Morgunblaðið - 23.05.2013, Blaðsíða 10

Afþreyingarbransinn
MORGUNBLAÐIÐ FIMMTUDAGUR 23. MAÍ 2013
10
Ásgeir Ingvarsson
ai@mbl.is
G
eir Gunnarsson hjá
Myndformi segir að-
sókn að kvikmynda-
húsum vera stöðuga og
að sveiflur milli ára
skýrist frekar af því að kvikmynda-
úrvalið getur verið sérlega gott eitt
árið en lakara hitt. Sama hvort það
er kreppa eða góðæri fer fólk í bíó
þegar góðar myndir eru sýndar.
Myndform er dreifingaraðili
kvikmyndavera á borð við Univer-
sal, MGM og Lions Gate. Geir segir
upplifunina af að sjá kvikmynd í vel
útbúnu kvikmyndahúsi alltaf standa
fyrir sínu. Það kunni að skýra að
niðurhal sjóræningjaafrita yfir netið
hefur ekki mikil áhrif á aðsókn-
artölur kvikmyndahúsanna. „Það er
einfaldlega ekki sami hluturinn að
horfa á mynd í bíó annars vegar og
á töluskjánum heima hins vegar.
Frekar er hægt að greina merki
þess að ólöglega niðurhalið bitni á
DVD sölu og VOD leigum enda er
ekki sami stóri munur á upplifuninni
af myndinni.“
Kvikmyndirnar gjalda þó fyrir
það ef gott sjóræningjaafrit ratar á
netið á svipuðum tíma og sýningar
hefjast í kvikmyndahúsum. „Fyrstu
sjóræningjaafritin sem koma á netið
eru yfirleitt mjög slæm og tekin upp
á myndbandsupptökuvélar inni í
kvikmyndasal. Þeir sem hafa áhuga
á að sjá myndina velja þá yfirleitt
frekar að fara í bíó, en kunna að
velja að horfa á myndina heima ef
vandað sjóræningjaafrit er í um-
ferð,“ útskýrir Geir. „Þetta gerðist
t.d. með kvikmynd Tarantinos,
Django Unchained en hágæðaeintak
lak á netið og varð greinilega til
þess að miðasala dróst saman. Mið-
að við síðustu mynd Tarantinos var
miðasalan á Django töluvert dræm.“
Geir hefur áhyggjur af að
stjórnvöld skuli ekki beita sér af
meiri krafti gegn ólöglegu niðurhali.
Segir hann niðurhalið bæði koma
niður á fyrirtækjum sem veita fjölda
fólks störf og að auki sé ljóst að rík-
ið fari á mis við skatttekjur.
Borið saman við miðaverð í ná-
grannalöndunum eru kvikmynda-
húsin á Íslandi ódýr, að sögn Geirs.
Bendir hann þó á að hér á landi
leggist háir skattar á bíómiðann.
„Sem dæmi er skatturinn á kvik-
myndahúsagesti 6% í Svíþjóð, 8% í
Noregi og 9% í Finnlandi en Dan-
mörk kemst næst Íslandi með 25%
skatti á miðann.“
Ástæðan fyrir því að tekst að
halda miðaverði svona lágu er m.a.
að kvikmyndahúsin fá að ráða miklu
um verðið og ekki um það að ræða
að kvikmyndaverin í Hollywood geti
stýrt því hvað gestir þurfa að greiða
fyrir myndirnar. Þannig geta kvik-
myndahús hér og þar í heiminum
lagað verð sín að aðstæðum á hverju
markaðssvæði „Kvikmyndaverin
semja svo einfaldlega um ákveðna
prósentu af miðasölunni,“ segir
Geir.
Kvikmyndaþjóðin Ísland
Það hjálpar líka til að Íslendingar
eru mjög duglegir að heimsækja
kvikmyndahúsin og þar kann að
spila inn í að þegar kemur að hönn-
un og tækjabúnaði eru íslensku bíó-
in í fremstu röð. „Þetta verða Ís-
lendingar varir við þegar þeir fara í
bíó erlendis og eru þar venjuleg
kvikmyndahús töluvert síðri en fólk
á að venjast hér á landi.“
Loks eru ákveðnar myndir að
fá aukna aðsókn út á það að hafa
einhverja tengingu við Ísland. Síð-
ustu árin hefur fjöldi stórmynda
verið tekinn upp að hluta eða í heild
hér á landi og segir Geir greinilegt
að íslenskir kvikmyndahúsagestir
hafi gaman af að sjá landið sitt á
hvíta tjaldinu. „Ef við berum árang-
ur þessara mynda hér á landi saman
við aðsóknina erlendis þá sést skýrt
að þessum myndum gengur betur
hér en annars staðar.“
Sjóræningjaafritin
keppa ekki við bíóin
 Upplifunin af að horfa á mynd í bestu gæðum í vel útbúnum bíósal skákar lélegum sjóræn-
ingjaútgáfum á netinu  Sjóræningjastarfsemin kemur af meiri þunga niður á DVD og VOD
 Íslendingar eru duglegir að sækja Hollywoodmyndir sem teknar hafa verið upp hérlendis
Morgunblaðið/RAX
Áhugamál Geir Gunnarsson segir
Íslendinga kvikmyndaþjóð.
Kempur Vöðvabúntið Dwayne Johnson í hlutverki sínu í nýjustu Fast and Furious myndnni. Geir segir það ekki endilega slæman hlut hversu mikið kvik-
myndamarkaðurinn virðist borinn uppi af framhaldsmyndum og kvikmyndahúsagestir láti ekki bjóða sér hvað sem er þegar kemur að gæðum mynda.
Áhugavert er að skoða þá þró-
un sem orðið hefur á kvik-
myndamarkaðinum undanfarna
áratugi þar sem framhalds-
myndir og langir myndaflokkar
virðast raka að sér æ stærri
hluta af kökunni. Þeir sem taka
kvikmyndalistformið mjög al-
varlega hafa jafnvel viðrað
áhyggjur af því að frumlegar
myndir séu orðnar sjaldgæfar
og markaðurinn mikið til drif-
inn áfram af framhalds-
myndum.
Geir segir tölurnar tala sínu
máli. „Ef við skoðum t.d. topp
10-listann í Bandaríkjunum á
síðasta ári þá eru bara tvær
myndir sem standa sem sjálf-
stæð og frumsamin verk: Ted
og Brave, og reyndar tók það
Pixar ekki langan tíma að fara
að skoða möguleikann á Brave-
framhaldsmynd. Annars voru
söluhæstu myndirnar hluti af
stórum seríum eins og Hunger
Games, Batman, Bond og Twi-
light.“
Geir segir það ekki endilega
slæman hlut að myndaraðir
séu orðnar svona áberandi. Það
sé raunin að aðsóknarmestu
myndirnar eru góðar og vand-
aðar myndir og þegar stúdíóin
senda frá sér lélegar fram-
haldsmyndir sé aðsóknin oft
dræm. „Stundum hreinlega
batna myndirnar eftir því sem
framhaldsmyndunum fjölgar og
hefur það t.d. verið raunin með
seríuna Fast and the Furious
sem nýlega var að bæta við 6.
myndinni. Það var ekki fyrr en
á 4. og 5. mynd að serían fór
almennilega á flug og breyttist
í alvöru hasarmyndir, en fyrstu
þrjár myndirnar höfðuðu eig-
inlega bara til allra hörðustu
bíladellukarla. Um síðustu helgi
forsýndum við nýjustu myndina
og var uppselt á fjölda forsýn-
inga.“
ER FRUMLEIKINN HORFINN
ÚR HOLLYWOOD?
Ófrumlegt Í Hollywood rekur hver
framhaldsmyndin aðra. Úr lokamynd
Twilight seríunnar, sælla minninga.
Endalaus
straumur
framhalds-
mynda
- með morgunkaffinu
AWorld of Service
Við erum í hádegismat
Við bjóðumupp á hollan og
góðan hádegisverð alla virka
daga fyrir fjölbreyttan hóp
viðskiptavina.
Þrjá daga vikunnar
bjóðum við að auki upp á
grænmetisrétt – til að
mæta þörfum semflestra.
Skoðaðumatarmálin hjá
þér og vertu í samband við
veitingasvið ISS.
www.iss.is - sími 5 800 600.
”Hádegið er
hápunktur
dagsins
hjá okkur”