Morgunblaðið - 17.04.2012, Qupperneq 4

4 FRÉTTIRInnlent
MORGUNBLAÐIÐ ÞRIÐJUDAGUR 17. APRÍL 2012
Sjálfbær þróun 2012
Ársfundur Sjálfbærniverkefnis Alcoa
og Landsvirkjunar á Austurlandi
verður haldinn á Hótel Héraði á Egilsstöðum
föstudaginn 27. apríl frá kl. 13:00 – 16:30.
Allir áhugasamir um verkefnið og sjálfbæra þróun eru hvattir til að mæta.
Nánari dagskrá og upplýsingar
um skráningu er hægt að nálgast
á heimasíðu verkefnisins:
www.sjalfbaerni.is
Skráning á www.sjalfbaerni.is
H
ér
að
sp
re
nt
Guðni Einarsson
gudni@mbl.is
Nokkur fyrirtæki miðla íslenskum
rafbókum gegn greiðslu. Nýjum raf-
bókatitlum fjölgar stöðugt. Bæk-
urnar eru sniðnar að viðmóti vin-
sælla tækja svo sem
Kindle-lesbretta, snjallsíma og
spjaldtölva með Apple eða Android
stýrikerfum og hvort heldur er Mac
eða PC far- og borðtölvum.
Skinna.is hefur fengið mjög góðar
viðtökur frá því rafbókaverslunin
var opnuð á miðnætti 15. apríl s.l.
„Það komu 3.200 manns inn á síðuna
okkar fyrsta sólarhringinn og yfir
500 skráðu sig í bókaklúbbinn okkar
og við seldum 60 bækur fyrsta dag-
inn. Þessi viðbrögð eru langt fram
yfir allar væntingar,“ sagði Birgir
Gunnlaugsson, framkvæmdastjóri
Skinnu.is. Við opnun voru í boði 60
titlar sem komu út 2011 og 2012 , frá
öllum helstu forlögum landsins.
„Við erum fyrsti rafbókavefurinn
sem sameinar öll forlögin á einum
stað,“ sagði Birgir. „Við gerum ráð
fyrir að við bætum við 10-15 titlum á
viku.“ Þrjú forlög eiga eftir að bæt-
ast við.
Birgir sagði að verðlagn-
ing bóka, samkvæmt
heildsöluverði frá
útgefendum, væri
yfirleitt þannig að
kilja væri oftast ódýr-
ust, þá rafbókin og harð-
spjaldabókin dýrust.
„Sumar útgáfur eru farnar
að hafa rafbókina ódýrasta,“
Vegagerðin er reiðubúin að ganga
til samninga við Eimskip Ísland ehf.
um rekstur Vestmannaeyjaferj-
unnar Herjólfs næstu tvö árin.
Krafa Eimskips um stöðvun samn-
ingsferlis vegna höfnunar fyrra til-
boðs félagsins kemur hins vegar í
veg fyrir að hægt sé að ganga til
samninga. Á meðan gengur klukk-
an, samningar um rekstur Herjólfs
renna út 1. maí sem og ráðning-
artími áhafnarinnar.
Útboð á rekstri Herjólfs til næstu
tveggja ára hefur farið fram í mik-
illi tímaþröng og verið þrauta-
ganga. Ekki var tekið við fyrstu til-
boðunum vegna villu í
útboðsgögnum. Afar hagstætt til-
boð kom frá Samskipum í annarri
umferð en dagurinn var ekki liðinn
þegar starfsmenn Samskipa fengu
einhverja bakþanka. Ekki hefur
verið upplýst hvað var að. Nið-
urstaðan varð sú að Vegagerðin
hafnaði öllum tilboðunum vegna
þess að eitthvað hefði vantað upp á
gögn hjá þeim öllum en gaf fyr-
irtækjunum kost á að bæta úr ágöll-
um og staðfesta tilboð sín.
Það leiddi til mikilla breytinga.
Eimskip lækkaði sig um tæpar 200
milljónir og var lægstbjóðandi með
681 milljón. Endurmat Samskipa
leiddi hins vegar til þess að fyr-
irtækið hækkaði sig úr 602 í 755
milljónir.
Mikil óvissa er í rekstri Herjólfs
sérstaklega vegna þess hversu sigl-
ingar í Landeyjahöfn eru ótryggar.
Gunnlaugur Grettisson, rekstr-
arstjóri Herjólfs hjá Eimskip, segir
að fyrirtækið hafi talið óhætt að
endurmeta óvissuþættina í þeirri
von að betur gengi að nota Land-
eyjahöfn. Þá væri dregið úr kröfum
um hagnað af verkefninu. Fleira
kom til.
Eimskip kærði þá niðurstöðu
Vegagerðarinnar að ganga ekki til
samninga við fyrirtækið á grund-
velli fyrra tilboðs félagsins. Það
mál er til úrvinnslu hjá kærunefnd
útboðsmála. Vegagerðin telur
raunar að málið falli ekki undir lög-
sögu nefndarinnar en hefur þó lýst
því yfir, vegna krafna Eimskips um
stöðvun samningsferlis, að ekki
verði gengið til samninga fyrr en
úrskurður kærunefndarinnar um
það atriði liggur fyrir. Ómögulegt
er að segja hvað nefndin þarf mik-
inn tíma til að fjalla um málið.
Það auðveldar ekki málið að
samningar Eimskips og Vegagerð-
arinnar um rekstur Herjólfs renna
út um komandi mánaðamót og þá
taka einnig gildi uppsagnir áhafn-
arinnar og annars starfsfólks. Ekki
hafa náðst samningar um fram-
lengingu vegna þess að starfsfólkið
vill fá meira öryggi, vinnu eða laun
í lengri tíma en Vegagerðin treystir
sér til.
Það virðist ekki auðvelda úrlausn
þótt sama fyrirtækið, Eimskip, sé
allsstaðar í vefnum. helgi@mbl.is
Samningar við
Eimskip stöðvaðir
að kröfu Eimskips
 Óvissa um ferjusiglingar til
Vestmannaeyja eftir mánaðamót
Rannsókn á máli Gunnars And-
ersen, fyrrverandi forstjóra Fjár-
málaeftirlitsins, er lokið og verður
sent ríkissaksóknara síðar í vik-
unni, samkvæmt upplýsingum frá
Friðriki Smára Björgvinssyni, yf-
irmanni rannsóknardeildar lög-
reglunnar á höfuðborgarsvæðinu.
Gunnari er gefið að sök að hafa
með ólögmætum hætti aflað banka-
upplýsinga um þingmann og komið
þeim í fjölmiðla. Ríkissaksóknari
mun taka ákvörðun um hvort gefin
verður út ákæra á hendur Gunnari.
Þrír aðrir hafa réttarstöðu sak-
bornings og fékk ríkissaksóknari
einnig upplýsingar um meinta aðild
þeirra að málinu. ipg@mbl.is
Rannsókn á máli
Gunnars Andersen
er lokið hjá lögreglu
Samherji hefur nú fengið afhent, frá
gjaldeyriseftirliti Seðlabanka Ís-
lands, þau gögn sem lágu til grund-
vallar úrskurði héraðsdóms um
heimild til húsleitar og haldlagning-
ar gagna hjá fyrirtækinu og félögum
tengdum því hinn 27. mars. sl.
„Af lestri gagnanna má ljóst vera
að þær ályktanir sem gjaldeyriseft-
irlit Seðlabanka Íslands hefur dregið
eru að verulegu leyti byggðar á
rangfærslum um eðli og framkvæmd
viðskipta Samherja og tengdra fé-
laga.
Forsvarsmenn Samherja for-
dæma þá harkalegu aðgerð sem beitt
var með húsleit og haldlagningu
gagna. Sú aðgerð hefur þegar valdið
fyrirtækinu umtalsverðu tjóni. Hæg-
lega hefði mátt komast hjá því tjóni
með fyrirspurnum til Samherja.
Slíkum fyrirspurnum hefði að sjálf-
sögðu verið svarað, eins og fjölmörg-
um öðrum sem borist hafa frá Seðla-
bankanum undanfarin ár,“ segir í
fréttatilkynningu frá Samherja.
Að sögn Helga Jóhannessonar,
hrl. og lögmanns Samherja, vissu
forsvarsmenn Samherja ekki hvaðan
á sig stóð veðrið enda hefðu þeir ekki
vitað hvað þeir væru grunaðir um að
hafa brotið af sér. „Nei og það sem
þarf að skýra út er ekkert mál að
skýra út og það var algjör óþarfi að
fara inn með húsleit, það hefði verið
hægt að senda bréf eða fyrirspurn
um einhver atriði sem hefði þá verið
leyst úr eins og oft hefur verið gert
áður,“ segir Helgi aðspurður hvort
ekkert í gögnunum bendi til þess að
Samherji hafi framið lögbrot.
skulih@mbl.is
Samherji fékk gögn afhent
 Lögmaður Samherja segir ekkert í gögnunum benda til þess að lögbrot hafi ver-
ið framið  Hann segir húsleit í höfuðstöðvum fyrirtækisins hafa verið óþarfa
Morgunblaðið/Skapti Hallgrímsson
Óþarft Lögmaður Samherja segir
að húsleitin hafi verið óþörf.
Rafbókum á íslensku fjölgar óðum og eins þeim sem miðla rafbókum til
lesenda. Nú bjóðast frumútgáfur sem einungis koma út sem rafbækur
auk þess sem nýútkomnir bókatitlar á prenti koma samtímis út sem raf-
bækur. Þá eru að koma út rafrænar endurútgáfur eldri bóka sem löngu
eru uppseldar.
Nýjasta rafbókaútgáfan hér á landi er Rafbókaverslunin Skinna.is sem
var opnuð 15. apríl sl.. Rafbókaveitan Emma.is var opnuð þann 1. des-
ember sl. og rafbókasíðan Lestu.is þann 10. janúar 2011 en hún
státar af því að vera fyrsta íslenska rafbókasíðan. Þá má nefna
að Eymundsson (eymundsson.is) er með rafbókadeild líkt og
vefverslun Forlagsins (www.forlagid.is) svo nokkuð sé nefnt.
Auk þess er Landsbókasafn með stóran rafbókavef ókeypis
bóka (baekur.is).
Frumútgáfur og eldri bækur
RAFBÓKATITLUM OG RAFBÓKABÚÐUM FJÖLGAR ÓÐUM
sagði Birgir og taldi að verðþróunin
yrði í þá veru. Ekki stendur til að
hefja eigin bókaútgáfu hjá Skinnu.is.
Birgir sagði að stærsta verkefni
framtíðarinnar væri að búa til raf-
bækur úr öllu bókasafni Íslendinga.
Annast útgáfu og dreifingu
Óskar Þór Þráinsson, stofnandi
rafbókaútgáfunnar Emmu
(www.emma.is), sagði að þau hjá
Emmu skilgreindu sig sem dreifing-
arfyrirtæki. „Það getur hver sem er
komið með bækur til okkar. Við er-
um bæði með bækur frá bóka-
forlögum og frá sjálfstæðum höf-
undum, þeim sem gefa sjálfir út,“
sagði Óskar. Emma.is býður nú á
sjöunda tug rafbókatitla og er tæpur
þriðjungur þeirra frumútgáfur sem
hafa aldrei komið út á prenti. „Það
er talsverður áhugi á þessari útgáfu
því það er hagstæðara fyrir minni
útgefendur og höfunda að geta kom-
ið sér svona á framfæri án mikils
kostnaðar,“ sagði Óskar. Um 30 raf-
bókatitlar eru í vinnslu og bætast
nýir við í hverri viku.
Óskar sagði að Emma.is stjórnaði
ekki verði bóka sem þau dreifa fyrir
stóru forlögin. Rafbækur frá stærri
forlögum eru sumar jafndýrar og
prentaðar bækur en yfirleitt eru raf-
bækurnar 10-25% ódýrari en sömu
bækur á prenti. Einnig býður
Emma.is upp á eldri bækur sem eru
uppseldar á prenti en fást nú sem
rafbækur. Tveggja ára bækur og
eldri kosta gjarnan um eða undir
þúsund krónum sem rafbækur.
Morgunblaðið/Sigurgeir S.
Rafbók Það má jafnt nota lesbretti, snjallsíma, spjaldtölvur, fartölvur og borðtölvur til þess að lesa flestar íslenskar
rafbækur. Rafbókum á íslensku fjölgar mjög ört og nokkur fyrirtæki miðla slíkum bókum til lesenda.
Íslenskar rafbækur
ryðja sér til rúms
 Nýjar íslenskar rafbækur koma út í hverri viku