Kjarninn - 13.03.2014, Side 21

03/06 topp 5
4 Myndi hafa áhrif á gullfoss
Gullfoss, ein mesta náttúruperla Íslands
og einn vinsælasti ferðamannastaður
landsins, verður vatnsminni og und-
ir miklum áhrifum ef Bláfellsvirkjun
verður einhvern tímann að veruleika.
Virkjunin er eins og margar aðrar virkj-
anir tilbúin á teikniborðinu, en hún er
í verndarflokki samkvæmt núverandi
Rammaáætlun. Bláfellsvirkjun er yfirheiti
virkjunar Hvítár norðaustan við Bláfell
á Kili og myndi skila 76 megavöttum. Ef
þessi virkjun yrði byggð mætti búast við
gríðarlega hörðum deilum og mótmælum
enda sjálfur Gullfoss undir, sem Sigríð-
ur Tómasdóttir í Brattholti bjargaði frá
virkjun í kringum aldamótin 1900. Fossinn
skilar vafalítið miklu hærri fjárhæðum í
þjóðarbúið óvirkjaður en virkjaður, enda
eru margfeldis áhrif ferðaþjónustunnar
sem honum tengjast líklega metin á marga
milljarða á hverjum ári. Allar aðgerðir
sem með einhverjum hætti gætu raskað
þessari perlu íslenskra náttúru virka
afskaplega vitlausar.