Vesturland - 26.09.2013, Qupperneq 4

4 26. september 2013
Vesturland
9. tBl. 2. ÁrGanGur 2013
Útefandi: Fótspor ehf., Suðurlandsbraut 54, 108 Reykjavík. Ábyrgðarmaður: Ámundi
Ámundason, auglýsingastjóri: Ámundi Ámundason sími 824-2466, netfang:
amundi@fotspor.is. auglýsingar: Sími: 578-1190 & netfang: auglysingar@fotspor.is.
ritstjóri: Geir A. Guðsteinsson, sími: 898-5933 & netfang: geirgudsteinsson@simnet.is.
umbrot: Prentsnið, Prentun: Ísafoldarprentsmiðja, 6.400 eintök. dreifing: Íslandspóstur.
Fríblaðinu er dreiFt í 6.400 eintökum í allar íbúðir á akranesi,
dreiFbýli á akranesi og í borgarnesi. blaðið liggur einnig Frammi
á helstu þéttbýlisstöðum á Vesturlandi
Að elska fjölskyldu sína þykir flestum sjálfsagt mál, en að elska óvin sinn og bera fyrir honum virðingu er hreinn kærleikur. Kærleikurinn er einfaldur, sýndu hann því það er svo auðvelt og kostar ekkert. Einelti
er allt of algengt hér á landi, og oft líðst það þrátt fyrir fögur orð um að tekið
sé með festu á slíkri vanvirðu. Stúlka sem var fædd með skarð í vör hefur þurft
að þola slíkt einelti alla tíð. Það lýsir hins vegar afar bágum karakter þeirra
sem slíkt stunda, jafnvel heimsku. Þessi harðneskja í samskiptum fólks birtist
með ýmsum hætti og er allt of algeng er í nútíma þjóðfélagi. En kannski hafa
þeir unglingar sem telja einelti ekkert athugavert það eftir háttarlagi þeirra
fullorðnu. Þeir verða kannski varir við harðneskjulegar innheimtuaðgerðir
banka, tryggingafélaga og fleiri stofnana á eigin heimilum og finnst því ekkert
athugavert að endurspegla það. Sumar innheimtuaðgerðir eru ekkert annað
en gróft einelti. Virðing þjóðarinnar fyrir Alþingi er í molum, og þar er við
engan annan að sakast en sjálfa þingmennina. Þingmenn þjóðarinnar ættu
að sýna hver öðrum meiri kærleika, þá gengju þingstörfin kannski betur á
Alþingi og meiri virðing yrði borin fyrir stjórnmálamönnum almennt. Flest
kosningaloforð stjórnarflokkanna sem gefin voru á vordögum hafa ekki enn
séð dagsins ljós, en vonandi stendur það til bóta, a.m.k. hefur forsætisráðherra
boðað stórfellda hjálp til handa þeim heimilum sem verst standa fjárhags-
lega. Almenningur vill trúa því að svo verði, annars fer allt í bál og brand
og þá verður svokölluð búsáhaldabylting aðeins hjóm eitt í samanburði við
þær aðgerðir sem reiður almenningur gæti gripið til. Hveitibrauðsdögum
ríkisstjórnarinnar lauk 1. september sl., nú bíður þjóðin raunhæfra aðgerða.
Sigmundur Davíð Gunnlaugsson, forsætisráðherra, flutti ávarp og tók þátt
í umræðum á aðalfundi Samtaka sveitarfélaga á Austurlandi sem fram fór á
Eskifirði. Í ávarpi sínu fjallaði forsætisráðherra um stefnu ríkisstjórnarinnar í
byggðamálum sem m.a. gerir ráð fyrir að áfram verði unnið að samþættingu
opinberra áætlana og gerð sérstakra landsáætlana í samvinnu við sveitarfélögin.
Ætlunin sé að dreifstýra almannafé í gegnum áætlanir hvers landshluta með
það að markmiði að færa aukin völd og ábyrgð til landshlutanna. Þannig megi
ná fram betri nýtingu fjármuna, einfalda stoðkerfi atvinnu- og byggðaþróunar,
ýta undir enn meira samráð innan hvers landshluta á grundvelli svæðisbund-
inna áherslna og færa ákvarðanatöku nær heimamönnum. Forsætisráðherra
sagði eðli byggðamála vera að þau kæmu við sögu í öllum ráðuneytum. Þess
vegna sé mikilvægt að Stjórnarráðið sé samhent í vinnu við málaflokkinn
og ætlunin væri að halda samráði allra ráðuneyta um byggðamál áfram og
samhæfa aðkomu stjórnvalda í skrefum. Ráðherra gerir ráð fyrir að það fjár-
magn sem nú rennur um vaxtarsamninga, menningarsamninga og samninga
eða styrkja sem lúta að byggðaþróun í víðtækri merkingu, bætist auk þess
við farveg áætlanagerðarinnar. Þetta er lofandi áætlun, en bíðum efndanna.
Vestlendingum fjölgar lítið hlutfallslega milli ára, þó meira en í mörgum öðrum
landshlutum en það þarf að skapa þarf nýjum íbúum meira olnbogarými í
formi atvinnutækifæra, og auka það fjölbreyttni atvinnulífsins. Að því er
unnið af ýmsum af mikilli kostgæfni, ekk síst af Markaðsstofu Vesturlands, en
starfsmenn stofunnar hafa verið óþreytandi að kynna kosti Vesturlands fyrir
ferðamenn. Í kjölfarið ætti að geta vaknað áhugi fólk í öðrum landshlutum að
setjast að á Vesturlandi, en til þess þurfa auðvitað að liggja fyrir aukin flóra
atvinnutækifæra. Ef það gerist ekki leita leitar fólk í aðra landshluta og íbúarnir
yfir lækinn til annarra sveitarfélaga utan kjördæmisins, þar sem þjónustan
er góð, s.s. aðstaða til íþróttaiðkunar. Hún er víða orðin góð á Vesturlandi en
betur má ef duga skal. Það er alveg deginum ljósara.
Geir A. Guðsteinsson
Er raunverulega von
á hjálp við heimili í
fjárhagsvanda?
Leiðari
Er Baula einkenn­
isfjall Borgarfjarðar?
Baula er keilumyndað fjall úr líparíti eða ljósgrýti, vestan eða ofan Norðurárdals í Borgarfirði.
Baula er 934 metra há og myndaðist í
troðgosi fyrir rúmlega 3 milljónum ára,
þegar súr bergkvika á uppleið tróðst
inn í jarðlagastafla skammt undir yf-
irborðinu. Þegar að bergkvikan svo
storknaði myndaðist innskot í staflann,
harðara og fastara fyrir en hraunlögin í
kring. Jöklar hafa svo unnið á ytra bergi
í aldanna rás og eftir stendur Baula.
Fjallið var fyrst klifið svo vitað sé
árið 1851 og þótti afrek, en þrátt fyrir
að Baula sé bratt fjall og skriðurunnið
er uppgangan auðveld að suðvestan
eða suðaustan. Vestan og norðan Baulu
eru Litla-Baula og Skildingafell og þar
á milli Sátudalur. Úr Sátudal rennur
Dýrastaðaá í gljúfrum með fjölda
fossa og sameinast Norðurá hjá Hóli
og Hafþórsstöðum. Fjallið er bratt og
skríðurunnin og torfærulaust en sein-
farið, en mögulegt að ganga á fjallið að
suðaustan eða suðvestan frá Bjarnardal.
Hálflaust stórgrýti á leiðinni.
Sögur og sagnir[breyta]Sagan segir
að upp á Baulutindi sé tjörn og í henni
óskasteinn. Á sá sem að nær í steininn
að fá óskir sínar upp fylltar, en stein
þennan flýtur ekki upp nema eina nótt
á ári, Jónsmessunótt.
Hvort Baula eer einkennisfjall Borg-
arfjarðar eins og nefnt er í fyrirsögn-
inni skal ekkert fullyrt um, en vissulega
kemur fjallið til greina.
Þróun íbúafjölda síðustu tvo áratugina:
Íbúum hefur fjölgað í ná­
grenni höfuðborgarsvæðis­
ins, norður um Borgarfjörð
Byggðastofnun hefur útbúið kort sem sýnir þróun íbúafjölda eftir sveitarfélögum á árunum 1992-
2013. Hlutfallslega mesta fjölgunin á
landsbyggðinni var í sveitarfélaginu
Vogar þar sem fjölgaði um 66% en
mesta íbúafjölgunin var í Reykjanesbæ
þar sem fjölgaði um 4.048 íbúa og í
sveitarfélaginu Árborg þar sem fjölgaði
um 2.649 íbúa.
Þróun íbúafjöldans eftir sveitar-
félögum síðustu áratugi hefur verið
misjöfn og afdrifarík fyrir margar
byggðir landsins. Síðustu tvo áratugi
hefur íbúum fjölgað í sveitarfélögum
á höfuðborgarsvæðinu og í nágrenni
þess, norður um Borgarfjörð, austur að
Markarfljóti og suður á Reykjanes. Þá
hefur íbúum fjölgað á Akureyri og næsta
umhverfi og á Fljótsdalshéraði. Íbúum
hefur fækkað á öðrum svæðum. Mest
hefur íbúum fækkað í sveitarfélögum
á Vestfjörðum, Norðurlandi vestra,
Norðausturlandi og Suðausturlandi. Má
segja að fækki á öllum hornum landsins
nema á Suðvesturhorninu. Fækkun íbúa
á tímabilinu 1992-2013 varð yfir 30% í
nokkrum sveitarfélögum, Árneshreppi
á Vestfjörðum (50,46%), Breiðdals-
hreppi á Austurlandi (45,78%), Súða-
víkurhreppi á Vestfjörðum (42,07%),
Tjörneshreppi á Norðurlandi eystra
(38,2%) Kaldrananeshreppi á Vest-
förðum (37,5%), Vesturbyggð á Vest-
fjörðum (37,22%), Borgarfjarðarhreppi
á Austurlandi (35,32%) og Fjallabyggð
á Norðurlandi eystra (31,8%).
Þróun íbúafjölda á Vesturlandi er að mörgu leiti jákvæð.
Fjallið er ákaflega formfast og sker sig nokkuð úr frá fjallgarðinum í kring. Þaðan er afar víðsýnt þegar þoka er ekki
að skemma útsýnið, það getur ritstjóri Vesturlands vottað.
Auglýsingasíminn er 578 1190