Dagblaðið Vísir - DV - 25.06.2007, Blaðsíða 20

Það var frábært veður á Hólmsvelli í Leiru
þegar lokahringurinn fór fram í gær þegar
þriðja Kaupþingsmótið fór fram. Aðstæður all-
ar eins og best verður á kosið, þó að vindurinn
hafi verið að stríða kylfingum.
Ragnhildur Sigurðardóttir úr GR var með
sex högga forystu í kvennaflokki fyrir loka-
hringinn en hún byrjaði afleitlega og lék fyrstu
sex holurnar á 6 höggum yfir pari. Mikil spenna
var það sem eftir var hjá konunum en reynsla
Ragnhildar vó þungt og lék hún lokahringinn
á 83 höggum og var einu höggi á undan Nínu
Björk Geirsdóttur úr GKJ, sem lék lokahringinn
á 78 höggum. Tinna Jóhannsdóttir úr GK lék
besta hringinn í gær, var á 76 höggum og hafn-
aði í þriðja sæti. Samtals lék Ragnhildur hring-
ina þrjá á samtals 20 höggum yfir pari, Nína var
á 21 höggi yfir pari og Tinna á 23 höggum yfir
pari.
Sátt við erfiðan völl
Ragnhildur var að vonum sátt eftir mótið
og sagði að forskotið sem hún hafði fyrir loka-
daginn hefði hjálpað sér gríðarlega. „Þetta var
erfiður dagur hjá mér, líka hjá hinum. Það
er svolítið erfitt að eiga við kargann þarna og
brautirnar eru frekar mjóar líka. En völlur-
inn var samt æðislegur. Ég var bara að gera
þetta alltof erfitt fyrir mig. Var ekki nógu ná-
kvæm í neinu sem ég var að gera í dag. Þannig
ég þræddi sandgryfjurnar alveg. En aðstæð-
ur voru erfiðar og þá getur allt gerst. Þetta er
svona völlur sem tekur frá manni svolítið. Þeg-
ar hann er settur svona upp, þegar karginn er
svona þykkur þá verðlaunar hann mikið fyrir
nákvæmni.
Það var eiginlega ekkert svona gott. Þetta
nuddaðist eiginlega bara áfram. En ég bjó vel
að þessu forskoti sem ég hafði þannig að það
dugði til.“
Ragnhildur segir að hún hafi lítið æft en nú
ætli hún sér að bæta úr því.
„Næst á dagskrá hjá mér er meistaramót
klúbbsins og síðan er Íslandsmótið í golfi
þannig það er heilmikið framundan. En Lands-
mótið er ekki fyrr en eftir mánuð þannig mað-
ur hefur svona ágætis tíma til að undirbúa sig.
Ég hef ekki mikið verið að æfa, er svona að fara
sinna því betur núna. Sparka í rassinn á mér
eftir þetta mót. Ég er ekki alveg með þetta eins
og ég vil hafa þetta.“
Bráðabani hjá körlunum
Það var ekki síðri dramatíkin hjá körlunum.
Haraldur Heimisson úr GR hafði þó sigur eftir
bráðabana við Davíð Már Vilhjálmsson úr GKJ.
Davíð Már átti eitt högg á Harald fyrir lokaholuna.
Haraldur fékk fugl á 18. holu og lék á 75 höggum
en Davíð fékk par og lék hringinn á 78 höggum
. Þeir luku því leik á samtals 4 höggum yfir pari.
Þeir léku 16. holuna í bráðabana og þurftu
að leika hana fjórum sinnum áður en úrslit
fengust. Þeir náðu báðir pari fyrstu þrjár um-
ferðirnar, en í fjórðu umferð fékk Haraldur par
á meðan Davíð varð að sætta sig við skolla.
Í fjórðu umferðinni sló Davíð í bönker sem
er við 9. flötina á meðan Haraldur setti kúluna
sína inn á flöt. Davíð sló úr bönker og inn á flöt
og var um 12 metra frá holu á meðan Harald-
ur var 10 metra frá holu eftir fyrsta högg. Dav-
íð reyndi við parið, en var metra frá holu. Har-
aldur átti gott pútt og setti hann um 30 cm. frá
holu og tryggði þannig parið. Davíð fékk skolla
og þar með rann gullið honum úr greipum.
Örn Ævar Hjartarson úr GS lék hringinn á
75 höggum og var samtals á 6 höggum yfir pari
og hafnaði í þriðja sæti.
Fjögur ár síðan síðasti
sigurinn kom í hús
„Þetta var mjög erfitt, erfiður dagur, mik-
ill vindur og þykkur kargi og þá voru flatirnar
mjög harðar,“ sagði Haraldur Heimisson sigur-
vegari. „Brautirnar voru líka svolítið harðar og
allt til samans gerir það að verkum að það er
gríðarlega erfitt að ná góðu skori af einhverju
viti. Sérstaklega á fyrri níu.
Karginn refsaði mjög. Sérstaklega var talað
um fyrir stelpurnar að það hefði verið erfitt fyr-
ir þær að slá í gegnum hann. Þegar þú slóst á
ákveðna staði á vellinum þá varstu heppinn að
ná meira en 100 metrum.“
Haraldur lenti í mögnuðum bráðabana á
móti Davíð Má Vilhjámssyni sem var frábær
skemmtun fyrir áhorfendur.
„Hann átti orðið þrjú högg á mig eftir níu
holur og ég vissi að seinni níu myndu spilast
eithvað auðveldar og ég yrði að spila á tveim-
ur undir til að ná honum. Svo náði ég að jafna
á 18. holu og komst í bráðabana. Síðan spilum
við sömu holuna fjórum sinnum og þar var
alltaf jafnt. Svo gerði hann smá mistök og sló til
hægri og lenti í erfiðri stöðu. Ég sló þá inn á flöt
og náði að tvípútta á meðan hann fékk skolla
og þá vann ég.“
Þetta er þriðji sigur Haralds og segir hann
tilfinninguna alltaf jafn góða því langt er síðan
síðasti sigur kom.
„Það eru kominn fjögur ár síðan síðasti sig-
ur kom þannig þessi var helvíti ljúfur. Í fyrra
fyrir sama mót fékk ég botnlangakast fyrir æf-
ingahringinn þannig að ég missti af mótinu.
En það er bara gaman að vinna þetta mót
og gaman að vera í baráttunni og ná að klára
þetta,“ sagði Haraldur að lokum.
benni@dv.is
MÁNUDAGUR 25. JÚNÍ 200720 Sport DV
Haraldur Heimisson úr GR og Ragnhildur Sigurðardóttir einnig úr GR sigruðu á þriðja Kaupþingsmóti
sumarsins. Gríðarleg dramatík einkenndi mótið sem fór fram í blíðskaparveðri á Hólmsvelli í Leiru.
SVEIFLUR
Í GOLFINU
1 Haraldur Hilmar Heimisson GR
70 75 75 220 4
2 Davíð Már Vilhjálmsson GKJ
69 73 78 220 4
3 Örn Ævar Hjartarson GS
76 71 75 222 6
4 Sigurður Pétur Oddsson GR
77 72 74 223 7
5 Björgvin Sigurbergsson GK
74 73 76 223 7
LOKASTAÐAN HJÁ
KÖRLUNUM
1 Ragnhildur Sigurðardóttir GR
74 79 83 236
2 Nína Björk Geirsdóttir GKJ
75 84 78 237
3 Tinna Jóhannsdóttir GK
78 85 76 239
4 Eygló Myrra Óskarsdóttir GKG
79 80 81 240
LOKASTAÐAN HJÁ
KONUNUM
Síðasta púttið. Haraldur
Heimisson úr GR vann þriðja mót
Kaupþingsmótaraðarinnar eftir
æsilegan bráðabana. MYNDIR:
Víkurfréttir
Æsilegur lokahringur
Ragnhildur Sigurðardóttir úr
GR var með sex högga
forustu fyrir lokahringinn.
Hún byrjaði illa en hafði sigur
að lokum.