Kjarninn - 13.03.2014, Qupperneq 23

05/06 topp 5
2 risavirkjunin kárahnjúkavirkjun
Ég stóð á virkjunarveggnum við
Kárahnjúka þegar vatnssöfnunin hófst
í Hálslón haustið 2006. Það var tilkomu-
mikil sjón enda um langsamlega stærstu
framkvæmd Íslandssögunnar að ræða.
Virkjunin framleiðir rafmagn fyrir álver
Alcoa á Reyðarfirði, eins og alkunna er.
Virkjunin er verkfræðilegt afrek en hefur
hún verið gífurlega umdeild, ekki aðeins
vegna mikilla umhverfisáhrifa heldur
ekki síður vegna þess að arðsemi henn-
ar, að mati Harðar Arnarsonar forstjóra
Landsvirkjunar, er ekki við unandi og lítil
í alþjóðlegum samanburði. Þetta hefur
hann sagt ítrekað opinberlega. Bygging
virkjunar innar leiddi til mikillar og
djúprar umræðu um náttúruvernd og
almenna pólitíska stefnu þegar kemur
að orkubúskap þjóðarinnar. Sú umræða
stendur enn og mun vafalítið gera um
ókomna tíð. Þegar fram í sækir verða
djúpstæðustu áhrif virkjunarinnar
kannski ekki mæld í seldum megavöttum
heldur mikilli samfélagslegri umræðu
um náttúruna og áskoranir sem Ísland
og umheimurinn standa frammi fyrir í
umhverfismálum.