Kjarninn - 13.03.2014, Page 82

02/06 MarkaðSMáL
flokka. Í þeim fyrri eru forvarnarauglýsingar eins og
tóbaksvarnarauglýsingar, umferðaröryggisauglýsingar og
vímuefnaauglýsingar.
Í þeim seinni eru söfnunarauglýsingar frá góðgerðarsam-
tökum á borð við UNICEF, Rauða krossinn, Barnaheill og
Krabbameinsfélagið.
Meginmunurinn á flokkunum er að í þeim fyrri er
gjarnan verið að uppfylla upplýsingaskyldu og framkalla
hegðunarbreytingu. Ef vel tekst til er hægt að sjá árangur
auglýsinganna í því að hegðun borgaranna breytist á ein-
hvern hátt, minna sorpi er hent á götur, minna er talað í
símann undir stýri eða neysla á grænmeti og ávöxtum eykst.
Í söfnunarflokkinum gengur verkefnið út á að fá almenn-
ing (og gjarnan fyrirtæki) til að styrkja málefni með fé. Því er
nokkuð auðvelt að áætla árangur herferðarinnar út frá því
hversu miklir peningar safnast.