Morgunblaðið - 23.05.2013, Blaðsíða 11
MORGUNBLAÐIÐ FIMMTUDAGUR 23. MAÍ 2013
11
Ásgeir Ingvarsson
ai@mbl.is
T
ónlistar- og kvikmynda-
verslunin Skífan og
tölvuleikjaverslunin
Gamestöðin samein-
uðust í eitt fyrirtæki 1.
mars sl. Ágúst Guðbjartsson, fram-
kvæmdastjóri Skífunnar-Geimstöðv-
arinnar, segir samrunann hafa kom-
ið sér mjög vel fyrir bæði fyrirtækin
og nú þegar hafi komið greinilega í
ljós jákvæð áhrif af að reka Skífuna
og Geimstöðina sem eina heild.
Ekki er langt síðan eigenda-
skipti urðu á Gamestöðinni og ákvað
nýr eigandi fyrirtækisins að ganga
til samninga við Skífuna um að taka
reksturinn undir sinn væng. „Við
höfðum um nokkurt skeið verið að
leita að réttu leiðinni til að keyra af
meiri krafti inn á leikjamarkaðinn
og höfðum haft augastað á Game-
stöðinni. Af samrunanum skapast
mikið hagræði, yfirstjórnin straum-
línulagast, húsnæði nýtist betur og
eins þýðir samruninn að við erum
ekki með tvær verslanir með tölvu-
leiki að keppa um sömu viðskiptavin-
ina í Kringlunni. Síðast en ekki síst
er svona samruni mikilvægur fyrir
tvö lítil fyrirtæki til að standa betur
að vígi gegn stóru risunum á mark-
aðinum.“
Skífan rekur í dag verslanir í
Kringlunni og á Laugavegi og fær
Gamestöðin sitt svæði á báðum stöð-
um. Ágúst segir vonir standa til að
opna verslun í Smáralind áður en
langt um líður. „Við hugsum um
Gamestöðina eins og nk. „in-store“-
verslun. Starfsmannahald fyrirtækj-
anna er aðskilið, og sjá starfsmenn
Gamestöðvarinnar alfarið um tölvu-
leikina, en starfsmenn Skífunnar
sinna alfarið tónlistinni og mynd-
diskasölunni. Þannig viljum við
tryggja að viðskiptavinurinn geti
áfram gengið að því vísu að fá þá
sérhæfðu þjónustu og ráðgjöf sem
hann hefur átt að venjast til þessa.“
Spilarahópurinn stækkar
Síðustu ár hafa fjölmiðlar reglulega
skrifað um hvað tölvuleikjabransinn
hefur stækkað ört. Stóru tölvuleik-
irnir eru margir farnir að keppa við
stærstu Hollywood-myndirnar í
sölutekjum.
Þannig seldist t.d. skotleikurinn
Call of Duty: Black Ops fyrir um 1,5
milljarða dala á sínum tíma og jafn-
ast á við þriðju söluhæstu kvikmynd
sögunnar, Avengers. Til sam-
anburðar halaði söluhæsta Harry
Potter-myndin inn 1,3 milljarða
dala.
Ágúst segir alls ekki útlit fyrir
að tölvuleikjamarkaðurinn hafi náð
hámarki. Vöxturinn sé enn mikill og
markaðurinn hafi mörg tækifæri til
að stækka: „Karlmenn eru sterkasti
viðskiptavinahópurinn og það er að
sýna sig að þeir eru farnir að spila
langt fram á fullorðinsár. Ekki er
lengur svo óalgengt að sjá menn sem
eru vel yfir fertugt taka virkan þátt í
leikjasamfélaginu. Stelpurnar eru
líka farnar að spila tölvuleiki af meiri
krafti og á mikið af vextinum eftir að
koma í gegnum þær.“
Sérstaða tölvuleikjanna segir
Ágúst að sjáist m.a. vel þegar eft-
irsóttir nýir titlar koma í verslanir.
„Nýlega var t.d. að koma út nýjasti
leikurinn í FIFA-seríunni. Ekki er
nóg með að verslanir okkar hafi
fyllst af fólki sem vildi ná sér strax í
eintak heldur myndaðist veislu-
stemning í hópnum og mikið fjör í
búðinni. Þegar leikir seljast vel þá
yfirleitt seljast þeir í bílförmum.
Þetta er allt annað en við sjáum t.d. í
tónlistinni eða kvikmyndunum og
þekkist varla lengur að fólk t.d. bíði í
röð eftir að verslunin sé opnuð til að
kaupa nýja plötu eftir einhvern tón-
listarmanninn.“
Að sögn Ágústs er það helst í
PC-leikjunum að salan er að dala, en
það skrifast þó ekki endilega á að
fólk spili minna af leikjum í PC-
tölvunni og frekar að salan sé að
leita í niðurhalsþjónustur eins og
leikjagáttina Steam. Annað er uppi á
teningnum í leikjum fyrir hrein-
ræktaðar leikjatölvur eins og Play-
Station og Xbox. „Þó spilarar geti
eftir ákveðnum leiðum keypt og hal-
að niður yfir netið leikjum á leikja-
tölvurnar þá virðist meirihlutinn enn
kjósa frekar að eiga leikina í „föstu
formi“. Fyrir suma hefur það söfn-
unargildi að eiga leikinn en aðrir sjá
kostina við það að geta farið með
notaðan leik niður í verslun og skipt
upp í nýjan.“
Loks þykir það hjálpa tölvu-
leikjunum í kreppu að spilarinn fær
mikla afþreyingu fyrir krónuna. Þó
góður leikur geti kostað töluvert
meira en t.d. DVD- diskur þá er ekki
óalgengt að menn spili góðan skot-
leik í tugi og janvel hundruð klukku-
stunda. „Við verðum vör við þessi
áhrif hér í versluninni og virðist
hlutur tölvuleikja stöðugt vera að
aukast. Leikirnir taka æ stærri bita
af kökunni, en hlutur kvikmynda og
tónlistar minnkar.“
Tölvuleikjaverslun
á enn mikið inni
Skapa ný og spennandi tækifæri með samruna Skífunnar og Gamestöðvarinnar
Söluhæstu tölvuleikirnir keppa við stórmyndir Hollywood í tekjum Notendur
leikjatölva virðast kunna að meta það að eiga leikinn „á föstu formi“
Morgunblaðið/Rósa Braga
Vöxtur „Karlmenn eru sterkasti viðskiptavinahópurinn og það er að sýna
sig að þeir eru farnir að spila langt fram á fullorðinsár,“ segir Ágúst