Morgunblaðið - 22.12.2011, Page 31

MINNINGAR 31
MORGUNBLAÐIÐ FIMMTUDAGUR 22. DESEMBER 2011
✝ Þórhildur NóttMýrdal fæddist á
Akranesi 21. apríl 2008.
Hún lést í faðmi fjöl-
skyldunnar á gjör-
gæsludeild Landspít-
alans við Hringbraut 17.
desember 2011.
Foreldrar Þórhildar
eru Jón Gunnar Mýrdal, fæddur
22. september 1976, og Stein-
unn Björg Gunnarsdóttir, fædd
23. nóvember 1983. Litli bróðir
Þórhildar er Patrekur Emil
Mýrdal, fæddur 16. júní 2010.
Útför Þórhildar fer fram frá
Akraneskikju í dag, 22. desem-
ber 2011, og hefst athöfnin
klukkan 13.
Elsku litla ljúfan okkar. Það er
ósköp tómlegt hér án þín. Það er
skrýtið að heyra ekki hljóðin þín
og heyra ekki í uppáhalds DVD-
myndunum; Leiftur Mcqueen og
Söngvaborg voru orðin svolítið
fastur liður hjá okkur.
Síðustu þrjú árin hafa verið
strembin en þú varst svo ótrúlega
dugleg að einhvern veginn hurfu
erfiðleikarnir og þín gleði og ham-
ingja yfirtóku allt, þú sýndir bæði
okkur og læknunum okkar stund-
um hvað þú varst rosalega sterk
og ákveðin og stundum virkilega
þrjósk! Það var gott að sjá hvað þú
fannst þínar leiðir til að fá þínu
framgengt eins og t.d. þegar þú
varst lítil og við settum að þínu
mati ekki rétta DVD-mynd í tækið
og þú lést mettunina þína falla
þangað til rétt mynd var valin. Það
var líka gaman að sjá þegar litli
bróðir fæddist hvað þú varst ekki
alltaf tilbúin að tala um hann en þá
notaðir þú þína leið til að skipta
um umræðuefni með því að loka
augunum og neita að opna fyrr en
við töluðum um eitthvað annað.
Við eigum endalaust mikið af
fallegum minningum um þig elsku
ástin okkar sem við ætlum að
passa vel í hjörtunum okkar, við
lofum líka að vera dugleg að segja
Patreki frá þér og sýna honum
myndirnar af þér.
Við elskum þig elsku fallega
litla ljúfan okkar.
Vertu yfir og allt um kring
með eilífri blessun þinni,
sitji Guðs englar saman í hring
sænginni yfir minni.
(Sig. Jónsson frá Presthólum)
Mamma, pabbi og Patrekur.
Elsku Þórhildur Nótt, litla hetj-
an okkar sem hefur kennt okkur
að gleðjast yfir litlum áföngum og
meta lífið á annan hátt en áður, nú
vitum við að ekkert er sjálfsagt í
þessu lífi. Bara þessir litlu hlutir
að heyra í þér eða sjá þig hreyfa
höndina. Og að fara með ykkur
fjölskyldunni í göngutúr fannst
okkur mjög merkilegt, því þá
þurfti að hafa vélina þína með en
ykkur fannst aldrei vandamál,
mamma þín og pabbi bara leystu
þau. Við eigum svo margar góðar
minningar um þig sem við ætlum
að geyma vel, eins og þær stundir
sem við höfum setið við rúmið þitt
og skoðað eitthvert dót, horft á
mynd eða bara haldið í litlu hönd-
ina þína. Þú varst líka ákveðin og
vissir hvað þú vildir, það sagðir þú
okkur með fallegu augunum þín-
um.
Elsku Þórhildur Nótt, við vitum
að vel hefur verið tekið á móti þér,
og nú ert þú laus við allar þrautir.
Ég fel í forsjá þína,
Guð faðir, sálu mína,
því nú er komin nótt.
Um ljósið lát mig dreyma
og ljúfa engla geyma
öll börnin þín, svo blundi rótt.
(Matthías Jochumsson)
Afi og amma á Patró,
Jóna Júlía og Gunnar Óli.
Elsku prinsessugull, þú ert svo
stór hluti af mínu lífi og munt alltaf
vera elsku sterka stelpan mín. Þú
kenndir mér svo margt, t.d. hvað
er í raun mikilvægt í lífinu, hvað
litlu hlutirnir eru í raun stórir og
svo margt fleira. Ástin mín, ég er
svo stolt að hafa átt þig í lífi mínu,
og að fá að segja að ég sé frænka
þín. Brostu í gegnum erfiðleikana
er ein meginregla í lífinu, og það
sýndir þú mér og mörgum öðrum.
Þú varst besti persónuleiki sem ég
hef kynnst, þú vissir sko alltaf al-
veg hvað þú vildir, það þýddi ekk-
ert að reyna að segja þér eitthvað
annað, og ef maður setti vitlausa
DVD-mynd hjá þér fékk maður
sko að heyra það og þurfti að hafa
snögg handtök þar sem þú allt í
einu raukst upp í púls og lést mett-
un falla, elsku lús. Það eru ekki til
orð sem lýsa því hversu mikið ég
sakna þín elskan mín, bara það að
heyra í Cars eða Söngvaborg úr
stofunni, eða að heyra í vélinni
þinni á nóttunni, að kúra með þér
yfir mynd og halda í litlu höndina
þína, að leika með dótið og fylgjast
með þér leika í Ipad, strjúka ljósu
lokkana þína, og að horfa í stóru
fallegu augun þín.
Elsku prinsessa, þetta var erfið
barátta, en þú hefðir ekki getað
staðið þig betur elsku gull, og nú
færðu að hlaupa um og hjóla og
allt sem þú fékkst ekki í ónýta lík-
amanum.
Ég elska þig endalaust mikið
elsku Þórhildur mín.
Hvíldu í friði elsku litla stelpan
mín!
Leiddu mína litlu hendi,
ljúfi Jesús, þér ég sendi
bæn frá mínu brjósti, sjáðu,
blíði Jesús, að mér gáðu.
Hafðu gát á hjarta mínu
halt mér fast í spori þínu,
að ég fari aldrei frá þér,
alltaf, Jesús, vertu hjá mér.
Um þig alltaf sál mín syngi
sérhvern dag, þó eitthvað þyngi.
Gef ég verði góða barnið,
geisli þinn á kalda hjarnið.
(Ásmundur Eiríksson)
Kær kveðja,
Ingibjörg Freyja stóra
frænka.
Elsku hjartans frænku lús, ég
er svo endalaust stolt að hafa verið
treyst fyrir að vera hluti af lífi
þínu, að fá að fylgjast með þér
stækka og þroskast, og kynnast
þínum frábæra karakter. Það fór
sko ekki á milli mála hvað þér lík-
aði og hvað ekki, þó svo að þú hafir
hvorki talað né notað táknmál. Þú
gast líka fengið heilt herbergi af
fólki til að hlæja bara með einu
augnaráði og þó að ég hafi ekki
alltaf getað verið hjá þér áttum við
okkar leið til að tala saman,
draumalandið var okkar leikvöllur
og verður það áfram. Takk fyrir
allt, takk fyrir allar góðu stund-
irnar sem við áttum saman og takk
fyrir allt það sem þú hefur kennt
okkur um lífið og tilveruna.
Þú átt án efa eftir að skapa
mörg falleg listaverk á himnum
með fallegu fingrunum þínum og
tipla hljótt um á fallegu litlu tás-
unum þínum.
Minning þín lifir að eilífu elsku
fallega frænku lús.
Snert hörpu mína, himinborna dís,
svo hlusti englar guðs í Paradís.
Við götu mína fann ég fjalarstúf
og festi á hann streng og rauðan skúf.
Úr furutré, sem fann ég út við sjó,
ég fugla skar og líka úr smiðjumó.
Í huganum til himins oft ég svíf
og hlýt að geta sungið í þá líf.
Ég heyri í fjarska villtan vængjaþyt
Um varpann leikur draumsins perluglit.
Snert hörpu mína, himinborna dís,
og hlustið, englar guðs í Paradís.
(Davíð Stefánsson frá Fagraskógi)
Með ást,
Silja Ruth (Silja móða).
Við kveðjum þig í dag elsku
Þórhildur Nótt.
Að fylgjast með þér þessa
stuttu ævi hefur verið forréttindi,
þvílík hetja og sterkur karakter
sem þú varst. Svampur Sveinsson
dettur stöðugt inn í hug okkar
þessa dagana enda var hann á
löngu tímabili í miklu uppáhaldi
hjá þér.
Ég sendi þér kæra kveðju
nú komin er lífsins nótt,
þig umvefji blessun og bænir
ég bið að þú sofir rótt.
Þó svíði sorg mitt hjarta
þá sælt er að vita af því,
þú laus ert úr veikinda viðjum
þín veröld er björt á ný.
(Þórunn Sigurðardóttir)
Elsku Jón Gunnar, Steinunn,
Patrekur Emil og fjölskyldur,
Guð gefi ykkur styrk á erfiðum
tíma.
Ykkar vinir,
Pálmi, Erla, Hugrún
og Viktor.
Mín fystu kynni af fallegu
stelpunni Þórhildi Nótt var þeg-
ar hún kom í heimsókn til okkar
á deildina. Fyrstu heimsóknir
hennar voru stuttar og þurfti
Þórhildur Nótt að aðlagast leik-
skólastarfinu eins og öll önnur
börn sem hefja sína leikskóla-
göngu. Hún tók manni ekki al-
veg strax og voru okkar fyrstu
samskipti þannig að hún leit allt-
af undan þegar ég talaði við
hana. Hún samþykkti mig þó
fljótlega og þó að langt liði jafn-
vel á milli heimsókna þá mundi
hún greinilega eftir mér. Þór-
hildur Nótt lét alveg vita ef það
var eitthvað sem henni mislíkaði
og einnig hvað henni líkaði vel,
hún hafði sterkar skoðanir.
Börnin á deildinni sýndu
henni mikla umhyggju og virð-
ingu og vorum við öll mjög lán-
söm að fá að kynnast þessari
stelpu, við lærðum öll hvert af
öðru. Þórhildur Nótt verður allt-
af hluti af hópnum og með sorg
og söknuð í hjarta kveðjum við
þessa litlu fallegu vinkonu okk-
ar. Minning hennar lifir og mun-
um við minnast hennar með því
að tendra ljós á kertinu hennar.
Nú legg ég augun aftur,
ó, Guð, þinn náðarkraftur
mín veri vörn í nótt.
Æ, virst mig að þér taka,
mér yfir láttu vaka
þinn engil, svo ég sofi rótt.
(Sveinbjörn Egilsson)
Elsku Steinunn, Jón Gunnar
og Patrekur, ykkar missir er
mikill og megi guð styrkja ykkur
á þessum erfiðu tímum. Við vott-
um ykkur öllum samúð okkar.
Fyrir hönd barna og starfs-
fólks á Kletti, Leikskólanum
Akraseli,
Friðbjörg Eyrún
Sigvaldadóttir.
Þórhildur Nótt
Mýrdal
Geislar sólarinnar smjúga
gegnum rifur og göt á hlöðuþak-
inu. Rykið sem þyrlast upp þegar
við stökkvum úr rólunni í heysát-
una mynda ljóssúlur um alla hlöðu.
Rykið skapar sveipi og hreyfingu á
birtunni sem verður eins upptakt-
ur að vorsinfóníu ljóss og ryks,
spiluð í hlöðunni. Það er galsi í
mannskapnum og fjör í hlöðunni
og rólurnar á fleygiferð. Uppi í
fjósgættinni lítur húsbóndinn á
Ingólfur Guðnason
✝ IngólfurGuðnason
fæddist á Eyjum I í
Kjós 27. október
1919. Hann lést á
hjúkrunarheim-
ilinu Grund í
Reykjavík 28. nóv-
ember síðastliðinn.
Útför Ingólfs var
gerð frá Reyni-
vallakirkju laug-
ardaginn 10. des-
ember 2011.
heimilinu íklæddur
bláum sloppi, með
sixpensara á höfði og
strákúst annarri
hendinni, inn og spyr
hvort það sé ekki allt
í lagi. Leikurinn
stoppar stutta stund
en heldur svo áfram
því Ingólfur Guðna-
son bóndi í Eyjum
var svo góðlegur að
öllum leið vel í návist
hans.
Þessi góðlegi og trausti ná-
granni okkar í Eyjum I er nú lát-
inn og hvíldinni feginn. Það er
birta, hlýja og gleði yfir þeim
myndbrotum sem fara í gegnum
hugann er ég hugsa til þeirra sam-
fylgdar sem við áttum með Ingólfi
og Helgu.
Eitt af aðalsmerkjum Ingólfs
var snyrtimennska og fjósið, hvar
sem komið var að, var allt nýsópað
og þrifið. Búskapurinn var hans líf
og yndi og byggði hann vel upp á
Eyjum nýtt fjós, fjárhús og hlöðu,
ásamt því að byggja nýja véla-
geymslu og síðast en ekki síst
íbúðarhús. Mikil var gleði þeirra
hjóna og fjölskyldunnar er þau
fluttu í nýtt og glæsilegt íbúðar-
húsið sem hafði verið stefnt að svo
lengi.
Ingólfur var morgunmaður og
fór að jafnaði fyrstur af stað í
Eyjakróknum og var búinn að
sækja kýrnar og farinn að mjólka
fyrir sjö á morgnana. Hann fór
allra sinna ferða fótgangandi og þá
voru hundarnir gjarnan með í för
eða í humátt á eftir honum.
Það var oft glatt á hjalla á
morgnana þegar við vorum á leið í
skólann og áttum viðkomu hjá
Ingólfi og Helgu í fjósinu. Þar var
Helga hispurslaus og lét okkur á
stundum heyra það á íslensku sem
við áttum nú oftast skilið, því við
voru uppátækjasamir og fannst
gaman að ögra Helgu sem kallaði
þá gjarnan á Ingólf og bað hann
um að skamma okkur. Ingólfur
kom en sagði oftast „Hvað er þetta
kona, láttu krakkana eiga sig.“
Það voru forréttindi að alast
upp þar sem ævintýri gátu gerst
við hvert fótmál og eiga að svo
góða granna eins og Helgu og Ing-
ólf. Þau voru einstök og Eyjakrók-
ur er svo miklu fátæklegri án
þeirra. Ingólfur og Helga voru
sterk og stóðu þétt saman þótt líf-
ið hafi á stundum verið erfitt og
þau þurft að horfa á eftir ungri
dóttir sinni í dauðann og seinna
Guðna okkar blessuðum þegar
þau voru orðin fullorðin. Æðru-
leysi þeirra, kjarkur og lífsgleði
getur verið okkur hinum til eftir-
breytni. Foreldrar mínir þakka
sérstaklega ánægjulega samfylgd,
hjálpsemi, vináttu og tryggð í
gegnum árin.
Ég veit að það hafa orðið fagn-
aðarfundir er Ingólfur faðmaði
aftur Helgu sína, Guðna og Önnu.
Nú veit ég að drottinn spilar að
nýju ljóssinfóníu sína og Ingólfur
gengur inn í eilíft vor þar sem
hann lætur svo sannarlega klárinn
skella á skeið. Megi blessun og
birta umvefja minninguna um
góðan granna sem nú er genginn.
Aðstandendum öllum sendum
við innilegar samúðarkveðjur,
F.h. fjölskyldunnar Eyjum II,
Ólafur M. Magnússon.
✝
Elskulegur faðir okkar, tengdafaðir, afi, lang-
afi og langalangafi,
JÓN JÓSTEINSSON,
síðast til heimilis á
hjúkrunarheimilinu Eir,
sem lést sunnudaginn 18. desember, verður
jarðsunginn frá Laugarneskirkju fimmtu-
daginn 29. desember kl. 11.00.
Þeim sem vilja minnast hans er bent á Styrktarfélag krabba-
meinssjúkra barna.
Karen Jónsdóttir, Tómas J. Brandsson,
Sveinn Jónsson,
Sólmundur Jónsson, Ingigerður Arnardóttir,
Guðni Jónsson, Dagný Ragnarsdóttir,
Drífa Jónsdóttir,
barnabörn, barnabarnabörn og barnabarnabarnabörn.
✝
Elskulegur eiginmaður minn, faðir, tengda-
faðir, afi og langafi,
SR. BJÖRN JÓNSSON,
Ásabraut 2,
Akranesi,
lést á Sjúkrahúsi Akraness að morgni þriðju-
dagsins 20. desember.
Útför hans fer fram frá Akraneskirkju fimmtudaginn
29. desember kl. 14.00.
Blóm og kransar vinsamlegast afþakkaðir, en þeim sem vilja
minnast hans er bent á styrktarsjóð sonardóttur hans, Klöru
Smith Jónsdóttur, 0552-14-401455, kt. 010455-3249.
Sjöfn Pálfríður Jónsdóttir,
Sossa Björnsdóttir, Ólafur Jón Arnbjörnsson,
Ingibjörg Jóna Björnsdóttir, Hörður Kári Jóhannesson,
Jón Páll Björnsson, Ásdís Kr. Smith,
Gunnhildur Björnsdóttir, Pétur Sigurðsson,
afa- og langafabörn.
✝
Ástkær móðir okkar, tengdamóðir, systir,
mágkona, amma og langamma,
GUÐFINNA ÁSA JÓHANNESDÓTTIR,
Hjallavegi 9,
Reykjanesbæ,
lést á Heilbrigðisstofnun Suðurnesja föstu-
daginn 16. desember.
Jarðarför fer fram frá Keflavíkurkirkju miðvikudaginn
28. desember kl. 13.00.
Jóhanna Hafdís Leifsdóttir, Óskar Tómasson,
Guðrún Þórlaug Grétarsdóttir, Ragnar Magnússon,
Eydís Grétarsdóttir, Haraldur Jakobsson,
Guðbjörg Guðný Grétarsdóttir, Hilmar Bragi Bárðarson,
Guðrún Þórlaug Jóhannesdóttir, Hafsteinn Alfreðsson,
ömmubörn og langömmubörn.
✝
Okkar ástkæra
LAUFEY FRIÐRIKSDÓTTIR
frá Bolungarvík,
til heimilis á Hrafnistu Reykjavík,
áður Hringbraut 63,
Reykjavík,
lést á Hrafnistu föstudaginn 16. desember.
Útförin fer fram frá Fossvogskapellu miðvikudaginn 4. janúar
kl. 13.00.
Helgi Benediktsson, Kristín Helgadóttir,
Bergur Benediktsson, Ragnhildur Þórarinsdóttir,
Sólborg Pétursdóttir, Þórður Friðriksson,
Jóhannes Pétursson, Þuríður Ingólfsdóttir,
Magnús Pétursson.
✝
Elskulegur eiginmaður minn, faðir, tengda-
faðir, afi og langafi,
GÍSLI V. EINARSSON
fyrrverandi forstjóri,
Barðastöðum 11,
áður Stigahlíð 91,
Reykjavík,
lést á hjúkrunarheimilinu Sóltúni þriðjudaginn 20. desember.
Útförin fer fram frá Hallgrímskirkju fimmtudaginn 29. desember
kl. 13.00.
Blóm og kransar vinsamlegast afþakkaðir en þeim sem vildu
minnast hans er bent á Parkinsonsamtökin á Íslandi og
minningarsjóð Sóltúns.
Edda Ingibjörg Eggertsdóttir,
Guðný Edda Gísladóttir, Guðjón Kr. Guðjónsson,
Eggert Árni Gíslason, Petra Bragadóttir,
Halldór Páll Gíslason, Anna Helga Höskuldsdóttir,
Gunnar Þór Gíslason, Sólveig Ingólfsdóttir,
barnabörn og barnabarnabörn.