Morgunblaðið - 30.03.2012, Blaðsíða 22

22 | MORGUNBLAÐIÐ
„Heimabærinn heillar enda finnst mér
Akureyri alltaf öðlast nýjan svip um
páskana. Sem strákur fyrir norðan
fannst mér þessi hátíð alltaf marka
kaflaskil í bæjarlífinu, enda fór maður
þá eftir langan vetur að sjá aftur andlit
aðkomufólks í bænum. Fjölskyldan
reynir alltaf að komast norður um
páskana, okkur finnst alltaf voðalega
notalegt að koma þangað enda bjugg-
um við í alls ellefu ár erlendis og finn-
um því vel hvar ræturnar liggja. En þá
förum við bara til þess að heilsa upp á
vini og ættingja, ég hef til aldrei kom-
ist upp á lag með skíðaíþróttina eins
og svo margir norðanmenn,“ segir Ak-
ureyringurinn Birkir Hólm Guðnason,
framkvæmdastjóri Icelandair.
„Ég var mikið á vélsleða þegar ég
var yngri og það voru ófáir páskarnir
sem maður skellti sér á sleða ef færið
var gott. Það er hvergi betra að vera
en á Akureyri og Eyjafirði þegar kemur
að vetraríþróttum. Í útlöndum þar
sem ég bjó í ellefu ár alls þóttu mér
páskarnir með sama þætti vera ákveð-
in straumhvörf. Daginn farið vel að
lengja og hlýna og kominn sá tími að
maður gat setið og borðað kvöldmat-
inn með fjölskyldunni úti á verönd eða
á svölunum. Þetta var svona í Þýska-
landi, Bandaríkjunum og Danmörku
þar sem ég bjó lengst,“ segir Birkir.
„Páskarnir eru annatími í fluginu;
margir á ferð og við teljum þá, jólin og
sumarið til hápunkta hjá Icelandair.
Skv. venju fara margir með okkur
núna til dæmis til Orlando í Bandaríkj-
unum, enda eiga ófáir Íslendingar þar
sumarhús og dveljast langdvölum. En
það má annars einu gilda hver áfanga-
staður okkar er, fólk notar páskana
mikið til að ferðast; bæði Íslendingar
sem fara utan og margir sem koma
hingað.“
Birkir Hólm Guðnason
Markaði kafla-
skil í bæjar-
lífinu nyðra
„Páskanir verða virkilega góð hvíld eft-
ir annasaman tíma að undanförnu.
Dagarnir verða nýttir til útiveru í góða
veðrinu, sem ég er búin að panta, og
samverustunda með börnunum mín-
um. Þá liggur fyrir að fara í tiltekt á lóð-
inni, gróður losnar senn úr viðjum vetr-
arins og þá er nauðsynlegt að vera
búinn að hreinsa burt sinugróður, tína
saman flugeldaprikin og spúla burt
sandinn. En umfram allt verður þetta
kærkomið frí með börnunum mínum
þremur, en þau eru öll mjög virk í
íþróttum og eftir mjög stífa dagskrá er
gott að fá nokkurra daga pásu,“ segir
Þórey Ólafsdóttir sölu- og markaðs-
stjóri veitingastaðarins Nítjándu í
Kópavogi.
Margir nýta páskana til útivistar og
það kveðst Þórey svo sannarlega
munu gera. „Ég bý í Garðabæ og hér
búum við svo einstaklega vel að Helga-
fellið ofan við Hafnarfjörð er í næsta
nágrenni. Ganga á fjallið er mjög hress-
andi og skemmtileg, aðeins um klukku-
stund upp og niður og því alveg tilvalin
afþreying á góðum degi. Nú síðan er
það páskasteikin, sjálft páskalambið
með öllu tilheyrandi meðlæti og einnig
sjálfsagt að líta í einhverjar bækur. Síð-
an er aldrei að vita nema við skellum
okkur í páskabrunch-inn á Nítjándu á
annan í páskum en það eru einmitt
mörg veitingahús sem hafa opið á
þessum hátíðardögum,“ segir Þórey.
„Sumir segja að páskarnir séu besta
frí ársins. Jólin og undirbúningur
þeirra einkennast alltof oft af miklu
kapphlaupi og allur gangur er á fjölda
frídaga hverju sinni en páskafríið er
alltaf þessir föstu fimm frídagar. Mað-
ur gengur alltaf að þeim vísum einmitt
á þeim tíma þegar daginn er farið vel
að lengja og vorið liggur í loftinu,“ segir
Þórey.
Þórey Ólafsdóttir
Fimm dagar
og burt með
flugeldaprikin
„Fjölskyldan fer alltaf í sveitina um
páskana, þar sem við eigum afdrep í
Víðidalnum og reynum að vera þar öll-
um lausum stundum. Eftir tarnir í vinnu
finnst mér óskaplega ljúft að komast
norður enda bjóða umhverfi og stað-
hættir þar upp á marga möguleika til
útivistar og að gera eitthvað virkilega
skemmtileg. Við erum til dæmis ekki
nema tvo tíma í sveitina hingað úr
bænum og úr Víðidal til dæmis rétt
tæpan klukkutíma að keyra í Tindastól
á Skaganum þar sem Skagfirðingar
hafa eitt besta skíðasvæði landsins,“
segir Loftur Ágústsson markaðsstjóri
BL.
Segja má að úr Víðidal sé stutt til
allra átta og fyrir vikið býður staðurinn
hugmyndaríku fólki sem vill gera eitt-
hvað skemmtilegt upp á svo margt.
„Við dundum okkur við margt
skemmtilegt. Eigum til dæmis lítinn
Færeying, trilluhorn sem er við bryggju
á Hvammstanga. Förum oft þangað og
eitthvað út á Húnaflóann og setjum út
færi. Þurfum raunar ekki nema örstutt
stím út með Vatnsnesinu til að komast
á ágæta fiskislóð þar sem þorskur er á
nánast hverjum öngli. Komum svo
heim í sveitina þar sem við gerum að
fiskinum. Þetta eru búhyggindi. Í gegn-
um sjósóknina hefur maður líka kynnst
fjölda skemmtilegra karla á Hvamms-
tanga,“ segir Loftur.
„Í fyrra héldum við fjölskyldan okkar
fyrstu jól í sveitinni sem var afskaplega
notalegt. Fín hvíld eins og gjarnan verð-
ur þegar í nýtt umhverfi er komið. Fór-
um þá í messu í Víðidalstungukirkju og
finnst að það sama gerum við aftur nú
og hlustum á sveitaprestinn segja frá
krossfestingu frelsarans – sem steig
niður til heljar en reis svo aftur upp frá
dauðum, rétt eins og Biblían segir svo
ágætlega frá.“
Loftur Ágústsson
Sveitaprest-
inn segir frá
krossfestingu
„Þetta verða góðir páskar og fjöl-
skyldan hlakkar til þess að eiga saman
nokkra daga í afslöppun í sveitinni.
Foreldrar mínir eiga sumarhús austur í
Biskupstungum og þangað höfum við
oft farið um páskana. Að komast í nýtt
umhverfi og vera ekki í þessum dag-
legu viðfangsefnum felur alltaf í sér
heilmikla hvíld. Þarna er til dæmis
hægt að fara í gönguferðir og þá eru
skemmtilegir staðir eins og Gullfoss
og Geysir ekki langt undan,“ segir
Eggert Jónsson, kondidormeistari á
Café Adesso í Smáralind.
„Austur í bústað höfum við auðvit-
að heitt og kalt vatn en aðeins örfá ár
eru síðan við fengum rafmagnið. Fram
að þeim tíma var bara eldað með gasi
og setið við kertaljós og því fylgdi oft
sérstaklega ljúf og þægileg stemning
til dæmis á kvöldin sem ég sakna í
aðra röndina. En auðvitað er rafmagn-
ið kostur, til dæmis við eldamennsku
um páska þegar maður vill gera vel
við sig og sína í matargerðinni. Ég
reikna með að núna verðum við með
sem hátíðarmat nautalund með ber-
naise-sósu; mat sem stendur alltaf
fyrir sínu þó eldamennskan sé í raun
og veru ekkert sérstaklega flókin. Já
og svo er ekki ósennilegt að á eftir
verðum við með eftirrétt, þar sem
skyr, rjómi, vanilla og sykur eru uppi-
staðan,“ segir Eggert og bætir við að
eftir annir að undanförnu, meðal ann-
ars í tengslum við fermingu sonarins,
sé fjölskyldunni tilhlökkunarefni að
fara út fyrir bæinn. Páskanir séu eitt
ljúfasta frí ársins; dagar á mörkum
vetrar og vors þegar náttúran sé að
breyta um svip og bjart talsvert fram
á kvöldið. Þetta séu góðar stundir
enda þó mestu hlunnindin séu að vera
með fjölskyldunni og þeim sem manni
séu kærastir.
Eggert Jónsson
Eigum saman
nokkra góða
daga í sveitinni
R
eglan um páska í kirkju vestrænna
landa er sú að páskadagur er
fyrsti sunnudagur eftir fyrsta fullt
tungl frá og með 21. mars, en þá
eru yfirleitt vorjafndægur – sem
merkir jafnlengd myrkur og ljóss. Að því
leyti merkja páskarnir öðrum þræði að sólin
sigrar og það góða hefur alltaf yfirhöndina.
Þeirra góðu frídaga sem nú fara í hönd mun
fólk njóta hvað með sínu móti. Leið margra
sem búa á suðvesturhorninu mun væntanlega
liggja norður í land, enda verður til dæmis
margt um að vera á Akureyri alla páskana.
Einhverjir munu fara á skíði og sumarbú-
staðalífið heillar alltaf þessa daga. Þá er líka
bæði gaman og skemmtilegt að fara í kirkju
um páskana og kynnast þar og þannig því
ævintýri upprisunnar sem allur boðskapur
kirkjunnar byggist á – með einum eða öðrum
hætti.
Vonardagarnir
góðu þegar vetur
og vor mætast
Ljósið hefur alltaf betur í baráttunni við myrkrið eins og best sést nú,
þegar dagarnir eru farnir að lengjast vel. Snjórinn hefur mátt undan láta
og hægt að una sér úti við löngum stundum. Páskarnir eru að ganga í
garð; fimm góðir frídagar og sumir taka raunar forskot á sæluna og
njóta lífsins í alla dymbilvikuna. En hvert liggur leiðin? Við tókum fimm
manns tali – sem öll ætla að eiga skemmtilega páska.
Morgunblaðið/Sigurgeir S
Gulir Ungarnir í lit vonarinnar horfa inn í linsuna og ljósið. Þeir eru einskonar táknmyndir
páskanna, mestu hátíð kristinnar manna sem nú ber upp síðustu dagana í marsmánuði.
„Súkkulaði og sukk eru áberandi á
þeim hátíðisdögum sem fara í hönd.
Þarna verður fólk að vera skynsamt
og finna einhvern milliveg sem öðr-
um þræði er uppskrift að góðum
páskum. Það er allt í góðu að fá sér
súkkulaði en hafa þó hollustuna
með; til dæmis grænmeti, ávexti,
græna drykki eða vatn. Og enginn
matur er betri á páskadag en hreint
íslenskt lambalæri - borið fram með
bökuðu rótargrænmeti, fersku
grænmeti og litríkum berjum,“ segir
Unnur Lukka Pálsdóttir sem rekur
veitingastaði HaPPs í Reykjavík.
Ófáir ætla sér líklega norður á
Akureyri um páskana. Leiðir það af
sjálfu sér enda býðst fjölbreytt af-
þreying nyrðra.
„Undanfarin ár hef ég alltaf farið
vestur til Arizona í Bandaríkjunum
þar sem fjölskyldan á hús og býr
nokkurn hluta úr ári. Þar hafa skap-
ast ýmsar skemmtilegar páska-
hefðir hjá okkur, til dæmis páska-
eggjaleitin þar sem eggjunum hefur
meðal annars verið komið fyrir hjá
kaktusum gresjunnar. Nú verð ég
hins vegar hér heima og vona frí á
Akureyri verði ekki síðra en í Banda-
ríkjunum. Norður fer ég með kærri
vinkonu og fjölskyldu hennar. Býst
þá við að dagarnir verði eftir nokk-
uð hefðbundinni uppskrift; skíði
fyrri hluta dagsins, þá sundlaugin,
kaffihús síðdegis og svo ljúf stund
yfir góðum mat um kvöldið. Mér og
líklega ótal fleirum finnst Akureyri í
raun vera hinn eini og sanni páska-
staður. Ótrúlega margir fara norður
þessa helgi hittir maður þar svo
marga, til að mynda fólkið sem
maður þekkir svo vel héðan úr 101-
Reykjavík,“ segir Unnur Lukka Páls-
dóttir.
Leita eggja í
kaktusum
gresjunnar
Unnur Lukka Pálsdóttir