Morgunblaðið - 24.11.2012, Qupperneq 41
41
MORGUNBLAÐIÐ LAUGARDAGUR 24. NÓVEMBER 2012
Réttindaganga Um tvö hundruð börn á frístundaheimilum í Miðborg og
Hlíðum fóru í gær í réttindagöngu til að minna á Barnasáttmála SÞ.
Kristinn
Í dag hafa sjálfstæð-
ismenn tækifæri til að
stilla upp sterkum
framboðslista í
Reykjavík. Með því að
kjósa í prófkjörinu tek-
ur flokksfólk ákvörðun
um hverjir skipa for-
ystu flokksins og leiða
Sjálfstæðisflokkinn í
alþingiskosningunum í
vor. Kosningarnar eru
þær mikilvægustu sem
farið hafa fram hér á landi um nokk-
urt árabil. Þær ráða úrslitum um það
hvort okkur tekst að taka upp nýja
stjórnarhætti og snúa vörn í sókn.
Þeim, sem nú sitja við stjórnvölinn,
hefur ekki tekist að auka traust og
tiltrú almennings á stjórnmálum og
undir forystu ríkisstjórnarinnar hef-
ur flestum málum verið stýrt í farveg
átaka og ósamstöðu. Því verður að
breyta svo að við getum nýtt þau ótal
tækifæri sem hér eru ef rétt er haldið
á málum.
Okkar bíða fjölmörg tækifæri. Það
eru tækifæri til vaxtar í tækni- og ný-
sköpun, menntun og fræðslu, skap-
andi greinum, orkuiðnaði, sjávar-
útvegi, landbúnaði og ferðaþjónustu,
svo fátt eitt sé nefnt. Landið okkar er
fullt af auðlindum og Ísland er í raun
ein stór auðlind.
Mestu tækifærin liggja þó hjá okk-
ur sjálfum. Hjá fólkinu sem býr í
þessu góða landi. Hjá þessari þjóð
sem hefur sýnt það svo oft að hún
hefur hugrekki til að horfast í augu
við vandann og veit ekki hvað það er
að gefast upp. Það er þessi kraftur,
þessi dugnaður og þessi vilji sem við
verðum umfram allt að virkja. Við vit-
um að hlutirnir gerast ekki af sjálfu
sér og við erum alltaf tilbúin að gera
betur í dag en í gær. Það viðhorf er
þessari þjóð meðfætt og það breyttist
hvorki við hrunið né við það að sitja
uppi með ráðríka en um leið ráða-
lausa vinstristjórn í að
verða fjögur ár.
Sjálfstæðisflokkurinn
verður að ná þeim styrk
að hann geti komið þess-
ari ríkisstjórn frá. Hann
verður að njóta svo víð-
tæks trausts að hann
verði burðarásinn í nýrri
ríkisstjórn sem skilur að
lausnin er fólgin í því að
gefa fólkinu sjálfu tæki-
færi til athafna, fram-
kvæmda og framfara.
Okkar bíða fjölmörg
verkefni og margar áskoranir. Við
þurfum að leysa þau vandamál sem
einstaklingar og fjölskyldur standa
frammi fyrir. Við þurfum að auka
ráðstöfunartekjur heimilanna,
minnka umsvif og skattheimtu rík-
isins og skapa þannig umhverfi að
bæði fyrirtæki og einstaklingar sjái
tækifæri í því að stíga fram, taka til
hendinni, virkja sköpunarkraftinn og
horfa til framtíðar.
Með þessum orðum vil ég hvetja
allt sjálfstæðisfólk í Reykjavík til að
taka þátt í prófkjöri Sjálfstæð-
isflokksins í dag. Nýtið tækifærið til
að velja öflugan framboðslista fyrir
komandi þingkosningar. Þannig auk-
um við líkurnar á góðum árangri
Sjálfstæðisflokksins í vor og gefum
íslenskri þjóð von um breytingar,
fleiri tækifæri og nýja tíma. Ég er
reiðubúin að helga mig því og óska
eftir stuðningi ykkar í 1. sæti listans.
Eftir Hönnu Birnu
Kristjánsdóttur
»Með því að kjósa í
prófkjörinu tekur
flokksfólk ákvörðun um
hverjir skipa forystu
flokksins og leiða Sjálf-
stæðisflokkinn í alþing-
iskosningunum í vor.
Hanna Birna
Kristjánsdóttir
Höfundur er borgarfulltrúi.
Stillum upp sterk-
um lista í dag
Ég gekk ungur í
Sjálfstæðisflokkinn af
þeirri einföldu ástæðu
að sjálfstæðisstefnan
er í samræmi við mínar
lífsskoðanir. Frelsi
með ábyrgð og sam-
kennd með náunganum
er kjarninn í þeirri
stefnu. Ég hef ávallt
notið þess að vinna
með því góða fólki sem
fylkir sér um stefnu
Sjálfstæðisflokksins. Styrkur
flokksins er fólkið sem sameinast
um málefnin og vinnur óeigingjarnt
starf þegar á þarf að halda.
Látum okkur málin varða
Stjórnmál og stjórnmálaþátttaka
snýst um málefnabaráttu og leiðir að
lausnum. Við eigum að láta okkur
málin varða. Þjóðin veit nú að vinstri
leið er engin lausn og leiðir hvorki af
sér velferð né tækifæri. Því miður
þurfti kjörtímabil glataðra tækifæra
til þess að það kæmi berlega í ljós. Á
þessu kjörtímabili hef ég gert mitt
besta til að lágmarka skaðann sem
hlýst af hinni hreinu vinstristjórn
sem nú stýrir landinu og einbeitt
mér sérstaklega að:
skuldamálum og málefnum heim-
ilanna
atvinnumálum og lækkun skatta
málefnum aldraðra sem ég lagði
m.a. áherslu á þegar ég starfaði sem
heilbrigðisráðherra
samkeppnisstöðu innlendrar
verslunar gagnvart er-
lendri
vegamálum og um-
ferðaröryggi
Í mörgum þessara
málaflokka kristallast
baráttan milli lífsgilda
okkar sjálfstæð-
ismanna og þeirra leiða
sem vinstrimenn vilja
fara. Það hefur verið
fast sótt að lífsgildum
okkar á þessu kjör-
tímabili og enn eru
margar orrustur eftir
og mikið verk að vinna. Við megum
hins vegar aldrei láta pólitíska and-
stæðinga okkar ráða för. Það má
aldrei hvika frá grunngildum sjálf-
stæðisstefnunnar.
Markalínur eru skýrar í ís-
lenskum stjórnmálum
Það getur enginn efast um að
markalínur eru skýrar í stjórn-
málum á Íslandi í dag. Í raun hafa
þær ekki verið skýrari í fjölda ára.
Við höfum horft upp á vinnubrögð á
þessu kjörtímabili sem aðeins
vinstrimenn stunda. Strax í upphafi
kjörtímabilsins innsigluðu vinstri
stjórnarflokkarnir samstarf sitt með
svikum við kjósendur er Vinstri-
grænir samþykktu aðildarviðræður
að Evrópusambandinu. Það gaf tón-
inn um áframhaldið. Í stað þess að
taka á raunverulegum vandamálum
er kröftum eytt í dægurmál. Í stað
þess að vinna í sátt eru mál knúin
áfram í ósætti. Í stað þess að veita
einstaklingnum frelsi og svigrúm er
þrengt að honum með boðum, bönn-
um og skattahækkunum. Ekkert er
bannfólkinu heilagt, jafnvel ekki
ferðafrelsi fólks í eigin landi. Nú
þegar kjörtímabil hinna glötuðu
tækifæra er að líða undir lok upplifa
íbúar þessa eins ríkasta lands í heimi
sig sem fanga í eigin landi og fjöl-
margir hafa tekið þann kost að
freista gæfunnar í öðrum löndum.
Stöndum vörð um frelsi
einstaklingsins
Í prófkjöri sjálfstæðismanna í dag
velur grasrót flokksins þá ein-
staklinga sem hún treystir best til að
leiða baráttuna gegn vinstriöflunum
og landið aftur á braut hagsældar.
Tækifærin blasa hvarvetna við og
þau þarf að nýta. Tækifærin búa í
fólkinu sem landið byggir, auðlind-
unum sem landið er ríkt að, stað-
setningu landsins og náttúru. Ef við
fylgjum sjálfstæðisstefnunni og
stöndum vörð um frelsi einstaklings-
ins til athafna þá vinnum við okkur
úr öllum vandamálum. Ég hef helg-
að líf mitt baráttunni fyrir sjálfstæð-
isstefnunni og ég óska eftir umboði
þínu, ágæti sjálfstæðismaður, til að
vera áfram í forystusæti Sjálfstæð-
isflokksins í Reykjavík til að leiða
okkar baráttu. Ég bið um stuðning
þinn í 2. sæti í prófkjörinu í dag og
ég heiti því að halda áfram að starfa
fyrir þína hönd af samviskusemi,
dugnaði og ástríðu.
Eftir Guðlaug Þór
Þórðarson
»Ef við fylgjum sjálf-
stæðisstefnunni og
stöndum vörð um frelsi
einstaklingsins til at-
hafna þá vinnum við
okkur úr öllum vanda-
málum.
Guðlaugur Þór
Þórðarson
Höfundur er alþingismaður.
Tækifærin felast í
sjálfstæðisstefnunni
Mikilvægt er að farið
sé með rétt mál og talað
skýrt í viðræðum við
ESB. Það á að gerast
óháð því hvort menn
séu fylgjandi aðild eða
ekki. Á fundi sem þing-
mannahópur Alþingis
átti með þingmönnum
og forystuliði ESB í
þessari viku komu í ljós
af þeirra hálfu efa-
semdir um heilindi Ís-
lendinga í þessari umsókn. Þá virtust
þeir illa upplýstir um þá miklu and-
stöðu sem er meðal þjóðarinnar
gagnvart þessari umsókn og veikan
pólitískan stuðning við hana. Kom
þeim mjög á óvart t.d. að meirihluti,
eða um 54% í nýjustu skoð-
anakönnun, vildi draga umsóknina til
baka og að aðeins einn stjórn-
málaflokkur styddi hana óskiptur á
Alþingi.
ESB vill ekki taka þátt
í „bjölluati“.
Að mati ESB sæktu þjóðir um að-
ild til að komast inn í sambandið. Í að-
lögunarferlinu væri reynt að leysa á
sem bestan hátt úr tímabundnum
örðugleikum eða aðlögun umsókn-
arlandsins til þess að komast snurðu-
laust í sambandið. ESB byði fram
verulega fjárhagsaðstoð til þess að
auðvelda landinu inngöngu. Sumir
hafa kallað það mútur.
Hugtakið að „kíkja í pakkann og
sjá hvað væri í boði“ fannst mér þeir
líta á sem beina móðgun við sam-
bandið. Varð mér af því tilefni hugsað
til þeirra sem stöðugt væru að „kíkja“
í pakkann og hygðust gera það áfram
næsta kjörtímabil. Hvernig myndi
okkur líka slíkur talsmáti?
Talsmenn ESB sögðust ekki vera í
þessum samningum af leikaraskap
eða tækju þátt í „bjölluati“. Þótt sum-
ir stjórnmálamenn á Íslandi lékju það
til heimabrúks, ættu
þeir að vita betur.
Engar varanlegar
undanþágur frá lög-
um ESB
Á upplýsingavef ESB
kemur fram að engar
varanlegar undanþágur
hafa verið veittar frá
lögum ESB eftir að
stækkunarferli ESB
hófst að nýju. Eina litla
undantekningin er sú
sem Malta fékk varð-
andi tvöfalt lögheimili á Möltu og í
öðru ESB landi. Framkvæmda-
stjórnin hefur verið mjög andvíg því
að veita neinar slíkar varanlegar und-
anþágur.
Ekki minnist ég þess að for-
ystumenn ESB hafi nokkru sinni lof-
að varanlegum undanþágum í neinu
atriði er varðar Ísland. Þvert á móti
hafa þeir ítrekað að það væri Ísland
sem væri að sækja um aðild að ESB
en ekki öfugt. Þær undanþágur sem
talið hefur verið að Ísland geti óskað
eftir eru því aðeins tímabundnar og
verða að rúmast innan gildandi laga
ESB. Hinsvegar er undanþága sem
ekki er skráð í samningnum sem slík
og kveður á um að lög ESB nái ekki
yfir þann þátt lítils virði því ESB/
framkvæmdastjórn/ þingið getur vik-
ið henni til hliðar hvenær sem er.
Villandi ummæli
sendifulltrúa ESB
Íslendingar hafa lagt áherslu á að
fá varanlega undanþágu ef til aðildar
kemur fyrir tilgreind þýðingarmikil
atriði s.s. í landbúnaðarmálum, sjáv-
arútvegsmálum og dýraheilbrigð-
ismálum svo dæmi séu tekin. Engin
fyrirheit um slíkt hafa verið gefin af
hálfu ESB og engin fordæmi eru fyrir
slíkum varanlegum undanþágum.
Það er því vægast sagt mjög óvarlegt
þegar erindrekar ESB hér á landi
eða einstaka aðilar í samninga-
nefndum, stjórnsýslu eða í pólitík
fara gáleysislega með yfirlýsingar í
þeim efnum. Nægir að vitna í um-
mæli yfirmanns Evrópusviðs hjá
sendinefnd ESB á Íslandi, Henriks
Bendixsen sem fullyrti í fréttaviðtali
13. nóv sl. að „öll 12 aðildarríkin sem
gengið hafa í ESB að undanförnu hafi
fengið undanþágur og það sé að sjálf-
sögðu opið gagnvart Íslandi líka“.
Þarna er aðeins hálfur sannleikur
sagður því allar þessar undanþágur
hafa verið tímabundnar og því ekki
varanlega bindandi samkvæmt lögum
ESB eins og nefnt er hér að ofan.
Ummæli sendifulltrúans voru svo
tuggin athugasemda- og skýr-
ingalaust í fjölmiðlum.
Spurningin er:
viltu ganga í ESB eða ekki.
Á fundi í Strassburg í vikunni und-
irstrikaði stækkunarstjórinn Stefán
Fule að ekki stæði til að veita Íslend-
ingum varanlegar undanþágur frá
lagabálki ESB. Að öðru leyti vék
hann sér undan að svara spurningum
íslensku þingmannanna.Áframhald
þessara viðræðna snýst því eingöngu
um hvort vilji er fyrir því að ganga í
ESB eða ekki. Að mínu mati er allt tal
um varanlegar undanþágur frá laga-
bálki ESB eins og við krefjumst full-
komið villuljós og blekking. Ekkert
er því til fyrirstöðu að þjóðin taki
strax afstöðu til málsins.
Að bíða eftir jóla-
pakka frá ESB
Eftir Jón Bjarnason
Jón Bjarnason
» Á fundi sem þing-
mannahópur Alþing-
is átti með þingmönnum
og forystuliði ESB í
þessari viku komu í ljós
af þeirra hálfu efasemd-
ir um heilindi Íslend-
inga í þessari umsókn.
Höfundur er alþingismaður.