Morgunblaðið - 05.01.2012, Blaðsíða 4

BAKSVIÐ
Kristján Jónsson
kjon@mbl.is
Starfsfólk á sjúkrahúsum og þá ekki
síst bráðadeildum þarf að ganga mik-
ið og jafnvel hlaupa. Mikill tími og
orka fer þannig til spillis, þess vegna
er reynt með ýmsum ráðum að finna
leiðir til að draga úr hlaupunum. Þeg-
ar 12 tíma vaktin á bráðadeild er er-
ilsöm geta hjúkrunarfræðingar þurft
að ganga og hlaupa marga kílómetra.
En hve marga? Reynt hefur verið
að nota skrefamæla en þeir hafa
sumir reynst óáreiðanlegir og auk
þess þola þeir ekki að detta í gólfið,
þá glatast allar upplýsingarnar.
„Við höfum gert tilraun hérna en
meira í gamni, þetta var ekki nein
vísindaleg mæling,“ segir Ragna
Gústafsdóttir, hjúkrunardeildar-
stjóri á bráðadeild Landspítalans í
Fossvogi. „Hjúkrunarfræðingur
hérna var með skrefamæli sem hún á
sjálf í haust á einni vaktinni. Þetta
reyndust vera um 12 kílómetrar en
þetta var erilsöm vakt og það er auð-
vitað ekkert að marka eina mælingu.
Þetta verður rannsakað betur. En við
vitum að við göngum mikið. Þetta er
stærsta deild landsins, mjög stór að
flatarmáli og annríkið og álagið er
mikið á bráðamóttökudeildum.“
Ragna segir að nú sé verið að taka í
notkun ákveðið kerfi, svonefnda
straumlínustjórnun, aðferð sem hafi
verið hönnuð hjá Toyota-verksmiðj-
unum með það að markmiði að spara
sporin. Reynt sé að hagræða, minnka
áreiti á sjúkraliða, hjúkrunarfræð-
inga og aðra starfsmenn, koma í veg
fyrir að fólk þurfi að fara of langa leið
til að ná í hluti eins og lyf, sýni og
fleira.
Fyrirhugað er að reisa nýjan
Landspítala og þar verður stór og af-
ar öflug bráðadeild sem leysir af
hólmi þær tvær sem nú eru á spít-
alanum. Deildin verður svæðaskipt
eins og allar stórar deildir.
Unnið verður í þyrpingum
Gyða Baldursdóttir hjúkrunar-
fræðingur er í forystusveitinni sem
kemur að skipulagi nýja spítalans.
Hún segir að mikill kostnaður fylgi
því að vera með allt tvöfalt eins og
núna. Tvær bráðadeildir, tvær gjör-
gæsludeildir og fjölmargt annað sem
valdi því að mikinn mannskap þurfi
til að sjá um allar vaktirnar á báðum
stöðunum, í Fossvogi og við Hring-
braut, hvern einasta dag ársins.
Á nýja spítalanum verði m.a. höfð
hliðsjón af reynslu á spítölum í Nor-
egi og Svíþjóð.
„Á hverri legudeild verða þrjár
vaktstöðvar en ekki ein eins og venj-
an er núna,“ segir Gyða. „Þetta verð-
ur unnið í svokölluðum þyrpingum. Í
hverri verða um átta sjúkrarúm og
ein vaktstöð þar sem fólk vinnur við
allt sem þarf að skrifa um sjúkling-
inn, gera skýrslur og þar er verkefn-
um úthlutað og þess háttar.
Tvær þyrpingar sameinast um eitt
skol [þar sem þvagskálar eru losað-
ar] og einnig eitt lyfjaherbergi. Hug-
myndin er sú að færa starfsfólkið
nær sjúklingunum. Það sparar hlaup.
Talað hefur verið um að allt upp í
30% af starfstímanum fari í að hlaupa
fram og til baka eftir einhverju.“ Eft-
ir miklu sé að slægjast, vinnan verði
léttari og umönnunin betri ef dregið
verði úr hlaupunum.
 Hjúkrunarfræðingar og aðrir starfsmenn Landspítalans þurfa að ganga langar vegalengdir
á hverri vakt  Tryggt verður með bættu skipulagi að minni tími fari til spillis á nýja spítalanum
Skiptir miklu að spara sporin
Morgunblaðið/Árni Sæberg
Bráðamótaka Þegar tólf tíma vaktin á bráðadeild Borgarspítala er erilsöm
geta hjúkrunarfræðingar þurft að ganga og hlaupa marga kílómetra.
4 FRÉTTIRInnlent
MORGUNBLAÐIÐ FIMMTUDAGUR 5. JANÚAR 2012
Egill Ólafsson
egol@mbl.is
Halldór Runólfsson yfirdýralæknir segir að undanfarið
hafi borist talsvert af ábendingum til héraðsdýralækna
um að ekki sé hugsað nægjanlega vel um útigangshross.
Hann hvetur bændur og aðra hestaeigendur til að huga
að hestum sínum og tryggja að þeir hafi nægt fóður og
skjól.
„Fólk sem keyrir þjóðveginn og sér kannski hross
standa fóðurlaus og skjóllaus hefur verið að hafa sam-
band,“ segir Halldór. Hann segir að héraðsdýralæknar
reyni í framhaldinu að hafa uppi á eigendum hrossanna
og tryggja að þeim sé sinnt.
Halldór segir að það fari ekkert illa með hross að
vera úti ef þau séu þokkalega feit í upphafi vetrar og
þeim sé gefið úti eða þau hafi aðgang að beit. Þegar snjói
svona mikið eins og gerst hafi að undanförnu og mikill
klaki myndist eigi hrossin hins vegar erfitt með að kom-
ast í sinu og þá verði að gefa þeim. Stundum séu hross í
hólfum sem séu orðið uppbitin og þá sé að sjálfsögðu ekki
um annað að ræða en að gefa þeim. Aðalatriðið sé að eig-
endur hrossanna fylgist með þeim og grípi til viðeigandi
ráðstafana til að tryggja að þau horist ekki niður yfir
vetrartímann.
Í vikunni voru fluttar fréttir af hrossum sem fundust
ein og yfirgefin í Gæsadal við Eyjafjörð. Halldór bendir á
að það sé skylda sveitarstjórna að smala afrétti og land-
eigendur eigi að smala sín heimalönd. Búfjáreigendur
sem viti að það vanti í hjörðina eigi að fara og leita af sér
allan grun um að hross eða kindur séu í svelti í úthaga. Á
þessu sé hins vegar misbrestur.
Í hverri sveit starfa forðagæslumenn sem eiga að
gæta að því að nægt fóður sé fyrir búfé. Reglurnar eru
þannig að bændur eiga að skrá fjölda gripa og það magn
heyja sem til er á bænum. Forðagæslumenn skoða á
haustin hjá þeim sem ekki skila skýrslum og eins hjá
þeim sem ekki hafa verið með hlutina í lagi. Síðan fara
forðagæslumenn í svokallaða vorskoðun og þá er ástand
dýranna metið og hvort nægur heyforði er til út veturinn.
Fá ábendingar um
hross sem eru vanhirt
 Hestaeigendum ber að tryggja að hestar fái nægt fóður
Morgunblaðið/Sigurður Ægisson
Hestar Ekki bar á öðru en að þessir hestar við Haga 1 í Aðaldal í S-Þingeyjarsýslu væru ánægðir með að fá hey.
Hjúkrunarfræðingar þurfa oft
að ganga eða hlaupa langar
leiðir til að ná í ákaflega fyr-
irferðarlitla hluti eins og lyf.
Gyða Baldursdóttir segir að
íhugað sé að leggja fullkomið
rörpóstakerfi um nýja spít-
alann. Blaðamaður hváir, er
þetta ekki fullgamaldags?
„Þannig kerfi var á spít-
alanum þegar ég var að byrja en
svo var það ekki endurnýjað
þegar það gekk úr sér,“ svarar
hún. „Við söknuðum þess! En
þetta er alveg sama hugmynd.
Hægt er að flytja lyf með rör-
pósti, líka sýni og ýmislegt ann-
að sem ekki er hægt að flytja
milli staða með rafrænum
hætti. Menn senda ekki lyf
gegnum tölvuna eða símann.
Menn nota rörpóst í Þrándheimi
og eru mjög ánægðir með
hann.“
Rörpóstur í
nýjan spítala
SÍGILD TÆKNI
Jón Pétur Jónsson
Guðni Einarsson
Máli slitastjórnar Glitnis gegn sjö
fyrrverandi eigendum og stjórnend-
um bankans er ekki lokið, þótt því sé
lokið í New York, að sögn Steinunn-
ar Guðbjartsdóttur, formanns slita-
stjórnarinnar. Hún segir það hafa
legið fyrir í desember 2011 að áfrýj-
un slitastjórnarinnar frá því í vor
fyrir dómstólum í New York vegna
málsins yrði ekki fylgt eftir. Frestur
til að skila gögnum vegna áfrýjunar-
innar rann út í fyrradag.
Málinu verður fylgt eftir fyrir ís-
lenskum dómstólum og sagði Stein-
unn að það yrði höfðað á næstu vik-
um. Málið verður lagt upp allt
öðruvísi en gert var í New York.
„Það er alls ekki víst að það verði
sami hópurinn undir. Það gætu verið
fleiri og það gætu verið færri. Og það
gætu verið fleiri mál og þess háttar,“
sagði Steinunn. Hún benti og á að
fyrrum eigendur og stjórnendur
Glitnis hefðu viðurkennt lögsögu ís-
lenskra dómstóla.
Ríkisútvarpið greindi frá því í gær
að þeir Hannes Smárason, Jón Ás-
geir Jóhannesson og Pálmi Haralds-
son hygðust gera búskröfu í
þrotabúið á næstunni og íhuguðu að
fara fram á miskabætur. „Niður-
staða dómstólsins í Bandaríkjunum
var sú að hvor aðili bæri sinn kostnað
af málinu,“ sagði Steinunn spurð út í
kröfur þremenninganna.
PricewaterhouseCoopers ehf.
(PwC) sendi frá sér yfirlýsingu í gær
þar sem félagið fagnaði því að málinu
í New York skyldi vera lokið. „Fé-
lagið harmar að hafa verið dregið að
ósekju inn í málshöfðunina án þess
að nokkrar forsendur væru til þess,“
sagði m.a. í yfirlýsingunni. Þá kom
þar fram að PwC hefði mótmælt
málshöfðun slitastjórnarinnar „sem
tilhæfulausri og illa rökstuddri“.
Slitastjórn Glitnis höfðaði í maí
2010 skaðabótamál í New York gegn
Jóni Ásgeiri Jóhannessyni, Ingi-
björgu Pálmadóttur, Þorsteini Jóns-
syni, Jóni Sigurðssyni, Lárusi Weld-
ing, Pálma Haraldssyni, Hannesi
Smárasyni og endurskoðunarfyrir-
tækinu PricewaterhouseCoopers, og
krafðist 2 milljarða dala bóta. Málið
snerist um útgáfu skuldabréfa í New
York-ríki upp á einn milljarð dala ár-
ið 2007. Slitastjórnin taldi að þessir
aðilar hefðu valdið bankanum óbæt-
anlegu tjóni og rænt hann innan frá.
Dómari í New York vísaði málinu
frá dómi í desember 2010 gegn því
skilyrði að sjömenningarnir skrifuðu
undir yfirlýsingu um að hægt yrði að
ganga að eigum þeirra í Bandaríkj-
unum ef dómur félli á Íslandi slit-
astjórn í hag.
Slitastjórnin áfrýjaði niðurstöðu
dómarans í febrúar 2011.
Málsókn haldið
áfram á Íslandi
 Slitastjórn Glitnis ákvað að fylgja
ekki eftir áfrýjun máls í New York
Morgunblaðið/Árni Sæberg
Glitnir Málið snerist um útgáfu
skuldabréfa upp á einn milljarð dala.
Slitastjórnarmálið
» Slitastjórn Glitnis höfðaði
skaðabótamál í New York í maí
2010 gegn sjö einstaklingum
og endurskoðunarfyrirtæki.
» Dómari vísaði málinu frá
með skilyrðum. M.a. að lög-
sögu íslensks dómstóls í mál-
inu yrði ekki mótmælt.