Morgunblaðið - Sunnudagur - 13.01.2013, Side 15

þessum tíma tapar maður sambandi við vini og fjöl-
skyldu.“
Þú hefur unnið með stórstjörnum, Helen Mirren, Julie
Christie og Forest Whitaker og svo vannstu nýlega með
Anthony Hopkins og Russell Crowe í Noah. Hvernig eru
stjörnurnar í umgengni?
„Helen Mirren er stjarna og sýnir það. Forest Whita-
ker er lítillátur og yndislegur og það sama má segja um
Juliu Stiles og Julie Christie. Russell Crowe og Jennifer
Connelly voru einnig mjög indæl á allan hátt. Mér er
minnisstætt þegar ég hitti Anthony Hopkins hversu
sterka útgeislun hann hafði. Reyndar verð ég að viður-
kenna að það lá við að ég fengi í hnén þegar ég hitti
hann.“
Hvernig er Anthony Hopkins?
„Anthony Hopkins er unaður,
eins og draumur manns. Hann
borðaði með okkur starfsmönnum
í matarhléum, en Russell Crowe
borðaði úti í bíl og Jennifer Con-
nelly borðaði sömuleiðis ein og
sér. Russell Crowe getur verið
mjög skemmtilegur og fjörugur
en þungt hugsi fyrir upptökur.
Það er kannski skiljanlegt því
þegar menn eru að lifa sig djúpt
inn í hlutverk þá eru þeir ekki að
gantast einhverjum mínútum áður
en upptaka hefst.“
Það hlýtur að vera ævintýri að
vinna við mynd eins og Noah.
„Það er heljarmikið ævintýri og vitanlega skemmtilegt,
en það er mun heimilislegra að vinna að íslenskum kvik-
myndum með sextíu manns heldur en rúmlega tvö hundr-
uð manns eins og unnu að Noah. Eftir tökurnar á Noah
fór ég til New York þar sem unnið var að innitökum.
Upptökusalurinn var á við Eldborgina í Hörpunni að
stærð enda þurfti að koma þriggja hæða örk fyrir í stúd-
íóinu. Að auku var örkin full af gervidýrum. Ég hef aldrei
séð annað eins á mínum fjörutíu ára ferli.“
Ekki auðvelt að vinna með Hrafni
Hver er skemmtilegasta mynd sem þú hefur unnið við?
„Ungfrúin góða og húsið en það var líka mjög gaman
að vinna að Djúpinu. Andrúmsloftið í Ungfrúnni var sér-
lega skemmtilegt, einfaldlega vegna þess að leikstjórinn
Guðný Halldórsdóttir er snillingur í að viðhalda húmor og
léttleika á vinnustað. Myndin var tekin úti í Flatey á
Breiðafirði og einnig í Svíþjóð í stóru stúdíói þar sem all-
ur aðbúnaður var til fyrirmyndar.
Hefurðu unnið við kvikmynd eða verkefni sem var
mjög erfitt og ekki skemmtilegt?
„Já, vinnan við Í skugga hrafnsins var mjög erfið. Það
liggur við að ég hugsi til þeirra vikna með hryllingi. Í
Noah og Í skugga hrafnsins var svipaður fjöldi leikara,
en í Noah voru sjö sminkur og hárgreiðslufólk en við vor-
um einungis tvær með hár og smink í Hrafninum og vor-
um að allan sólarhringinn. Svo var heldur ekki auðvelt að
vinna með Hrafni Gunnlaugssyni, það verður ekki tekið
af honum að hann er erfiður. Hann getur verið skemmti-
legur maður að vinna með en líka sá erfiðasti, ef svo ligg-
ur á honum, mjög erfiður.“
Þú sást um gervin í Spaugstofunni í mörg ár og fékkst
reyndar Edduverðlaun fyrir gervin árið 2008.
„Það var mjög gaman að vinna með Spaugstofunni. Við
vinnslu á þeim þáttum var mikið lagt í förðun, búninga og
leikmynd. Ég held að það sjáist alveg greinilegur munur
núna hversu mikið var lagt í útlit og vinnu miðað við það
sem nú er gert fyrir þá félaga á nýja vinnustaðnum
þeirra. Í þessu sambandi er skrýtið að Spaugstofan var
ekki tilnefnd til Edduverðlauna fyrr en eftir að hún var
hætt á RÚV.“
Fyrst minnst er á Edduna, þá hefur þú fengið fern
Edduverðlaun. Ertu ekki stolt af því?
„Ég er komin með aðventukrans! Verðlaun sýna að ein-
hverjir taka eftir því sem maður er að gera, og það er
vitanlega skemmtilegt. En auðvitað eru margir að gera
góða hluti sem aldrei er talað um og það er miður.“
Ragna með stórstjörnunni Julie Christie.
* „Mér er minnis-stætt þegar éghitti Anthony Hopkins
hversu sterka útgeisl-
un hann hafði.
Reyndar verð ég að
viðurkenna að það lá
við að ég fengi í hnén
þegar ég hitti hann.“
13.1. 2013 MORGUNBLAÐIÐ SUNNUDAGUR 15
Hverafold 1-3 | Grettisgötu 3 | Smáralind | Langholtsvegi 113 | Turninn Höfðatorgi
511 1710 | svanhvit@svanhvit.is | svanhvit.is
LÁTTU OKKUR SJÁ UMHEIMILISÞVOTTINN!
LÍTIL VÉL 7 KG. 1.790 KR.
STÓR VÉL 15 KG. 3.290 KR.
Efnalaug - Þvottahús
SVANHVÍT EFNALAUG
- NÚ Á FIMM STÖÐUM
Hverafold 1-3, 112 Reykjavík
Langholtsvegi 113, 104 Reykjavík
Grettisgötu 3, 101 Reykjavík
Smáralind, 201 Kópavogur
Turninn Höfðatorgi, 105 Reykjavík