Morgunblaðið - 09.02.2012, Síða 6

MORGUNBLAÐIÐ FIMMTUDAGUR 9. FEBRÚAR 2012
6 VIÐSKIPTI
VIÐTAL
Hörður Ægisson
hordur@mbl.is
Frá því í nóvembermánuði 2009 hef-
ur Advania – sem áður hét Skýrr –
gengið í gegnum sameiningarlotu og
umbreytingarferli sem hefur nú, ríf-
lega tveimur árum síðar, skipað fé-
laginu í þá stöðu að vera ekki aðeins
stærsta upplýsingatæknifyrirtæki
Íslands, heldur einnig í hópi tíu
stærstu upplýsingatæknifyrirtækja
á Norðurlöndum, með 1100 starfs-
menn í fjórum löndum. Fyrir
skemmstu var Advania kynnt til
sögunnar í núverandi mynd þegar
Skýrr og dótturfélög þess hér
heima og á Norðurlöndum – Hug-
urAx og EJS á Íslandi, ásamt
Hands í Noregi, Kerfi í Svíþjóð og
Aston-Baltic í Lettlandi – voru öll
sameinuð undir einum hatti.
Á þessum viðburðaríku árum
hefur Gestur G. Gestsson, forstjóri
Advania, stýrt félaginu. Í viðtali við
Morgunblaðið segir Gestur nafn-
breytinguna hafa verið nauðsynlegt
og eðlilegt skref í framþróun fyr-
irtækisins. „Við erum upplýsinga-
tæknifyrirtæki sem starfar á alþjóð-
legum vettvangi og það var
einfaldlega farið að há okkur að not-
ast við mörg nöfn og sum hver sér-
íslensk eins og til dæmis Skýrr –
bæði var þetta þröskuldur í sam-
skiptum inn á við og eins út á við
þegar við vorum að notast við þekk-
ingu frá mismunandi löndum í eitt
ákveðið verkefni fyrir okkar við-
skiptavini. Það kallaði oft á óþarfa
spurningar og flóknar útskýringar.“
Að ráðast í breytingu á nafni
fyrirtækis sem rekur 20 skrifstofur
á Norðurlöndum og er með 110 þús-
und viðskiptavini um allan heim er
eitthvað sem verður ekki hrist fram
úr erminni. „Þetta er búið að vera
átta mánaða ferli frá því að við tók-
um þá ákvörðun að skipta um nafn,“
segir Gestur. Hann bætir því hins
vegar við að margir af þeim erlendu
aðilum sem hann hefur átt í sam-
skiptum við telji þetta fremur
skamman tíma. „Við fengum með
okkur fyrirtæki sem sérhæfir sig í
því að finna nöfn á alþjóðlegum fyr-
irtækjum ásamt lögfræðistofum með
sérhæfingu í vörumerkjum á hverju
starfssvæði okkar. Það þurfti að
koma með nafn sem væri auðvelt í
framburði og eftirminnilegt – og á
sama tíma yrði það að vera laust til
skráningar á fyrirtæki, vörumerki
og lénum. Eftir að komist var að
niðurstöðu um nafnið var lokasnún-
ingur tekin á því í samvinnu við
málfræðinga í 40 löndum til að
kanna hvort það hefði nokkuð nei-
kvæða þýðingu í öðrum tungu-
málum.“
Eigendurnir töpuðu öllu sínu
Það má segja að nafnbreytingin sé í
senn lokahnykkur á sameiningarlotu
fyrirtækjasamstæðunnar og um leið
fyrsta skrefið í umbreytingu Adv-
ania í norrænt upplýsingatæknifyr-
irtæki með víðtæka erlenda starf-
semi. Gestur segir að þetta hafi
síður en svo verið auðvelt ferli en
félagið hafi hins vegar notið þeirrar
gæfu að hafa farið snemma í nauða-
samninga við lánastofnanir eftir
efnahagshremmingarnar sem riðu
yfir Ísland á haustmánuðum 2008.
„Eigendurnir stigu til hliðar og fóru
frá félaginu – vitandi að þeir gætu
ekki bjargað skuldastöðunni – og
lánardrottnar félagsins breyttu
kröfum í hlutafé. Þetta var mjög já-
kvætt skref því í kjölfarið gat
stjórnendateymið farið að einbeita
sér að rekstri fyrirtækjasamsteyp-
unnar og sækja fram á ný.“
Gestur bætir því við að hann
undrist þegar stundum sé verið að
reyna að skapa einhverja tortryggni
í kringum allt þetta ferli. „Það
gleymist oft í allri umræðunni um
þessar mundir að eigendur félagsins
töpuðu öllu sínu hlutafé. Bankarnir
höfðu lánað fyrirtækinu fjármagn
gegn veði í ákveðnum eignum – og
þegar ekki var útlit fyrir að lánin
fengust greidd til baka á umsömd-
um tíma þá tók bankinn eignina ein-
faldlega yfir. Í kjölfarið hefst síðan
sú vinna að hámarka virði þeirra
eigna. Það var hins vegar ekkert af-
skrifað í þessari fjárhagslegu end-
urskipulagningu. Á félaginu hvíla nú
aðeins þær skuldir sem kröfuhafar
mátu að félagið réði við. Þeim hluta
skulda sem var umfram það var síð-
an breytt í hlutafé.“
Skráning í burðarliðnum
Í dag er Advania að stærstum hluta
í eigu Framtakssjóðs Íslands eftir
að sjóðurinn keypti hlut í Vestia,
dótturfélagi Landsbankans, fyrir
ríflega ári, og um leið fór Advania
úr eignarhaldi Landsbankans. Að-
spurður hvort eignatengsl Advania
við Framtakssjóðinn – sem er jafn-
framt að 27% hluta í eigu Lands-
bankans – sé að einhverju leyti
sambærilegt við eignarhald banka á
fyrirtækjum, segir Gestur svo alls
ekki vera. Þvert á móti hafi það
verið bæði eðlilegt og rökrétt skref
þegar Framtakssjóðurinn gerðist
meirihlutaeigandi að Advania.
„Bankar eru ekki góðir eigendur að
fyrirtækjum – að minnsta kosti ekki
til lengri tíma. Aðkoma Framtaks-
sjóðsins sem kjölfestufjárfestir í fé-
laginu var því mikið ánægjuefni.
Framtakssjóðurinn var gagngert
stofnaður eftir mjög sterkt ákall frá
atvinnulífinu um að lífeyrissjóðirnir
myndu bregðast við erfiðum efna-
hagsaðstæðum og nýta fjárhags-
legan styrk sinn til að styðja við líf-
vænleg íslensk fyrirtæki með
afgerandi hætti. Að endingu mun
Advania hins vegar verða skráð á
hlutabréfamarkað og eignarhaldið
færast úr höndum Framtakssjóðs-
ins.“
Spurður hvort stefnan sé sett á
skráningu á þessu ári segir Gestur
að það sé ákvörðun eigenda hvort
og hvenær félagið fari á markað.
„Það er engu að síður ekkert laun-
ungarmál að eitt af yfirlýstum
markmiðum Framtakssjóðsins er að
styðja við íslenskan hlutabréfamark-
að með því að skrá fyrirtæki á
markað. Það sem við höfum aftur á
móti sagt er að við áformum að
byggja félagið þannig upp að það
verði skráningarhæft síðar á árinu.
Það markmið mun takast. En það
er eitt að vera tilbúinn til að fara á
markað og annað hvenær það er
réttur tímapunktur út frá hags-
munum eigenda að skrá félagið. Þar
ráða ytri aðstæður miklu: staða á
markaði almennt, hversu áhugavert
félagið er metið inn á markaðinn og
svo mætti lengi telja.“
Erum ekki stórt fyrirtæki
Á síðasta ári var velta fyrirtækisins
liðlega 24 milljarðar króna og ríf-
lega helmingur þeirrar veltu var til-
kominn vegna umsvifa Advania er-
lendis. Gestur segir ljóst að þetta
hlutfall muni að öllum líkindum fara
hækkandi á næstu árum þegar horft
er til þess að frekari vöxtur fyr-
irtækisins á Íslandi takmarkast
mjög af smæð markaðarins. „Við
höfum ekki verið að skoða alvarlega
neina fjárfestingarkosti í upplýs-
ingatæknigeiranum á Íslandi. Mark-
aðurinn hér heima er í ákveðinni
kyrrstöðu um þessar mundir þannig
að flest tækifærin eru erlendis.“
Gestur tekur hins vegar ekki
undir þann málflutning sem sumir –
og þá ekki síst samkeppnisaðilar
Advania – hafa haft á orði að fyr-
irtækið sé einfaldlega orðið of stórt
fyrir íslenskan markað. „Þrátt fyrir
að fyrirtækið sé vissulega stórt á ís-
lenskan mælikvarða þá er Advania
ekki stórt fyrirtæki. Þvert á móti er
félagið fyrst núna orðið nægjanlega
stórt til að geta ráðist í hvaða upp-
lýsingatækniverkefni sem er. Hag-
kvæmni stærðarinnar skiptir máli í
þessum geira – eins og í mörgum
öðrum – enda færðu þá breiddina
og dýptina sem þörf er á til að geta
veitt samþættar heildarlausnir á öll-
um sviðum upplýsingatækni.“
Gestur bendir sömuleiðis á að
spurningin hvort eitthvert fyrirtæki
sé orðið of stórt hljóti alltaf að vera
afstæð í eðli sínu. „Þegar við kynnt-
um áform okkar fyrir sænska dótt-
urfélaginu okkar um að sameina öll
félög samstæðunnar undir nafni
Advania þá fannst þeim það frábært
því þá yrðu þeir ekki lengur „pínu-
lítið“ 300 manna fyrirtæki.“
Mikil stefnumótunarvinna
Aðspurður á hvaða sviðum Advania
hafi helst samkeppnisforskot á hin-
um norræna upplýsingatæknimark-
aði segir Gestur að félagið hafi ein-
mitt lagt ríka áherslu á það síðustu
misseri að vinna heildstæða og ná-
Útrás sem er ekki b
Vaxandi umsvif Adva
600 starfsmenn
Hugbúnaður
Vélbúnaðar
Rekstrarþjónusta
Ráðgjöf
Sérsmíðaðar lausnir
- Ísland
Eignarhald Advania
43 minni hluthafar
(enginn með meira en 3% hlut)
19,4%
Títan, fjárfestingafélag
Skúla Mogensen
5,2%
Framtakssjóður Íslands
75,4%
 Advania er orðið eitt af tíu stærstu upplýsingatæknifyrirtækjunum á Norðurlöndum  Forstjóri félagsins segir að það hafi verið mikil gæfa að fara
og Svíþjóð  Flest tækifærin er að finna erlendis  Kaupin á Thor Data Center smellpössuðu við stefnumótun Advania  Upplýsingatæknigeirinn ek