Dagblaðið Vísir - DV - 06.09.2007, Page 12

Menning
fimmtudagur 6. september 200712 Menning DV
Tvær heim-
ildamyndir
í bígerð
Karl Th. Birgisson vinnur nú að
tveimur heimildamyndum,
annars vegar um Vilmund
Gylfason, stjórnmálamann
með meiru, og hins vegar um
ungt fólk í Íran. Eins og margir
vita var Vilmundur litríkur
pólitíkus og stofnaði meðal
annars Bandalag jafnaðar-
manna. Hann sat á þingi fyrir
Alþýðuflokkinn og var dóms-,
kirkju- og menntamálaráðherra
1979-80. Vilmundur féll fyrir
eigin hendi árið 1983. Karl
stefnir að því að frumsýna
báðar myndirnar í vetur en vildi
að öðru leyti ekkert tjá sig um
kvikmyndagerðina þegar DV
hafði samband við hann.
Sýning í Duushúsum
Ljósmyndasýning á verkum Einars Fals Ingólfssonar var opnuð í
Duushúsum í Reykjanesbæ um síðustu helgi. Sýningin nefnist
Aftur en þar gerir Einar æskuár sín í Keflavík að myndefni. Sýningin
stendur til 14. október.
ljósmyndir
myndlisT
Verið er að setja upp sýningu á blaðamyndum úr íslensku þjóðlífi:
DAAGBLAÐIÐ VÍÍSIR!
Fréttaljósmyndun er „blaða-
mennska með annað áhald í hönd-
unum heldur en penna“, segir Gunnar
V. Andrésson, fréttaljósmyndari til 40
ára, og vísar þar í hið kvika auga frétta-
ljósmyndarans sem ætíð leitast við
að fanga fréttnæm augnablik, „segja
frásögn, fyrst og fremst fyrir daginn
í dag“. Afraksturinn skilar sér á síð-
ur dag-
blað-
anna
í formi myndrænna frásagna, nokk-
urs konar samræðna samtímans við
sjálfan sig.
Um 150 myndir af vettvangi
íslensks þjóðlífs eru á sýningunni
DAAGBLAÐIÐ VÍÍSIR! 1960–2000
sem nú er sett upp í Ljósmyndasafni
Reykjavíkur og opnuð verður 15.
september. Heiti sýningarinnar er
bein tilvísun í óm blaðasalanna
sem lengi þótti órjúfanlegur
hluti borgarbragsins. Allar mynd-
irnar á sýningunni koma úr blaða-
ljósmyndasafni 365 miðla sem
Ljósmyndasafn Reykjavíkur
tók við til varðveislu sumarið
2006. Safnið, sem var eitt stærsta
ljósmyndasafn í einkaeigu á Íslandi,
inniheldur ljósmyndir og filmur
frá síðdegisblöðunum Vísi (1961–
1981), Dagblaðinu (1975–1981) og
DV (1981–2002). Einnig eru í safninu
pappírskópíur blaðanna frá sama
tímabili ásamt filmum frá fyrsta
starfsári Fréttablaðsins (2001–2002).
Varlega má áætla að í filmusafninu
séu um 140–150 þúsund myndatökur
sem eru um það bil 2,2 til 2,4 milljónir
myndaramma. Pappírskópíurnar eru
ekki færri en 200 þúsund. Samtals eru
því í safninu um 2,4 til 2,6 milljónir
mynda.
Frá og með opnun sýningarinnar
verða 2000 myndir úr safninu
aðgengilegar á heimasíðu safnsins,
ljosmyndasafnreykjavikur.is.
Sýningin Nói át – No way out var opnuð í Nýlistasafninu um síðustu helgi. Þar gefur
að líta verk eftir átta listamenn frá fjórum löndum. Að sögn sýningar-
stjórans, Ragnar Jónassonar, ræður litadýrðin ríkjum á sýningunni.
Át Nói dýrin?
„Mér fannst kominn tími til
að skella upp einni góðri, litríkri
málverkasýningu á Íslandi,“ segir
Ragnar Jónasson, sýningarstjóri
sýningarinnar Nói át – No way out
sem var opnuð í Nýlistasafninu
á dögunum. Þar gefur að líta
verk eftir átta unga listamenn
frá fjórum löndum; auk Íslands
koma þeir frá Finnlandi, Sviss og
Bandaríkjunum.
Andi og húmor
Ragnar hefur unnið að
undirbúningi sýningarinnar í
rúmt ár en hann á sjálfur verk
á sýningunni. Og Ragnar segir
að það sé svipur með verkum
listamannanna, enda hafi hann
lagt upp með það. „Það er margt
sameiginlegt með verkunum.
Mjög grunnt litið eru það bæði
litirnir, þetta eru allt rosalegar
litasprengjur, og það eru allir
að vinna með málningu. Og þá
málningu sem efni en ekki bara
málverk. Svo er nett popp í gangi.
Allt lagt að jöfnu. En þetta er
auðvitað ekki allt eins, sumir eru
kannski andlegri en aðrir á meðan
það er meiri húmor hjá öðrum,“
segir Ragnar. Og það stendur ekki
á svari þegar Ragnar er spurður
hvort hann sé meira á andlega eða
húmoríska sviðinu sviðinu. „Ég er
bara andlegur húmoristi. Blanda
bæði hættu og gleði í þetta,“ segir
Ragnar og hlær.
Útgönguleiðir og át
Spurður út í yfirskrift sýningar-
innar segir Ragnar að hún sé hugs-
uð út frá gamalli pælingu um mál-
verkið hvort það sé einhver leið út
fyrir það, hvort hægt sé að vinna
meira með það. „Ég var að ræða
þetta við kollega minn og þá kom
upp þessi brenglun um söguna af
Nóa og Örkinni. Þetta minnir svo-
lítið á hana því dýrin voru lokuð
inni í Örkinni og hugsanlegri skýr-
ing er kannski að Nói hafi borðað
dýrin í stað þess að láta þau erfa
jörðina. Það er svolítið þannig
sem við leggjum þetta upp. Við
erum ekkert að bjarga einhverjum
málverkastefnum eða elementum
heldur bara að smakka svolítið á
þessu öllu saman.“
Sýningin stendur til 16.
september.
kristjanh@dv.is
Ragnar Jónasson, sýningarstjóri
Nói át – No way out „Þetta eru allt
rosalegar litasprengjur. svo er nett
popp í gangi.“
DV myndir Ásgeir
Hvað er í imbanum? ungur gestur sýningarinnar dolfallinn yfir einu verkanna.
Örkin hans Nóa? túlki hver fyrir sig.
Sýnishorn úr
Flugdreka-
hlauparanum
Eins og líklega margir vita er
verið að gera kvikmynd sem
byggð er á hinni geysivinsælu
bók Flugdrekahlauparanum
eftir Khaled
Hosseini. Nú
er hægt að
horfa á
sýnishorn úr
henni á vef
JPV. Leikstjóri
er hinn
þýskættaði
Marc Forster
sem leikstýrði
meðal annars Finding
Neverland og Monster‘s Ball en
hefur einnig unnið sér það til
frægðar að afþakka boð um að
vera við stjórnvölinn á gerð
myndarinnar um Harry Potter
og fangann frá Azkaban. Stefnt
er að því að frumsýna myndina
2. nóvember.
Saga barna-
hermanns
Um miðjan september er
væntanleg frá JPV saga
Ishmaels Beah, ungs manns frá
Síerra Leóne sem þrettán ára
gamall var tekinn í her
stjórnvalda í heimalandi sínu til
að berjast gegn uppreisnar-
mönnum í
borgarastríð-
inu sem
hófst þar árið
1991. Eftir að
hafa þvælst
um landið og
drepið fleira
fólk en hann
gat hent
reiður á,
uppdópaður og örvilnaður, var
honum bjargað af UNICEF og
hjálpað að hefja nýtt líf. Bókin,
sem á íslensku heitir Um
langan veg – frásögn herdrengs,
hefur hlotið góðar viðtökur og
umsagnir vestanhafs. Ishmael
er væntanlegur til Íslands til að
fylgja eftir útkomu bókarinnar.
Hemmi Gunn Leikur listir sínar á
Valsvellinum í mars 1969. Ljósmyndari
óþekktur.