Morgunblaðið - 21.07.2012, Qupperneq 36

36 MENNING
MORGUNBLAÐIÐ LAUGARDAGUR 21. JÚLÍ 2012
Á Krúsku færðu:
heilsusamlegan mat,
kjúklingarétti, grænmetisrétti,
fersk salöt, heilsudrykki,
súkkulaðiköku,
gæðakaffi frá
Kaffitár og
fallega
stemningu.
Suðurlandsbraut 12 l 108 Reykjavík l S. 557-5880 l kruska@kruska.is l kruska.is
OPIÐ VIRKA DAGA FRÁ 11-20 SENDUM Í FYRIRTÆKI
Næring fyrir líkama og sál
Lára Hilmarsdóttir
larah@mbl.is
„Við erum aldrei hundrað prósent
öruggar þegar við stígum á sviðið. En
það er einmitt unaðurinn við spun-
ann. Allt getur gerst, allt er mögulegt
og útkoman kemur manni stöðugt á
óvart á skemmtilegan hátt. Þess
vegna er þetta spennandi,“ segir
Johanna Sulkunen frá Finnlandi.
Hún er ein af söngkonunum sem
skipa spunasönghópinn IKI en jafn-
framt því að vera tónlistarhópur
skipaður aðeins kvensöngvurum, er
annað einkenni hópsins að þær eru
allar frá Norðurlöndunum.
Sönghópurinn er nú staddur á Ís-
landi í þeim tilgangi að taka upp aðra
plötu sína en tökurnar standa yfir
þessa helgi. Á mánudaginn halda
þær svo tónleika í Fríkirkjunni í
Reykjavík, kl. 20 og er aðgangur
ókeypis, en þetta eru einu tónleikarn-
ir sem þær halda að þessu sinni á Ís-
landi.
Tónlistarverðlaun og tækifæri
Á seinasta ári, 2011, vann IKI
dönsku tónlistarverðlaunin fyrir
bestu djasssöngútgáfu ársins. IKI
stelpurnar segja verðlaunin hafa
blásið enn meira lífi í hópinn. „Okkur
hefur boðist að koma fram á stærri
tónleikum og hátíðum og við getum
búist við að fá almennilega borgað.
Þar að auki urðum við allt í einu
miklu athyglisverðari í fjölmiðlum,“
segir Mia Marlen Berg frá Noregi.
Ásamt Miu og Johönnu syngja þær
Sofie Holm, Anna Mose, Kamilla
Kovacs, Mette Skou frá Danmörku,
Anna María Björnsdóttir frá Íslandi,
og Guro Tveitnes frá Noregi í IKI
spunasönghópnum. „Tilnefningin til
verðlaunanna kom okkur á óvart,“
bætir Anna María við. „Við höfðum
ekki hugmynd um hvernig platan
okkar hafði ratað í hendur dóm-
nefndarinar.“ En fyrsta plata IKI,
sem þær unnu verðlaunin fyrir, var
tekin upp 2010 en kom út ári seinna.
Hún er nú fáanleg í tónlistarversl-
uninni 12 tónum.
Stöðug endurnýjun
Ferlið við gerð á plötu eins og
þeirri sem IKI gaf frá sér er að
mörgu leyti frábrugðið hefðbundnari
hljómsveitum þar sem tónlistin er
saman fyrirfram, vegna þess að IKI
spinnur tónlistina í upptökuverinu.
„Tökur stóðu yfir þrjá daga og á
þeim tíma sungum við á bilinu 60 til
70 lög. Ný lög hvert á fætur öðru í
þrjá daga. Og svo þegar því var lokið
völdum við lögin sem okkur leist best
á,“ segir Anna María. Stöllurnar
bæta við að slík upptökumaraþon
reyni svo sannarlega á. „Það er
aragrúi af tilfinningum og orku sem
fer í upptökurnar. Maður þarf stans-
laust að láta reyna á sköpunargáf-
urnar til þess að halda hugmynda-
streyminu gangandi og alltaf að vera
vakandi og halda einbeitingunni til
þess að geta brugðist við hinum í
hópnum.“ Svipað maraþon bíður
stelpnanna núna um helgina en þær
munu taka aðra plötu sína upp í sam-
vinnu við spunasérfræðinginn og gít-
arleikarann Hilmar Jensson. „Í þetta
sinn slæst Hilmar í hópinn þannig að
það verður athyglisvert að sjá út-
komuna þegar nýr tónlistarmaður
bætist við. En það eru líka liðin tvö ár
frá seinustu plötu okkar, þannig að
eflaust hefur eitthvað gerst og breyst
á því tímabili. Á fyrstu plötunni vor-
um við ennþá ferskar og svolítið hrá-
ar,“ segir Johanna. „Ég er viss um að
upptökurnar á nýju plötunni munu
opna nýjar dyr og hjálpa okkur að
þróast áfram sem tónlistarhópur,“
segir Mette, dönsk söngkona í IKI.
„Við fáum nýja innsýn og innblástur
við svona upptökur. Þar af leiðandi er
ég viss um að við fórum á tónleikana
með fullt af nýjungum og opið
hugarfar.“
Fjölbreytileikinn styrkir
IKI spratt úr söngsamspili þar
sem stór hópur söngvara hittist
reglulega í Kaupmannahöfn til þess
að syngja saman og spinna nýja tón-
list. „Við í IKI kynntumst þegar við
stunduðum saman tónlistarnám í
Rhythmic Conservatorium í Kaup-
mannahöfn árið 2009. Smám saman
minnkaði þessi hópur sem hittist til
þess að spila saman og eftir vorum
við átta sem skipum nú IKI. Síðan þá
höfum við æft einu sinni í viku og
þetta hefur verið æðislegt síðan þá,“
segja Mia, Anna María og Johanna.
„Sumar voru í djasstónlist, aðrar í
fólk, óperu, rokki og bara nær allt
þar á milli,“ segir Mia. Anna María
og Johanna taka undir það. „Mis-
munandi þjóðerni, tungumál og tón-
listarstefnur gera okkur að sterkum
hóp. Og það að við erum allar kven-
söngvarar gerir okkur enn sterkari.“
Suðupottur áhrifa
Stöðug endurnýjun og fjölbreyttir
tónlistarstraumar setur sinn svip á
IKI. „Það eru alls konar mismunandi
tónlistaráhrif til staðar í söngnum
okkar, og aldrei það sama sem verður
til. Við komum hver annarri og sjálf-
um okkur stöðugt á óvart. Við not-
umst stundum við hugtök þegar við
erum að spinna saman. Hugtökin
geta verið hvað sem er, litur, lest-
arferð á einhvern ákveðinn stað, upp-
hafs- og endastaður á sviðinu og allt
þar á milli. Hugtökin eru innblástur
og farangurinn sem við komum með
inn í spunann,“ segja Mia og
Johanna. Á þann hátt blandast sam-
an áhrif úr tónlistarverkefnum sem
þær vinna sjálfstætt utan IKI, and-
rúmsloftið hverju sinni, innblástur
hvers dags fyrir sig, taktar og tungu-
mál. Útkoman er einstakur spuni
sem IKI hefur nýlega hlotið end-
urtekið lof gagnrýnenda á Norð-
urlöndum fyrir.
Einstök upplifun
Listinn af tónleikum og hátíðum
þar sem IKI hefur komið fram er
langur. Þar á meðal eru Copenhagen
Jazzfestival og SPOT tónlistarhátíð í
Árósum. Þær hafa einnig unnið í
samstarfi við fjölda lista- og tónlist-
armanna á borð við japanska radd-
listamanninn Koichi Makigami,
danska píanóleikarann Søren
Kjærgaard, diskóhljómsveitina Mid-
night Magic frá Brooklyn og norska
saxófónleikarann Torben Snekkes-
tad. „Það er rosalega gaman að vera í
IKI því við erum sveigjanlegar hvað
varðar tónlistarstefnur. Við pössum í
raun inn í næstum hvaða tónlist-
arhátíð, hvort sem það er popp, djass,
fólk eða diskótónlist,“ segir Mia.
„Við byggjum gagnvirkt samband
við umhverfið og áhorfendur þegar
við syngjum. Ef við fáum engin við-
brögð má segja að okkur hafi mistek-
ist, en það gerist sjaldan ef nokkurn
tímann,“ bætir Mia við. „Stundum
eru áhorfendurnir yfir sig hrifnir og
stundum vita þeir varla hvað þeim á
að finnast. En það er einmitt tilgang-
urinn, að vekja viðbrögð. Upplifunin
er í raun einstök fyrir hvern og einn,
bæði áhorfendur og okkur,“ bæta
Anna María og Johanna við.
Á döfinni er ýmislegt hjá söngkon-
unum en þær eru á kafi bæði í sínum
eigin tónlistarverkefnum og sem IKI
sönghópurinn. Flestar eru þær ný-
búnar að gefa út hljómplötur á sínum
eigin vegum, hvort sem það er með
hljómsveit eða ekki. En á dagskránni
hjá IKI eru meðal annars tónleikar
með Eivöru Pálsdóttur, tónleikaferð-
lag um Þýskaland, og fleiri tónlist-
arhátíðir og uppákomur. Og að sjálf-
sögðu útgáfa hljómplötunnar sem
IKI tekur upp þessa helgi, en þær
vona að hún verði komin í verslanir í
haust. Áhugasamir geta fylgst með
framvindu IKI á vefsíðunni þeirra,
ikivocal.com.
Endalaust hugmyndaflóð frá IKI
Skrúðugar Spunasöngkonurnar skipa sönghópinn IKI og blanda saman áhrifum úr ólíkum áttum, tungumálum, þjóðernum og tónlistarstefnum.
Líf og fjör IKI kemur fram á tónleikum í Fríkirkjunni á mánudaginn kl. 20,
en það eru einu tónleikarnir sem þær halda hérlendis að þessu sinni.
 Spunastelpurnar í IKI taka upp plötu á Íslandi  Halda tónleika í Fríkirkjunni  Tækifærin
streyma að eftir dönsku tónlistarverðlaunin  Spuninn reynir á stöðuga endurnýjun hugmynda