Morgunblaðið - Sunnudagur - 13.01.2013, Síða 24

*Heimili og hönnunPostulínsvirkið í bakhúsi við Laugaveg er athvarf keramikhönnuða sem selja eigin framleiðslu »26
Í
vor kemur eitthvað af nýju frá okkur, ný mynstur
og litir og vonandi eitthvað fleira,“ segir Tinna
Pétursdóttir, annar helmingur Dóttur og sonar.
„Við Ingvi höfðum unnið mjög mörg verkefni
saman, aðallega í tengslum við vefinn, þ.e. ég hannaði
og hann óf. Svo þegar ég fór að vinna í þessari línu
var hann alltaf með í ráðum með allt sem var gert og
upp úr því ákváðum við að stofan D&S skyldi stofn-
uð.“
Vörulína fyrirtækisins er fjölbreytt. Litríkt hang-
andi loftljós hefur vakið athygli og birst í erlendum
hönnunartímaritum auk þess sem púðar, veggfóður
og veggspjald með origami-mynstri hafa notið vin-
sælda. Vörur D&S eru nú seldar á Norðurlöndunum,
víða um Evrópu, í Bandaríkjunum, Ástralíu og Kór-
eu. Tinna segir þeim hjónum ganga mjög vel að vinna saman. „Við höfum alltaf unnið vel saman,
hvort sem það er í barnauppeldi eða verkefnum tengdum vinnunni. En svo tökum við líka verkefni
hvort í sínu lagi og vinnum í friði eða með öðrum,“ segir hún. Þau hjón eignuðust á dögunum sitt
þriðja barn og leggja því drög að nýrri hönnunarlínu á milli bleiuskipta og brjóstagjafa. Tinna segir
barnastússið geta veitt innblástur að skemmtilegum hlutum. „Við höfum bæði gaman af hlutum sem
eru litríkir og með smáhúmor svo erum við á kafi í barnauppeldi, svo það hefur líka sterk áhrif. Við
höfum líka alltaf haft gaman af því að hafa barnalega hluti eins og gömul leikföng í stofunni og svo
öfugt; eitthvað fullorðinslegt eða alvarlegt inni hjá krökkunum.“
Hún segir innblástur að vörum D&S koma alls staðar að. „Úr bókum, blöðum og svo þessari frá-
bæru borg sem við búum í. Við höfum mikið þrætt markaði og flækst um svo það er alltaf nóg að
sjá og stutt í hugmyndirnar,“ segir Tinna.
Loftljósið og fleiri vörur frá D&S
fást í Aurum í Bankastræti.
Veggspjald með origami-mynstri, fæst í
stærðum A4 til A0. Einnig framleiða Dóttir
og sonur veggfóður með mynstrinu.
Púðar frá D&S með origami-mynstri
hafa notið mikilla vinsælda.
Skuggalímmiðar með dýramyndum
á veggi barnaherbergisins.
Ingvi Þór er vefhönnuður og Tinna er grafískur hönnuður með meistaragráðu í umbúðahönnun og stundaði nám við Listaháskóla Íslands og Istituto
Europeo di Design í Mílanó. Þau hjón kynntust árið 2004 og hafa starfað saman að ýmsum hönnunarverkefnum.
TINNA OG INGVI Í DÓTTIR OG SONUR
Hönnunarhjón
í Berlín
TINNA PÉTURSDÓTTIR OG INGVI ÞÓR GUÐMUNDSSON, SEM MYNDA
HÖNNUNARTVÍEYKIÐ DÓTTIR OG SONUR, EIGNUÐUST NÝVERIÐ SITT
ÞRIÐJA BARN OG UNDIRBÚA NÚ NÝJA VÖRULÍNU FYRIR VORIÐ
Eyrún Magnúsdóttir eyrun@mbl.is
* „Við höfumbæði gamanaf hlutum sem
eru litríkir og
með smá húmor.“
Innblásturinn í KR-púðana kemur
beint úr Vesturbæ Reykjavíkur.