Vesturland - 26.09.2013, Page 2

2 26. september 2013
Byggðastofnun
greiðir 170
milljónir króna
í flutningsjöfn­
unarstyrki
- rúmlega 20 milljónir króna til
Norðurlands vestra, eða um 12%
Greiddar hafa verið tæplega 170 milljónir króna í svo-kallaðan flutningsjöfnunar-
styrk á þessu ári. Markmiðið er að
styðja framleiðsluiðnað og atvinnu-
uppbyggingu á landsbyggðinni með
því að jafna kostnað framleiðenda
við flutning á vörum sínum. Þetta á
við þá sem eru með framleiðslu og
lögheimili fjarri innanlandsmarkaði
eða útflutningshöfn og búa af þeim
sökum við skerta samkeppnisstöðu
vegna hærri flutningskostnaðar en
framleiðendur sem eru nær mark-
aðinum. Opnað var fyrir rafrænar
umsóknir í mars en umsóknarfrestur
er til 31. mars ár hvert fyrir síðast-
liðið almanaksár. Á þessu ári bár-
ust umsóknir frá 63 aðilum vegna
kostnaðar við flutning á árinu 2012.
Samþykktar umsóknir voru 58 en 8
var synjað.
Fyrirtæki á Norðurlandi eystra
fengu mest í sinn hlut, eða rétt tæp-
lega 100 milljónir króna. Vestfirðir
komu þar næst með tæplega 40 millj-
ónir króna og Norðurland vestra með
rúmlega 20 milljónir króna. Fyrir-
tæki á Suðurnesjum fengu minnst,
eða 243 þúsund krónur.
Byggðastofnun hóf vinnu í jan-
úar við umsóknarferil flutningsjöfn-
unarstyrkja samkvæmt lögum nr.
160/2011 um svæðisbundna flutn-
ingsjöfnun. Er þetta í fyrsta skiptið
sem slíkir styrkir eru veittir á Íslandi
og var því undirbúningur og kynning
á umsóknaferlinu mikill.
skipting kökunnar milli landshluta.
Hækkað menntunarstig
í Norðvesturkjördæmi
-tilraunaverkefni sem byrjar vel
Tilraunaverkefni um hækkað menntunarstig í Norðvestur-kjördæmi fer vel af stað. Verk-
efnið er liður í átaki til þess að hækka
menntunarstig í íslensku atvinnulífi
og eitt af nokkrum verkefnum sem
sett voru af stað í framhaldi af kjara-
samningum aðila vinnumarkaðarins í
maí 2011. Í sumar hafa 12 starfsmen á
vegum verkefnisins farið vítt og breytt
um kjördæmið og tekið viðtöl við um
700 stjórnendur og starfsmenn fyr-
irtækja og stofnana. Megintilgangur
viðtalanna er að kanna þörf einstak-
linga og atvinnulífs fyrir menntun. 100
viðtöl hafa verið tekin við starfsfólk af
erlendum uppruna. Verkefnið nýtur
mikils velvilja og hefur starfsfólk alls
staðar fengið góðar móttökur.
Viðtölum lauk í í byrjun septem-
ber en bráðbirgðaniðurstöður voru
kynntar á fundi verkefnastjórnar sem
fram fór á Ísafirði föstudaginn 23. ágúst
sl. Í verkefnastjórninni sitja fulltrúar
atvinnulífs, stéttar-félaga, sveitarfélaga
og skóla- og fræðslustofnana í Norð-
vesturkjördæmi. Vilhjálmur Egilsson,
rektor Háskólans á Bifröst, er formaður
verkefnastjórnar en skólinn annast
jafnframt umsýslu um verkefnið.
Spurningar sem snúa að áhuga og
aðgengi að námi, hvatningu og hindr-
unum
Bráðabirgðaniðurstöður gefa til
kynna að skortur er á iðnmenntuðu
fólki í kjördæminu og að þörf er á námi
tengdu sjávarútvegi, matvælafram-
leiðslu og þjónustu. Algengasta ástæða
þess að fólk hættir námi er áhugaleysi,
fjárhagsaðstæður og fjölskylduað-
stæður. Í viðtölum við erlent starfsfólk
kemur m. a. í ljós að meirihluti þeirra
hyggst búa áfram á Íslandi næstu 5 árin
og að íslenskukunnáttu þeirra er ábóta-
vant. Skoðanakönnun á meðal fyrir-
tækja í kjördæminu hefur verið unnin
um þörf fyrir menntun, heppilegasta
námsfyrirkomulag og fleira sem snýr
að eflingu menntunar í atvinnulífinu.
Á næstunni fer af stað könnun á meðal
einstaklinga í Norðvesturkjördæmi
sem byggir áþjóðskrárúrtaki. Leitað
verður svara við ýmsum spurningum
sem snúa að áhuga og aðgengi að námi,
hvatningu og hindrunum.
Ítarlegar niðurstöður viðtala og
kannana verða kynntar í lok septem-
ber. Þá verða einnig kynntar tillögur
um verkefni og aðgerðir sem byggja á
umræddum niðurstöðum.
Verkefnastjórnin kom saman á Ísafirði.
Kvöldsólin getur verið ógnarfögur þegar hún gægist yfir trjátoppanna skömmu áður en hún hverfur bar við ystu
sjónarrönd.