Morgunblaðið - 30.03.2012, Side 12

12 | MORGUNBLAÐIÐ
H
ortensían er alltaf mikill
vorboði ásamt lauka-
blómunum,“ segir Ragn-
hildur Fjeldsted, eigandi
verslunarinnar Dans á
rósum, spurð út í páskablómin. „Þar
á ég við bláar klukkur eða Muscari-
laukinn, Narsissur með hvítum lilj-
um á lauk, túlípana á lauk og svo
auðvitað litlu páskaliljurnar sem eru
á lauk og hægt er að setja út þegar
páskarnir eru svona seint á ferðinni,
til dæmis í útiker við aðalinngang.“
Ragnhildur segir líka skemmti-
legt að skola laukinn og setja hann í
litla vasa eða krukkur, eða setja
hann á bakka með fallegum kertum
og skrauti. „Svo er auðvitað gaman
að orkideum; ég reyni oft að vera
með Cymbidium orkideur, þær eru
harðgerðar, fást nánast í öllum lit-
um og það er skemmtilegt að klippa
niður knúppa og setja í litla vasa eða
á kaf í vatn. Það þarf ekki neitt flók-
ið til að skreyta páskaboðið, þannig
að eftir því sé tekið.“
Þvottur og næring
Ragnhildur hefur rekið fyrirtæki
sitt Dans á rósum við Baldursgötu
frá árinu 2007. Hún segir það raun-
ar vera vinnustofu frekar en hefð-
bundna blómabúð. Hún er spurð til
hvaða ráða sé hægt að grípa til að
tryggja að afskorin blóm lifi sem
lengst. „Aðalatriðið er auðvitað að
kaupa fersk blóm, eins og þau eru
seld í blómabúðum. Hreinlæti skipt-
ir svo höfuðmáli; það þarf að sápu-
þvo blómavasann og skola vel fyrir
notkun, setja í hann hreint, kalt
vatn og bæta blómanæringu út í
vatnið, hún á að fylgja með öllum
blómavöndum.“
Hún segir líka mjög mikilvægt að
hreinsa öll blöð af blómastilkunum
sem fara ofan í vatnið til að forðast
bakteríumyndun en þannig standi
blómin betur. „Túlípanar lifa reynd-
ar lengst í mjög litlu, köldu vatni en
þá þarf að passa vel að það sé alltaf
vatn í vasanum því nokkrir túl-
ípanar geta klárað vatnsskammtinn
á sólarhring.“
Blóm í eldhúsið
Ragnhildur kveðst vilja hæla ís-
lenskum blómaframleiðendum.
„Þeir leggja hart að sér og bjóða
flotta, íslenska vöru; afskorin blóm,
pottablóm og lauka. Ég hef oft verið
með námskeið fyrir ýmsa hópa,
bæði fyrir jól og páska, þar sem ég
kenni handtökin við gerð einfaldra
skreytinga fyrir heimilið og sýni
sniðugar lausnir fyrir minni veislur
og hvernig hægt er að nýta blómin á
sem bestan hátt. Það er svo margt
hægt að gera og Íslendingar mættu
vera duglegri að leyfa sköp-
unargleðinni að ráða þegar þeir
kaupa blóm.“
Spurð út í kostnaðarhliðina segir
hún: „Margir tala um að blóm séu
dýr en þá segi ég á móti notum
ímyndunaraflið, hvað get ég fundið
úti í garði eða í náttúrunni? Trjá-
grein getur gert mikið í vasa með
þremur eða fjórum páskaliljum og
svo er hægt að hengja fallegt páska-
skraut á greinina. Það er tilvalið
fyrir fjölskylduna að föndra saman,
leyfa börnunum að sjá um skrautið
og hafa þetta ekki of stílíserað.
Hægt er að gera mjög mikið úr
einu túlípanabúnti; setja til dæmis
nokkra túlípana í tvo litla vasa í eld-
húsið, það gerir svo mikið að hafa
blóm í eldhúsinu. Svo er hægt að
taka afganginn af túlípönunum og
setja í litla vasa á kertabakka inni í
stofu. Það er mikil hefð fyrir lauka-
blómum og blómum almennt í ná-
grannalöndum okkar, sérstaklega í
Skandinavíu, og maður sér varla
innanhússtímarit nema það séu
blóm í vasa á hverri síðu. En það er
rétt að benda á að það er ekki alltaf
stór vöndur heldur stundum bara
einn grænn flamingo, Anthurium,
sem endist í þrjár vikur, gróf trjá-
grein úr garðinum eða fallegir túl-
ípanar sem færa gleði inn á heim-
ilið.“
beggo@mbl.is
Páskalegt Það vantar ekki litina í blómahafið á Baldursgötunni enda úrvalið mikið og möguleikarnir eftir því margir.
Lífgað upp á tilveruna með lauk
Ragnhildur Fjeldsted í
blómaversluninni Dansi á
rósum segir auðvelt að
skreyta páskaborðið með
því að nota ímyndunaraflið
og kíkja út í garð.
Morgunblaðið/Árni Sæberg
Blómarækt Ragnhildur Fjeldsted segir íslenska blómabændur leggja hart að sér og bjóða flotta vöru.
Páskahreiður Egg á mosabeði. Litagleði Blóm úr ýmsum áttum.
’Notum ímyndunar-aflið, hvað get égfundið úti í garði eða ínáttúrunni?