Alþýðuhelgin - 13.08.1949, Blaðsíða 16

224
ALÞYÐUHELGIN
renningur nokkur, er Sveinn hét,
auknefndur ,,kjafta-Sveinn“. Er
þeir heilsuðust, tók Guðmundur
þurrlega kveðju Sveins. Fauk þegar
.í Svein, sem var uppstökkur og al-
ræmdur orðhákur. Sagði hann þegar
við Guðmund: ,,Það er von þú sért
stoltur, kaghýddur þjófurinn.“ Kom
allmjög á Guðmund, og svaraði
hann engu. En á vökunni um kvöld-
ið kvað Guðmundur vísur nokkrar
um Svein og brá honum ósnotrum
brigzlum, og sögðu flestir, að þau
væru sönn. Þetta er í vísunum:
Þó minn sé hróður mikið rýr,
má ég ei við því sporna,
en sízt ég lærði að sjúga kýr,
svo sem þú til forna.
Vestur sveitum var ég á,
vafinn fátækt minni.
Stal ég þó aldrei steilcum frá
Stapa-maddömunni.
Fleiri voru vísur þessar, og eru
sumar naumast eftir hafandi.
(Lbs. 2006 4to.)
SÍRA BENEDIKT IIANNESSON.
Benedikt prestur Hannesson frá
Kvennabrekku, er lengi þjónaði
Miðdalaþingum og andaðist 1816,
var glettinn maður og gamansamur.
Kona hans var Þórunn Ólafsdóttir
sýslumanns í Iiaga Árnasonar og
Halldóru Teitsdóttur. Það er sögn
gamalla manna í Dölum, að Bene-
dikt prestur byggi fyrst með ráðs-
konu, er gjarnan vildi eiga hann. En
það var að áliðnu sumri, að hann
hafði beðið Þórunnar, er komið
hafði verið til handiðnanáms norð-
ur að Hofi á Höfðaströnd til Guð-
rúnar Skúladóttur landfógeta, er
átti Jón sýslumaður í Hegranesþingi
Snorrason prófasts á Helgafelli.
Fyrir því fór Benedikt prestur norð-
ur og vissu fáir um erindi hans og
kvæntist Þórunni norður á Hofi. En
er hann kom lieim vestur að kvöldi
dags, bjó ráðskonan upp sæng hans,
en spurði kvenmann þann, er með
honum kom, hvort hún vildi eigi
fara að hátta. Prestur heyrði til og
spurði, hvar hún ætti að sofa. „Hjá
mér,“ kvað ráðskonan. ,,Ég ætla að
láta hana híras thjá mér,“ sagði
prestur, „ég hef haft það svo í ferð-
inni.“ Þóttist þá ráðskonan vita,
hver efni mundu í vera. Ráðskonan
fór burtu um vorið.
(Annáll 19. aldar.)
BORGARFJÖRÐUR.
Sagt er, að Oddur biskup Einars-
son í Skálholti hafi kveðið þessa vísu
um landgæði í Borgarfirði:
Borgarfjörður er bezta sveit,
. ber hann langt af öðrum,
hefur svo margan heiðursreit
sem haninn er þaktur fjöðruni-
(Menn og menntir.)
Ritstjóri: Stefán Pjetursson,