Morgunblaðið - 23.05.2013, Blaðsíða 4
MORGUNBLAÐIÐ FIMMTUDAGUR 23. MAÍ 2013
4 VIÐSKIPTI
BAKSVIÐ
Karl Blöndal
kbl@mbl.is
Skattsvik voru efst á baugi á leið-
togafundi Evrópusambandsins í
Brussel í gær. Því er haldið fram að
skattsvik kosti ríkissjóði sambands-
ins milljón milljónir evra á ári. Vilji
er til þess að leita leiða til að auka
skatttekjur, en Austurríki og Lúx-
emborg eru treg til að fallast á að
deila upplýsingum um bankareikn-
inga sjálfkrafa vegna ótta um að
það myndi grafa undan fjár-
málageiranum, sem er mikilvægur
þáttur í hagkerfum landanna. Leið-
togarnir settu sér frest til áramóta
til að gera bankaleynd útlæga.
Forsenda sáttar um aðgerðir
Í bréfi Hermans Van Rompuys, for-
seta leiðtogaráðs Evrópusambands-
ins, til leiðtoga aðildarríkja ESB
fyrir fundinn sagði að „baráttan
gegn skattsvikum og undanskotum
snerist á tímum aðhalds á fjár-
lögum og niðurskurðar um meira
en sanngirni í skattamálum“, hún
væri orðin „forsendan fyrir póli-
tískri og félagslegri sátt um að ná
fjárhagslegum stöðugleika“.
Austurríki og Lúxemborg neit-
uðu á fundi fjármálaráðherra ESB í
liðinni viku að fallast á áætlun um
að deila upplýsingum um banka-
reikninga sjálfkrafa.
Austurríkismenn og Lúx-
emborgarar vilja að fram-
kvæmdastjórn ESB geri sam-
komulag um gagnsæi við
Sviss, Andorra, Mónakó, San
Marínó og Liechtenstein, sem
standa utan ESB, að for-
gangsmáli.
„Við ætlum að segja
skilið við bankaleynd og
færa okkur í átt að
sjálfkrafa skiptum á
upplýsingum, sem
við viljum innleiða 1.
janúar 2015,“ sagði
Jean Claude-Juncker, forsætisráð-
herra Lúxemborgar, eftir fundinn í
gær. Til þess að það mætti verða
yrði að „semja við þriðju lönd, sér-
staklega Sviss, þannig að við
skekkjum ekki samkeppni,“ sagði
Juncker.
David Cameron, forsætisráð-
herra Bretlands, mælti fyrir því að
átakið næði til fjölþjóðafyrirtækja
og naut þar stuðnings Francois
Hollande, forseta Frakklands, en
átti þó á brattann að sækja.
Stórfyrirtækin Google og
Apple hafa sætt ámæli upp á síð-
kastið fyrir að borga lága skatta,
sérstaklega í Írlandi. Fyrirtækja-
skattur á Írlandi er 12,5%, en Apple
hefur í einhverjum tilvikum greitt
2%.
„Ég er fylgjandi lágum skatti á
fyrirtæki,“ sagði Cameron, en bætti
við að „þegar við leggjum á skatta
verðum við að vera viss um að fyr-
irtækin borgi þá“.
Billjónir evra í skattaskjólum
Samtökin Oxfam telja að 9,5 billj-
ónir evra séu í skattaskjólum
tengdum ESB. Þar af sé um helm-
ingurinn í skattaskjólum, sem með
einhverjum hætti tengjast Bret-
landi, frá Guernsey til Cayman-
eyja.
„Undanskot undan skatti eru
alvarlegur glæpur, sem þökk sé
endalausum lagaflækjum og lág-
markssektum er hægt að fremja
nánast án refsingar,“ sagði Martin
Schlutz, leiðtogi Evrópuþingsins, á
fundinum í Brussel í gær. Angela
Merkel, kanslari Þýskalands, sagði
að skattsvikum og undanskotum
yrði „einfaldlega að linna“.
Billjón evrum skotið undan skatti
árlega í ríkjum Evrópusambandsins
AFP
Skattyrðast um skattamál Angela Merkel, kanslari Þýskalands, sagði á leiðtogafundi ESB í Brussel í gær að undanskotum undan skatti yrði að linna.
Þrýst á að bundinn verði endi á bankaleynd á leiðtogafundi ESB Lúxemborg og Austurríki óttast að skattaskjól utan ESB fái forskot
Einnig var á dagskrá leiðtoganna að ræða orkumál. Vinnsla olíu og gass
úr leirsteini hefur valdið byltingu í Bandaríkjunum og leitt til þess að
orkuverð hefur snarlækkað þar í landi. Sumir segja að þetta gefi
Bandaríkjamönnum forskot, sem gæti lagt grunninn að „nýrri iðn-
byltingu“.
Þetta er þróun, sem þykir ógna samkeppnisstöðu ríkja ESB, sem
árið 2012 borguðu milljarð evra á dag fyrir innflutta orkugjafa. „Evr-
ópa á á hættu að verða eina álfan sem er háð innfluttri orku,“ sagði
Herman Von Rompuy, forseti leiðtogaráðs ESB. „Árið 2035 munum við
enn verða að flytja inn meira en 80% af orkunni sem við þurfum og það
mun hafa afleiðingar fyrir samkeppnishæfni fyrirtækjanna okkar.“
„Loksins höfum við í Evrópu gert okkur grein fyrir því að við þurfum
að tala einni röddu,“ sagði Dalia Grybauskaite, forseti Litháens, um
orkumálin á fundinum í Brussel í gær.
Eina álfan háð innfluttri orku?
RÍKI ESB ÞYKJA STANDA HÖLLUM FÆTI Í ORKUMÁLUM
Dalia Grybauskaite,
forseti Litháens.
Skipholt 17 - 105 Reykjavík Sími 588 4699 Fax 588 4696 www.oba.is oba@oba.is
olivetti
Olivetti D-Copia 1800MF
Kr. 254.775
Með Olivetti d-Copia 1800MF
fjölnotatækinu má prenta
og ljósrita í A4 og A3.
Sérlega hentugt fyrir deild
innan fyrirtækis.
Hagkvæmt í rekstri.
Viðbótarbúnaður fáanlegur
fyrir tvíhliða prentun, fax-
sendingu, skönnun,
sjálvirkan tvíhliða
frumritamatara, viðbótar-
pappírsbakka, heftara og
harðan disk
MAÍ
TILBOÐ
kr. 203.82
0
Rekstrarkostnaður dufthylkis
pr. A4 blað með 5% dekkingu
er um kr. 1,15 m/vsk.
Þjónusta til
frambúðar.....
Er of heitt?
Gríptu til aðgerða fyrir sumarið
Skrifstofur | Tölvurými
íshúsið
Loftkæling í miklu úrvali