Dagblaðið Vísir - DV - 06.09.2007, Síða 22

Síminn er eitt djarfasta fyrirtæki á Íslandi. Gamli einokunarrisinn skilur
loksins að það er áríðandi að ná
til fólks í gegnum
auglýsingar.
Á meðan
hinn risinn á
símamarkaði,
Vodafone,
byggir auglýs-
ingar á gömlum
þjóðsögum
þar sem slitið er
hár úr hala belju til að valda
straumhvörfum hjólar Síminn
beint í Guð og fær sjálfan Jesú til
að blaðra í farsíma sem byggist á
einhverri nýrri vídd sem Svarthöfði
botnar minnst í. Hinn aðalleikarinn
í Símaauglýsingunni er Júdas. Og
þetta nýja símkerfi sem heitir G-
strengur eða eitthvað í þá veru
hefði getað fyrirbyggt verstu svik
trú arsögunnar. Nú tala
menn í síma augliti
til auglitis og
svikarinn Júdas
fattaði ekki í
auglýsingunni
að blóð-
peningarnir
fyrir að svíkja
Jesú birtust í
mynd. En það er bara
of seint, Síminn var ekki uppi á
tíma Jesú. Síminn hefur kallað
yfir sig mikla óvild með því að
gera síðustu kvöldmáltíðina að
söluvöru. Svarthöfði er að vísu svo
heppinn að vera með sinn síma hjá
Voda sem níðist aðeins á gömlum
þjóðsögum en lætur Guð og hans
einkason Jesú í friði. Það er notaleg
tilfinning að vera hjá fyrirtæki sem
þekkir siðferðismörkin. Biskupinn
yfir Íslandi, Karl Sigurbjörnsson,
er eins og snúið roð í hund vegna
auglýsingarinnar og það er eðlilegt
þar sem hann er umboðsmaður
Guðs á Íslandi rétt eins og Einar
Bárðarson gætir hagsmuna Nylon-
flokksins. En biskupinn hafði að vísu
blessað auglýsinguna áður en hún
birtist en það var bara misskilningur.
Biskupinn er dálítill vingull eins og
Svarthöfði sem smám saman er að
komast á þá skoðun að þarna sé á
ferðinni argasta guðlast rétt eins
og þegar Megas söng hástöfum
Guð býr í garðslöngunni. Megas
var að selja plötu og hefði átt
að sæta rannsókn og ákæru
eins og Spaugstofan sem setti
á svið atburði úr Biblíunni um
páskahátíð. Já, þetta er auðvitað
guðlast hjá Símanum og nú vantar
góðan saksóknara til að hrinda
af stað rannsókn. Sjálfur hefur
Svarthöfði unnið dálitla grunnvinnu
varðandi málið. Ljóst er að það er
sjálfur Jón Gnarr sem stendur fyrir
gerð auglýsingarinnar. Jón þessi þótti
brokkgengur en snerist til kristinnar
trúar fyrir nokkrum árum. Þrátt fyrir
efa í fyrstu trúðu því flestir að hann
væri orðinn heittrúaður
en nú er komin
upp ný staða.
Síminn hlýtur
nefnilega að hafa
greitt honum
fyrir guðlastið.
Svarthöfði
giskar á að hann
hafi fengið góða
upphæð fyrir vikið, líklega
nokkrar milljónir. Þar með er Jón
Gnarr fallinn í sömu gryfju og Júdas
sem sveik meistarann fyrir þrjátíu
silfurpeninga og framseldi hann í
hendur hins illa valds. Hvern á nú að
krossfesta?
fimmtudagur 6. september 200722 Umræða DV
Útgáfufélag: Dagblaðið-Vísir útgáfufélag ehf.
Stjórnarformaður: Hreinn loftsson
framkVæmDaStjóri: Elín ragnarsdóttir
ritStjórar:
reynir traustason og Sigurjón m. Egilsson ábm.
fulltrÚi ritStjóra: janus Sigurjónsson
fréttaStjóri: Brynjólfur Þór guðmundsson
aðStoðarritStjóri: Sigríður Dögg auðunsdóttir
auglýSingaStjóri: Valdimar Birgisson
Umbrot: dV. Prentvinnsla: prentsmiðja morgunblaðsins.
Dreifing: Árvakur. dV áskilur sér rétt til að birta aðsent efni
blaðsins á stafrænu formi og í gagnabönkum án endurgjalds.
Öll viðtöl blaðsins eru hljóðrituð.
aðalnúmer 512 7000, ritstjórn 512 7010,
Áskriftarsími 512 7080, auglýsingar 512 70 40.
Svarthöfði
Sigurjón M. EgilSSon ritStjóri Skrifar. Síðan gerist eitthvað meira. En umfram allt, á fætur báðir tveir.
Vaknaðu, Vilhjálmur
Leiðari
Vilhjálmur Þ. Vilhjálmsson, borgarstjóri í Reykjavík, og Gunnar I. Birgisson, bæjarstjóri í Kópavogi, vinsamlegast vaknið einn morguninn og sjáið með eigin augum hvert ástandið er á götunum. Allar helstu
götur eru tepptar af bílum og það tekur allt of langan tíma að aka
á milli hverfa og milli bæja. Þið verðið að vakna, fara út og sjá
hvað er að gerast. Ef neyð skapast, slökkvilið, sjúkrabílar
eða lögregla verða að komast með hraði, hvað á að
gera? Hinn almenni borgari er að gefast upp og
veit ekki sitt rjúkandi ráð. Lítið sem ekkert er gert
til að losa um stíflurnar. Ókeypis fargjöld fyrir
námsmenn í strætó gagnast eflaust eitthvað. Eftir
sem áður er samt allt stíflað og þess vegna er ekki
að sjá að sú aðferð geri gæfumuninn. Svo mikið
er víst að göturnar rúma ekki forgangsakstur, þola
ekki neyðarakstur, fólk getur hreinlega dáið vegna
þess að ekki er hægt koma því til hjálpar.
Borgarstjóri ætti að vera á Kringlumýrarbraut gegnt Suðurveri
laust fyrir klukkan átta að morgni. Þá myndi hann sjá að
göngubraut yfir Kringlumýrarbraut, sem er mikið notuð af fólki
sem fer í Menntaskólann við Hamrahlíð, er svo vitlaust hönnuð
að til afreka telst. Eftir að þau gangandi ýta á hnappinn til að fá
grænt ljós, líður langur tími þar til grænt ljós kviknar og rautt
á bílaumferðina. Þau gangandi hafa undantekningarlaust misst
þolinmæðina og skotið sér á milli bíla, sem er stórhættulegt,
og komist þannig yfir Kringlumýrarbrautina. Þegar rautt ljós
stoppar bílaumferðina er enginn gangandi vegfarandi lengur,
þeir eru löngu komnir yfir. Bílarnir stoppa við mannlausa
gangbrautina og hratt og örugglega nær umferðin svo alla
leið til Hafnarfjarðar. Sama sagan endurtekur sig á
göngubrautinni við Fréttablaðshúsið við Miklubraut.
Svona þvæla er víðar og setur allt úr skorðum og setur
fólk og heilsu þess í stórkostlega hættu. Einkum og
sér í lagi þar sem forgangsakstur er ómögulegur
og í besta falli erfiður. Bæjarstórinn í Kópavogi
verður að keyra um bæinn sinn á annatíma. Í
hans bæjarfélagi virðist vera takmarkið að gera
fólki erfitt fyrir. Ekki er hægt að lýsa með orðum
skipulaginu við Smáratorg og Smáralind. Þar er búið
að þrengja þröngar götur. Ekki er hægt að sjá að það sé
gert vegna vinnu, heldur af því bara.
Borgarstjóri og bæjarstjóri. Stillið klukkurnar ykkar á sjö í
fyrramálið. Setjist sjálfir undir stýri og reynið að komast áfram
um göturnar. Ef þið bara reynið er ljóst að bót verður fundin á
ömurlegu gatnakerfi, í fyrstu með einföldustu lagfæringum.
Síðan gerist eitthvað meira. En umfram allt, á fætur báðir tveir.
DómStóLL götunnar
Á Íslandspóstur að selja skrifstofuvörur og geisladiska?
„mér finnst þetta mjög sniðugt. Ég vann
lengi í póstinum í gamla daga.“
María Hálfdánardóttir, 45 ára,
starfar við ferðaþjónustu.
„pósturinn er eiginlega týndur. Það er
alveg kominn tími á að hann rísi upp
og taki upp á einhverju nýju. mér finnst
ég aldrei neins staðar sjá neitt sem
minnir á póstinn nema þá bréfbera.“
Berta Guðmundsdóttir, 68 ára
ellilífeyrisþegi
„mér finnst það ekki vera þeirra
hlutverk. bókabúðirnar mega eiga
þetta, að mínu mati.“
Sigurlaug Gísladóttir, 39 ára nemi.
„Þeir ættu að einbeita sér betur að
þeirri þjónustu sem þeir buðu áður
upp á. Það eru til dæmis allt of fá
pósthús.“
Sigríður Kristjánsdóttir, 51 árs
skrifstofumaður.
SanDkorn
n Skipstjórinn Ólafur
Ragnarsson á Eyborgu var
fréttaefni víða um heim í
sumar
þegar
21 flótta-
maður
birtist á kví
sem skip
hans dró
í lögsögu
Líbíu.
Málið varð
að milliríkjadeilu þar sem
tekist var á um hvar mætti
fara með flóttamennina í
land. Það var niðurstaðan
eftir mikið þóf að Malta
tæki við þeim. Í íslenskum
fjölmiðlum var því haldið
fram að Ólafur skipstjóri
hefði verið eftirlýstur
og farið huldu höfði á
Möltu. Í nýju tölublaði
Mannlífs er forsíðuviðtal
við skipstjórann þar sem
sagan um flóttamennina
er öll sögð. Þar kemur fram
að hann var síður en svo
eftirlýstur. Farsími hans
hafði misst straum og ekki
tókst að hlaða hann fyrr
en eftir rúman sólarhring.
Vegna sambandsleysisins
töldu virðulegustu fjölmiðlar
að kappinn færi huldu höfði.
n Haraldur Sverrisson hef-
ur tekið við stjórntaumum í
Mosfellsbæ sem bæjarstjóri
af Ragnheiði Rík­harðsdóttur
sem hverf-
ur til þing-
mennsku
und-
ir merki
Sjálfstæð-
isflokksins.
Það erfiða
verkefni
bíður
Haraldar að ná sáttum við
Berglind Björgólfsdóttur
listakonu og aðra í Varmár-
samtökunum sem telja bæj-
aryfirvöld í Mosó fara offari
gegn umhverfissinnum. Í
Sandkorni 4. september var
fjallað um deiluna og mátti
vegna ónákvæmni í orða-
lagi túlka skrifin sem svo að
það væri skoðun blaðsins að
bæjaryfirvöld væru umhverf-
isníðingar. Beðist er velvirð-
ingar á þeirri framsetningu.
n Bjartsýni er á Flateyri
vegna þess að Kristján Er-
lingsson endurreisir fisk-
vinnslu þar undir merki
Oddatáar
ehf. Kristj-
án hyggst
stefna
rússneskri
þotu til
Vestfjarða
einu sinni
í viku og
flytja út
fisk eins og DV greindi frá á
mánudag. Kristján er systur-
sonur Einars Odds Kristjáns-
sonar alþingismanns sem
varð bráðkvaddur í sumar.
Einar Oddur var um áratugi
burðarás í atvinnulífi Flat-
eyringa. Nú hefur sonur hans
Teitur Björn Einarsson verið
ráðinn framkvæmdastjóri
og eru Flateyringar ánægðir
með þá skipan mála.
Júdas, Jón og silfrið