Morgunblaðið - 06.08.2013, Qupperneq 21

UMRÆÐAN 21
MORGUNBLAÐIÐ ÞRIÐJUDAGUR 6. ÁGÚST 2013
Fjölskylduhátíðin Fiskidagurinn mikli 2013
Hugleiðingar frá skipuleggjendum
Viljum bregðast við áður en að þetta
verður að vandamáli.
Fiskidagurinn mikli er fjölskylduhátíð þar sem hvorki
er pláss fyrir dóp né drykkjulæti og leggja aðstand-
endur mikla áherslu á að íbúar eða gestir hafi
ekki áfengi um hönd á auglýstum dagskrárliðum
Fiskidagsins mikla yfir daginn og virði landslög og
sýni hófmennsku á öðrum tímum. Frá upphafi höfum
við haft frábæra gesti sem hafa gengið einstaklega
vel um og fyrir það viljum við þakka sérstaklega.
Það eru allir velkomnir á Fiskidaginn mikla.....
EN það eru einfaldar reglur og að fylgja þeim er eini
aðgangseyririnn á dagskrárliði Fiskidagsins mikla.
Aðstandendur, íbúar og sjálboða-liðar vonast til þess
að allir á öllum aldri fylgi Fiskidagsboðorðunum. Við
viljum vernda hátíðina okkar svo að við getum áfram
boðið til okkar öllum landsmönnum til að njóta
samvista með fjölskyldunni, matar og skemmtunar.
Forvarnarnefnd Fiskidagsins mikla og Dalvíkurbyggðar
hefur m.a. unnið með þjónustu og veitingaaðilum
um styttri opnunartíma á nóttunni. Sent foreldrum á
norðurlandi bréf þar sem þeir eru m.a. hvattir til að
virða útivistarreglur og senda ekki börn undir 18 ára
aldri ein á útihátíðir, hvatt fjölskylduna til að koma
SAMAN og skemmta sér og njóta viðburðanna
Fjölskylduhátíðin Fiskidagurinn mikli verður haldin í þréttánda sinn
8.–11. ágúst n.k. í Dalvíkurbyggð.
Fiskidagsboðorðin 2013
Við göngum vel um
Við virðum hvíldartímann
Við virðum náungann og umhverfið
Við verjum Fiskdeginum mikla saman
Við virðum hvert annað og eigur annara
Við virðum útivistarreglur unglinga og barna
Við erum dugleg að knúsa hvert annað
Við beygjum okkur 2 sinnum á dag eftir rusli
Við förum hóflega með áfengi
og virðum landslög.
Við hjálpumst að við að halda
Fiskidagsboðorðin.
saman og fleira. Forvarnarnefndin hefur m.a. rætt
um ábyrgð foreldra ólögráða ungmenna í tengslum
við bæjarhátíðir og sumarskemmtanir. Hvetur
nefndin foreldra til að axla ábyrgð.
Aukið dagskrárefni fyrir börnin
og fjölskylduna saman.
Enginn dansleikur.
Styttri opnunartími þjónustu
og veitingaaðila á nóttunni.
Sendum ekki ólögráða ungmenni
ein á bæjarhátíðir.
Það að 18 ára og yngri mega ekki tjalda
nema í fylgd með foreldrum eða forráða-
mönnum eru ekki viðmið heldur lög.
Fjölskyldan SAMAN á bæjarhátíðum
söfnum góðum minningum
Hlökkum til að sjá ykkur –
Kveðja, stjórn og forvarnarnefnd
Fiskidagsins mikla og Dalvíkurbyggðar.
Ljósm
yndariHSH
Færni til að koma á
nýsköpun í fyr-
irtækjum og leysa
flókin vandamál henni
tengd, er ein mik-
ilvægasta forsenda
þess að nýsköp-
unarfyrirtæki nái að
vaxa. Einnig að at-
vinnulíf landsins þró-
ist og nái árangri.
Færni til nýsköpunar
er getan til að leysa
öll þau flóknu mál
sem koma upp við að koma nýrri
eða breyttri afurð á markað. Til
þessa þurfa nýsköpunarfyrirtæki
oft stuðning frá opinberum aðilum.
Lítil fyrirtæki eru jafnan ekki í
stakk búin til að leysa öll vanda-
mál sjálf. Stuðningur við nýsköpun
í atvinnulífinu er meðal annars til
þess gerður að jafna samkeppn-
isaðstöðu atvinnulífs í ólíkum lönd-
um. Íslenskt stuðningskerfi við ný-
sköpun virðist vera nokkuð
skilvirkt í þessu sambandi. Eitt-
hvað vantar þó á að fyrirtæki fái
sama stuðning við nýsköpun og
best gerist í nágrannalöndunum.
Það má viðurkenna það sem vel er
gert en þó mætti taka á málum
þar sem stuðning vantar. Að öðr-
um kosti eykst hætta á að íslenskt
atvinnulíf dragist aftur úr í sam-
keppni um að koma afurðum sín-
um á alþjóðamarkað.
Í tengslum við efnahagshrunið
var settur á stofn fjöldi áhuga-
verðra frum-
kvöðlaverkefna þar
sem einstaklingar
voru hvattir til að
koma fram með við-
skiptahugmyndir með
það að markmiði að
þeir gætu síðan stofn-
að fyrirtæki um hug-
mynd sína. Þetta var
jákvætt átak og er
áhugavert að sjá
hvort eftir 8-10 ár
verði hægt að sjá ár-
angur af þessum
átaksverkefnum.
Sennilega mun það taka þann tíma
fyrir fyrirtækin að komast á legg
hafi þau til þess burði. Hafi fyr-
irtækjum fjölgað í framhaldi af
átaksverkefnunum má segja að vel
hafi tekist til. Ef ekki, þá var að
minnsta kosti reynt. Vandamálið
er að fyrirtæki á Íslandi vaxa
hægar en gengur og gerist í ná-
grannalöndum okkar. Það liggja
fyrir rannsóknir sem sýna að vöxt-
ur nýsköpunarfyrirtækja er frem-
ur hægur. Það má því leiða líkur
að því að færni frumkvöðla sé ekki
nægilega mikil og að stoðkerfi ný-
sköpunar sé ekki alltaf í stakk bú-
ið til að sjá til þess að bæta úr þar
sem þörfin er mest.
Stoðkerfið þarf að vinna með
fyrirtækjunum í því að finna hvaða
flöskuhálsar standa í vegi fyrir því
að nýsköpunarfyrirtæki í landinu
nái að vaxa og dafna. Mikilvægt er
að leita leiða til að sjá fyrirtækjum
fyrir réttri og viðeigandi færni.
Hluti af þessu er að bæta menntun
landsmanna í þeim greinum sem
líklegt er að nýtist til framtíðar.
Það nægir ekki að kalla eftir fólki
með tækni- eða raunvísinda-
menntun. Þetta er stærra en svo
og kallar á samstarf fyrirtækja og
aðila í menntakerfinu og nákvæma
skilgreiningu á þörfinni fyrir
færni. Þetta á einnig við hvað
varðar þjálfun og þróun á færni
fólks. Að sjá atvinnulífinu fyrir
viðeigandi færni er ferli sem varð-
ar allt samfélagið, menntakerfið
eins og það leggur sig. Þá þarf al-
mennt umhverfi sem er jákvætt í
garð frumkvöðla, nýsköpunar og
færniþróunar.
Stoðkerfið leggur áherslu á fjár-
stuðning við nýsköpunarfyrirtæki
en þó má segja að skortur á fjár-
magni sé oft það sem stendur ný-
sköpunarstarfi fyrirtækja fyrst
fyrir þrifum. Nýsköpunarfyrirtæki
á Norðurlöndum búa við auðveld-
ara aðgengi að fé, bæði til rann-
sókna og nýsköpunar. Þar er einn-
ig reynt að fylgja peningunum
eftir með góðum ráðum. En segja
má að þar sé um að ræða „snjalla
peninga“. Ekki skal gert lítið úr
því fé sem varið er til nýsköp-
unarfyrirtækja á Íslandi enda eru
ótal dæmi þess að þetta sé for-
senda þess að fyrirtæki nái að
vaxa. Frumkvöðullinn leggur oft af
stað með áhugaverða tæknilega
hugmynd en skortir þekkingu til
að láta hana verða að arðbærri af-
urð. Það má segja að fjármögnun
fyrirtækja með snjöllum peningum
færi þeim aukna færni sem losi
þar með um ýmsa flöskuhálsa.
Tímaþátturinn er mikilvægur í
þróun færni en atvinnulífið og
menntakerfið þurfa að sameinast
um aðgerðir sérstaklega til langs
tíma. Það er ekki skilvirkt að fyr-
irtæki og menntakerfi einblíni á
þörf dagsins í dag eftir færni. Þeg-
ar mennta- og stuðningskerfi
koma með lausn dagsins í dag er
liðinn svo langur tími að allt önnur
vandamál hafa komið fram og
þarfnast lausna. Til að gagnast at-
vinnulífinu best þarf að sjá því fyr-
ir réttri færni á réttum tíma.
Færni er ekki bara fólgin í mennt-
un enda koma mjög margir aðrir
þættir til greina. Skoða þarf atriði
eins og reynslu, menningu, rekstr-
arumhverfi svo að fátt eitt sé
nefnt. Að þróa færni til nýsköp-
unar er því langhlaup sem kallar á
þátttöku mjög margra.
Nýsköpun verður ekki til nema
fyrir tilstuðlan markaðarins. Góð
hugmynd sem markaðurinn hafnar
er ekki nýsköpun heldur tóm-
stundagaman. Færni á sviði mark-
aðar og stjórnunar ýmiskonar er
ekki síður mikilvæg fyrir nýsköp-
un en hin tæknilega færni. Stjórn-
un nýsköpunar og innfærsla á
markað er ekki síður mikilvæg en
hin tæknilega hugmynd. Hér er
það áherslan á sterkar hliðar í
landinu sem gildir. Leggja skal
áherslu á það sem landsmenn
kunna vel en hika þó ekki við að
taka inn nýjar greinar. Það skal
þó gert meðvitað, ekki endilega
með því að leggja mikið fé og
mannskap í verkefni sem ekki er
þaulhugsað og sem passar hugs-
anlega ekki vel inn í efnahagslífið.
Færni til nýsköpunar
kallar á samstarf og stuðning
Eftir Þorvald
Finnbjörnsson » Stuðningur við ný-
sköpun í atvinnulíf-
inu er meðal annars til
þess gerður að jafna
samkeppnisaðstöðu at-
vinnulífs í ólíkum lönd-
um.
Þorvaldur
Finnbjörnsson
Höfundur er rekstrarhagfræðingur.
...alveg með’etta
Fylgir Morgunblaðinu alla fimmtudaga