Kjarninn - 13.03.2014, Síða 17

05/06 Sjávarútvegur
erfiðar SamningSViðræður fram undan
Íslendingar, Norðmenn og Liechtenstein eru aðilar
að samningnum um Evrópska efnahagssvæðið (EES)
sem hefur verið í gildi við Evrópusambandið frá
byrjun árs 1994. Samningurinn veitir aukaaðild að
innri markaði Evrópusambandsins og ýmsum öðrum
þáttum Evrópusamstarfsins án þess að ríkin þrjú
gangi í sambandið eða hafi bein áhrif á ákvarðana-
töku innan þess.
Hluti af samkomulaginu felst í því að EES-ríkin
greiða háar upphæðir í svokallaðan þróunarsjóð
EFTa. Þær greiðslur eru oft nefndar verðmiðinn inn
á innri markað Evrópusambandsins. Þessi sjóður
úthlutar síðan fjármagni til þeirra fimmtán aðildar-
ríkja Evrópusambandsins sem teljast til þróunarríkja
innan þess.
Samningar um framlög í sjóðinn eru teknir upp
á fimm ára fresti. Síðast var samið um tímabilið
2009 til 2014. Framlög í hann voru áætluð um
155 milljarðar króna á verðlagi dagsins í dag á því
tímabili. af því framlagi var áætlað að Ísland greiddi
tæplega fimm prósent, allt að sjö milljarða króna. Á
árinu 2014 greiðir Ísland til að mynda 1,4 milljarða
króna í sjóðinn samkvæmt fjárlögum. Liechtenstein
borgar rétt yfir eitt prósent kostnaðarins og Noregur
tæplega 95 prósent. auk þess er til sérstakur
Þróunarsjóður Noregs sem þróunarríki Evrópu-
sambandsins fá úthlutað úr. Norðmenn borga um
125 milljarða króna inn í hann á tímabilinu. Norð-
menn borga því um 260-270 milljarða króna fyrir
aðgöngu að innri markaðnum.
Í ár, 2014, þarf að semja upp á nýtt um þessar
þróunargreiðslur. Hörð afstaða Norðmanna
gagnvart Íslendingum í makríldeilunni, sem nú er
í uppnámi eftir samkomulagið í gær, og afstaða
íslenskra stjórnvalda til aðildarviðræðna sinna við
Evrópusambandið, sem er í lausu lofti sem stendur,
mun gera þær samningaviðræður mun erfiðari en
ella.