag íslands.
Magnús Jóhannsson hefur verið aðaltengi-
liður nefndarinnar við endurmenntunar-
nefnd H.í. Er vonandi, að áframhald verði á
góðu samstarfi við þá nefnd í framtíðinni.
Um þessar mundir er fræðslunefnd að
undirbúa námskeið um stjórnun fyrir lækna,
sem haldið verður um miðjan marz. Er það
hugsað sem undirbúningsnámskeið undir
frekara stjórnunarnámskeið í tengslum við
haustnámskeið læknafélaganna. (P.L.).